|
فتيس اللانسر 2010 ستيبترونيك
السلام عليكم ,, عاوز اعرف يا جماعه اذا كان حد جرب الفتيس الجديد الستيبترونيك الجديد بتاع اللانسر ؟؟؟ لاني كنت اعرف ان الفتيس الاوتوماتيك القديم CVT كان رائع و ممتاز ,, ياترى مقارنه السيبترونيك بال CVT تكون لمصلحه مين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يا ريت لو حد مجربهم او فاهم فيهم يرد عليا ,, و الف شكر مقدما ,, |
رد: فتيس اللانسر 2010 ستيبترونيك
متابع بأهتمام
|
رد: فتيس اللانسر 2010 ستيبترونيك
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟
|
رد: فتيس اللانسر 2010 ستيبترونيك
بداية يا خى شوف الموضوع دة عن الانسر 2010 بالفتيس الجديد
وانا تجربتى مع الفتيس الجديد من حوالى ثلاث شهور ونصف تقريبا ً ومشيت بة 9000 كم وهو بالنسبة للاتوماتيك عادى وخصوصا ً ان العربية 1600 سى سى فحاسس انة ممتاز جدا ً وبة اربع اختيارات P بيكلبش العربية عند الركن او التوقف واستحالة تحريكها R الرجوع للخلف N المور او وضع الا تعشيق D التعشيق والحركة الامام http://up.arab-x.com/Feb10/eLn31514.jpg اما الوضع المانيوال فى الحارة الثانية ( كما بالصور ) تدخل عليها من D وبها ( + ) للغيار الاعلى ( - ) للغيار الاقل ويمكن الدخول على هذا الوضع اما والسيارة متوقفة ( فيكتب لك رقم 1 فالشاشة بالتابلوة ) ( واضح بالصور فالموضوع اعلاة ) وهنا يمكن التحرك ويتم بعدها تغذية باقى الغيارات الاعلى ( بدون دبرياج ) بتحريك عصا الفتيس ناحية ( + ) تاتش اى بحركة للامام ويعود الفتيس ( بسوستة) ويتم كتابة الغيار امامك وعند الضغط على الفرامل يتم تسقيط الغيارات دون تدخل منك حسب سرعة السيارة وان احتجت انت ان تقوم بهذا ( النزول لغيار اقل ) يتم تحريك عصا الفتيس ناحية ( - ) ايضا ً تاتش ويعود الفتيس مكانة بين ( + ) و ( - ) اما ان كانت السيارة متحركة وطبعاً الفتيس على D وعند الدخول على حارة المانويال يمكن ذلك وهنا تأخذ السيارة الغيار حسب السرعة يعنى لو سرعة السيارة كانت تحتاج الى الغيار الثالث فتأخذ السيارة الغيار الثالث مباشرة ويتم التعامل معة بعد ذلك كما ذكرت سابقا ً ويمكن التنقل بين المانويال والاتوماتيك اثناء سير العربية ملحوظة ان احتجت ان تتخطى سيارة سيارة امامك اى احتجت لسرعة فجائية فيكون هذا من وضع الاتوماتيك فقط بأن تضغط على دواسة البنزين الى اخرها ثم تركها ( فيتم تسقيط الغيارات وتأخذ السيارة غيار اقل ) بحيث انة عند الضغط على دواسة البنزين تنطلق العربية بسرعة اكبر مما كانت تسير علية دى صور للتابلوة الجديد ارجو ان تكون واضحة http://up.arab-x.com/Dec09/yM263470.jpg http://up.arab-x.com/Dec09/J8Q63470.jpg http://up.arab-x.com/Dec09/6ZU63471.jpg اليكم صور الفتيس عندما يكون مانيوال ونلاحظ كتابة رقم الغيار ( حاليا 2 ) فى العداد اليمين بالاسفل http://up.arab-x.com/Dec09/kzC48206.jpg http://up.arab-x.com/Dec09/5y648206.jpg انا شايف ان الستريبترونك هو فتيس اتوماتيك مضافا ً الية خاصية المانيوال اى اوبشن اعلى وانا شايف ان دى ميزة اضافية بالرغم انى لما كنت بشتغل على المانيوال كانت للتجربة ولكن اللى يحتاج يحرق ويحتاج للتسارع بيكون مفيد لة اكثر منى وبعدين كل الانسر الجديد اللى نازل 2010 بالفتيس الجديد ( على حد علمى ) يعنى مفيش مجال للاختيار وكمان انا سمعت - ان شاء الله مأحتجهاش - بيقولوا انة لو الفتيس الاتوماتيك حصلت بة مشكلة يمكن السير مانيوال لان الموضوع مستقل الفتيس الجديد يحتاج الى تغير زيت 7.7 كجم زيت ارجو ان اكون وضحت لك ما تريد واى استفسار انا فالخدمة وتقبل تحياتى |
رد: فتيس اللانسر 2010 ستيبترونيك
يا با شا الف شكر على اهتمامك و شرحك الوافي ,, ربنا يكرمك يا رب ,, انا كمت عاوز اشتري اللانسر و مقتنع بيها من السنه اللي فاتت لكن للاسف 2010 زادت حوالي 7000 جنيه عن 2009 ,, و طبعا انت عارف الاختلافات و هي حلوه بس الفتيس انا مش متاكد اذا كان احسن من الاوتوماتيك و لا لا ,, بمعنى ان واحد من اصحابي معاه ستيب ترونيك جيتا و بصراحه بيقولي ان نادر جدا لما يلجأ لاستعمال المانيوال فيه ,, فانا خايف يكون قلل من ميزه السي في تي اللي برده سمعت انها مميزه و حلوه اوي في ال 2009 و ما قبل ,, انما لو الستبترونيك مميز عن الاتوماتيك بشكل مفيد يبقى خير و يبقى الفرق في السعر يستاهل ,, ياريت تكون فهمت قصدي و تقولي رايك ,, و الف شكر لاهتمامك يا باشا ,, |
رد: فتيس اللانسر 2010 ستيبترونيك
اخى الفاضل تحياتى لك واعذرنى على التأخير
انا مثلك فى انتظار احد الزملاء ان كانت لدية مقارنة بين الفتيس CVT والفتيس الجديد ( ستريبترونك ) حيث انى ما ذكرتة كان من واقع تجربتى للفتيس الجديد ولكنى ليس لدى معلومات كافية ( علمية ) عنهما والرابط التالى لاحد الزملاء قام مشكورا ً بتوضيح الفتيس CVT وطريقة عملة http://www.masrmotors.com/vb/showthread.php?t=11225 وانا اقتبست من التقرير مميزات الفتيس ويمكننى هنا ان اقوم بالمقارنة على اساس تجربتى وكانت المميزات للفتيس CVT كما ذكرت هى :- 1- تسارع ثابت ودون نقلات من الوقوف حتى السرعة القصوى - مما يعطينا قيادة أنعم وأكثر راحة - 2- يعمل على اعطاءك كل القدرة الخارجة من المحرك بغض النظر عن السرعة التي تسير بها - مما يجعله موفر في استهلاك الوقود - 3- يعطي رد فعل أسرع وأحسن عند تغير ظروف القيادة (كصعود تل أو نزول منحدر أو التسارع المفاجئ) - يغنيك عن البحث عن النقلة المناسبة لكل ظرف تمر به (تسقيط النقلة) - 4- يقلل من القدرة المفقودة من المحرك - مما يعطي تسارع أفضل - 5- تحكم افضل للمحرك - مما يقلل من الانبعاثات الصادرة من المحرك ويطيل في عمره - 6- نظريا ؛ السيارة التي تحتوي على CVT يزيد تسارعها بنسبة 25% عن نفس السيارة بصندوق تروس عادي. وارى انا ان جميع ما ذكر - من خلال تجربتى - موجود فعلا ً فى الفتيس الجديد ولكنى غير متأكد من النقطتين 5 ؛ 6 والباقى فعلا ً موجود بالاضافة الى خاصية المانيوال كما تعلم ومن هنا ارى ان الفتيس الجديد - من وجة نظرى - افضل طبعا ً لانى جمع المواصفات القديمة واضاف اليها كما ان النقطة الثالثة والخاصة بصعود او نزول منحنى شديد اختبرتها جيداً حيث ان السيارة القديمة ( مانيوال ) كانت معى سابقا ً وعند نزول منحنى كانت سرعتها تقارب 100 كم / س دون الضغط على دواسة البنزين من شدة المنحنى اما السيارة الجديدة بالفتيس ستريبترونك فلم تتجاوز سرعتها 50 كم / س فى نفس الظروف اى انها فعلاً ( وهذا مكتوب بكتيب المالك للسيارة ) " تستشعر المنحنيات نزولا ً او هبوطا ً ويقوم جهاز الكمبيوتر بها بإعطاء اشارات للفتيس الذى يقوم بدورة بالتحول الى نقلات تتناسب مع المحنى مع ملاحظة ان السرعة القانونية 30 كم / س من شدة المنحنى اما موضوع عدم الشعور بالنقلات من غيار لاخر فيحدث هذا ( السيارة 1600 سى سى ) الا اذا قمت بالضغط على دواسة البنزين بشدة فتشعر بها مع ارتفاع عدد لفات الموتور وهذا فى الظروف العادية لا يحدث اعذرنى اطلت بشدة ولكن اتمنى ان تكون الصورة وضحت |
رد: فتيس اللانسر 2010 ستيبترونيك
الف شكر ليك يا باشا ,, انت اسمك ايه و منين ,, انا و الله مش عارف اشكرك ازاي على اهتمامك بالرد المفصل ده ,, كتر خيرك ,, لاني و الله محتار قوي بين اللانسر 2010 اللي سعرها علي اوي 117000 الكلاسيك الوكيل ,, و الهاف سبورت عامله 123000 تقريبا ,, و السيراتو و الصني ,,, مش عارف انا كنت مقتنع باللانسر 100% بس ابتديت افكر في السيراتو تاني ,, ايه رايكم ؟؟؟ |
| الساعة الآن 05:15 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017