هو فى رادار بليل؟؟؟؟؟؟؟
 

من شوية قريت واحد بيقول لواحد مخالفة السرعة بليل 300 جنية اية الهزار دة انا اعرف ان الرادار بيمشى بعد الساعة 4 او 5 يا ريت حد يفيدنا ptmnlo123per144

رد: هو فى رادار بليل؟؟؟؟؟؟؟
 

مش فاهم هو أنت قصدك إنه مينفعش يشتغل بليل ولا قصدك أن الشرطة بتشيله بليل؟

رد: هو فى رادار بليل؟؟؟؟؟؟؟
 

واضح ان سعادتك فاهم غلط القانون بيمشى بالليل وبالنهار لكن الاشاعة دى طلعت لان كاميرا الرادار القديم عبيطة شوية يعنى بتجيب صورة غير واضحة للسيارة المخالفة بالليل وبالتالى الناس فاكرة ان مفيش رادار بالليل لكن الرادار الجديد يامعلم ليل او نهار بياخد لك صورة ثلاثية لابعاد من كذا زاوية يعنى مش بيصور العربية بس لأ وانما كمان اللى قاعد جواها ومفيش حاجة اسمها الغرامة بالليل كذا وبالنهار كذا لان القانون بيتكلم عن تجاوز السرعة وخلاص لكن تحصيل الغرامات منوط بيه السادة الظباط فقط هما اللى معاهم الدفتر وغالبا مبيزوغو بالليل ويقول لامين الشرطة او مندوب الشرطة لو فى حاجة كلمنى ع الموبايل او ادينى رنة و ده كلام شفته مش بخترع تيجى سعادتك تتجاوز السرعة ياخد النمرة ونظرا لان الدفتر عهدة شخصية والظابط مسابوش مع البهوات فبياخدو النمرة او يسحبو الرخصة ويدوك وصل السحب ومياخدش منك غرامة فورية لانه مش من سلطاته سعادتك لو اتاخرت عن 48 ساعة تدفع الغرامة بالكامل 300 جنيه لكن لو روحت ادارة المرور ودفعتها بتدفع نص الغرامة وهو 150 جنيه ده اولا
ثانيا / عمليا كاميرا الرادار عهدة على امين الشرطة اللى مستلمها وهو لانه عارف انها عبيطة فى التصوير الليلى فبياخدها بعد المغرب او العشا ويمشى او لو الجو سقعة بيمشى قبل المغرب و ده كلام اناا مجربه شخصيا لكن احترس من العربيات الجديدة لان الرادار الجديد بيبقى جواها و ده رادرار عفريت ومش عبيط وبيصور تمام وغالبا هتلاقى العربيات دى منتشرة على المحور
وارجو انى اكون افدتك

رد: هو فى رادار بليل؟؟؟؟؟؟؟
 

رد: هو فى رادار بليل؟؟؟؟؟؟؟
 

معلومات مفيدة والله بس مشكلتي فعلا اني لما بسوق بليل الواحد نظره بيبقي ضايع فهنستحمل الردار وامرنا لله

رد: هو فى رادار بليل؟؟؟؟؟؟؟
 

[quote= سعادتك لو اتاخرت عن 48 ساعة تدفع الغرامة بالكامل 300 جنيه لكن لو روحت ادارة المرور ودفعتها بتدفع نص الغرامة وهو 150 جنيه ده اولا
وارجو انى اكون افدتك[/quote]
مش ممكن ينزلوا عرض كل ما تاخد تلات مخالفات يدوك واحدة مجاناً
واللهي الحكومه عندنا ما شاء الله عليها (حرامية)
انا مره واحد امين شرطه بيوقفني بفيرنا 2008 وكان بقالها سنه واحده بس صاحبها كان بيغسلها ويسبها في الشمس فالبوية شققت خفيف
وده راسو الف جزمه ياخد مني غرامة (امن ومتانه)
طب ايه علاقة البوية المشققة بالمتان ولا عناصر الأمان (ممكن يكون ليها علاقة بالنتانه) لأنه ما سكتش إلا لما خد 40 جنيه هو والصول اللي معاه