|
الرخصتين اتسحبوا السير عكس الاتجاة
السلام عليكم
الرخصتين اتسحبوا للسير عكس الاتجاة كمين اسفل الدائرى عند المريوطية و الضابط قالى روح مرور كرداسة بكرة ادفع الغرامة حد ياجماعة يعلرف اية الاجراءات و هل فية حبس و لا غرامة فقط وفين مرور كرداسة ف شارع السودان ارجوا الافادة للاهمية .. وشكرا لكم |
رد: الرخصتين اتسحبوا السير عكس الاتجاة
حضرتك هتدفع الغرامة بس لان عقوبة الحبس تم الغائها للملاكي
|
رد: الرخصتين اتسحبوا السير عكس الاتجاة
الغرامه من [FONT='Arial','sans-serif']١٠٠٠ إلى ٣٠٠٠ جنیھ بدون عقوبة[/FONT]
|
رد: الرخصتين اتسحبوا السير عكس الاتجاة
الغرامه فقط بدون حبس
وحوالى 1200 جنيه |
رد: الرخصتين اتسحبوا السير عكس الاتجاة
لو ربنا بيحبك هتبقي 1000 جنيه وانتا وشطارتك بس متحاولش علشان متتعبش نفسك في انك تقللها عن كدا بس لو لقيتها ازيد من 1000 ممكن تعمل طعن ويتخفف للحد الادني 1000 جنيه
|
رد: الرخصتين اتسحبوا السير عكس الاتجاة
شوف ياعم من الاخر انت هتدخل لوكيل النيابة هيدفعك 1001 ونص ومش عارف ليه الجنيه ونص اللى فوق ال1000 جنيه والحبس متلغاش زى مالناس فاهمة لكن الحبس هنا جواز ى يعنى لو رفضت تدفع او ممعاكش تتحبس لكن لو دفعت لاتوقع عليك العقوبتين الحبس والغرامة ولكن واحدة منهم يعنى بالبلدى يالدفع يالحبس واوع واياك و حسك عينك انت او اى حد من اعضاء المنتدى وتنبه كل اصحابك ومعارفك لو اتمسكت ف لجنة عكس اتجاه واخدو الرخص وقالولك روح خدها من القسم انك تعملها وتروح القسم طيب ليه لان ظابط المرور مش معاه قوة تنفيذية فبيودى الرخص للقسم وهناك ياحلو يقبضو عليك ويحبسوك ويعرضوك ع النيابة تانى يوم وهناك تخترع ال1000 جنيه حتى لو مش معاك والا هترجع القسم تانى لكن تسيبها لحد متروح ادارة المرور التابعة ليها وانا بستعجب ازاى مش عارف ادارة المرور اللى طلعت منها الرخصة وبتسال على عنوانها حتى لو الرخصة جاتلك لحد البيت على الاقل اعرف مقر ادارة المرور الا اذا كان الظابط ده بيشتغلك وناويلك نيه سودة والمفروض ان رخصتك بترجع لادارة المرور اللى طلعتهالك وبناء عليه بتروح ادارة المرور دى تسال عليها كل كام يوم لحد ميقوللك جات تدخل لوكيل النيابة ويدفعك وتمشى
طبعا انا مش بقول الكلام ده من فراغ ده حصل معايا واتمسكت ف طنطا الساعة 2 بالليل ومفيش صريخ ابن يومين عكس اتجاه وسبت الرخصة ومشيت وبقيت اروح مرور الزيتون فى الاميرية كل كام يوم لحد مجات الرخصة ودفعت واستلمتها ومشيت |
رد: الرخصتين اتسحبوا السير عكس الاتجاة
والمفروض ان رخصتك بترجع لادارة المرور اللى طلعتهالك وبناء عليه بتروح ادارة المرور دى تسال عليها كل كام يوم لحد ميقوللك جات تدخل لوكيل النيابة ويدفعك وتمشى
* انا تابع لمرور الاميرية و بس انا لما سالت الضابط قالى روح اسال النيابة فى كرداسة مش عارف هو يقصد اروح المركز و لا النيابة . ولما سالت الناس برضوا قالوا ماتروحش القسم و روح النيابة علشان كدة و ( دى اول مرة ) سالت عن نيابة كرداسة . انت رايك الرخصة بتيجى نيابة المرور بعد كام يوم فى الاميرية |
| الساعة الآن 11:23 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017