|
ايه الفرق بالتحديد بين فيرنا الفاضية والفول اوبشن؟
أعضاء المنتدى الكرام
السلام عليكم ياريت ياجماعة تفيدوني للأهمية انا ان شاء الله ناوي اشتري فيرنا بس عاوز أعرف ايه الفرق بالتحديد بين فيرنا الفاضية والفول اوبشن؟ انا بصراحة ناوي اشتري الفاضية علشان مش عاوز ادفع كتير.... بس سمعت ان الفاضية مقدرش اغير وضع الدركسيون بتاعها بينما الفول أوبشن أقدر أرفع أو أنزل الدريكسيون براحتي وكمان فيه واحد قال لي ان الفاضية فيها زجاج كهرباء أمامي فقط مع اني كنت فاكر زجاجها عادي مش كهربائي ياريت حد يفيديني بالفرق بالتحديد وهل فيه حاجة اسمها فيرنا بيزيك و فيرنا هاف أوبشن وفيرنا فول أوبشن ؟؟؟ أم ان الفيرنا البيزيك هي الهاف أوبشن ؟؟ وشكراً جزيلاً مقدماً للجميع وآسف على تعبكوا معايا |
رد: ايه الفرق بالتحديد بين فيرنا الفاضية والفول اوبشن؟
بص يا بطل اولا الفيرنا نوعين فقط فول اوبشنز وهاف اوبشنز الفرق ما بينهم هو الاتي
|
رد: ايه الفرق بالتحديد بين فيرنا الفاضية والفول اوبشن؟
اللي هقوله في الفول اوبشنز ده مش موجود في الهاف
مخدعين للراس خلفي عداد RBM المريات بنفس لون العربية زرار تسخين الزجاج زراع جانبي للسائق الفرش الداخلي افضل فانوس استوب خلف الكنبة الخلفية كاسيت CD زجاج كهرباء ولعلمك الهاف مفيش فيها زجاج كهربا خالص مفتاح بريموت جهاز انزار من السرقة فتح الشنطة من الداخل عراقة داخل كرسي السائق نظام رؤية ليلية زجاج ملون عجلة القيادة قابلة للتعديل ده كل اللي انا فاكره دلوقتي وموجود في الفول اوبشنز ومش موجود في الهاف |
رد: ايه الفرق بالتحديد بين فيرنا الفاضية والفول اوبشن؟
اقتباس:
لكن.. انا دلوقتي عاوز رأيكوا بصراحة ... الحاجات دي تستاهل الفرق في السعر اللي هو تقريبا 4000 جنيه على حد علمي ولا متستاهلش ؟؟ انا بجد محتار ptmnlo123per144 بصراحة بصراحة مش عاوز ازود في الثمن لأني بقول لنفسي اللي يخليني ادفع 68 طب ما انا اكمل شوية كمان واجيب نيو اكسنت لكن انا بصراحة عاوز مدفعش كتير علشان متزنقش خصوصا اني مستلف الفلوس ومش عاوز اتزنق اوي بيتهيألي كفاية أوي اني اجيب عربية زيرو حتى لو فيرنا فاضية احسن ما كنت حجيب حاجة مستعملة |
رد: ايه الفرق بالتحديد بين فيرنا الفاضية والفول اوبشن؟
سؤال أخير
ايه من الاضافات دي ممكن اركبه بعدين لو ربنا رزقني بفلوس... وايه منها مقدرش اركبه ؟؟ وايه المقصود بالزجاج الملون ؟؟ فاميه غامق يعني ؟ ولا فاميه فاتح وشفاف ؟ وأخيراً سؤال هام جدا جدا: هل دركسيون الفيرنا الهاف اوبشن (اللي مينفعش يتغير وضعه) هل وضعه الحالي مريح ام لا خصوصا انني شاب مش طويل... يعني هل الافضل اني اشتري الفول اوبشن ولا ممكن تعديل وضع كرسي القيادة ممكن يحل مشكلة عدم الراحة مع الدركسيون ؟؟ مش برضو كرسي القيادة ممكن يترفع ويتحرك للأمام والخلف براحتي ولا لأ ؟؟ وهل عداد ال RPM هام أم ممكن الاستغناء عنه مع ملاحظة ان هذه هي اول مرة لي أسوق سيارة !! انا الحمد لله بعرف اسوق بس مش خبير في الميعاد الأفضل لنقل السرعة... وآسف جدا جدا يا جماعة ع الإطالة بس بجد انا عاوز رأيكوا لأني بجد بثق جدا في منتدى مصر موتورز وأعضاؤه الكرام وشكرا مقدماً للجميع |
رد: ايه الفرق بالتحديد بين فيرنا الفاضية والفول اوبشن؟
بداية طالما وصلت لاختيار الفيرنا هات 1600 سى سى
ثانيا ً طالما إن الاوبشن منزلش فيها يبقى متفكرش فية يعنى بعد - إن شاء الله - ما تشتريها متركبش زجاج كهرباء مثلا ً يعنى شوف اية الحاجات اللى انت محتاجها من دلوقتى واشترى على اساسها - حتى لو اتزنقنت او حتى اتعصرت - لانى عملت كدة مع اخى وثبت انى كنت محق وربنا يوفقك لاختيار الأصلح |
رد: ايه الفرق بالتحديد بين فيرنا الفاضية والفول اوبشن؟
انا معايا فيرنا 2008 هاف اوبشن
نصحتي ليك بلاش الهاف اوبشن فرق 4000 جنيه مش كتير بس حتشتري دماغك انا ندمت ابر ندم اني مجبتهاش كامله انا بقللك علشان متندمش وبعدين كفايه ان الحاجه كلها فبريكه ولا انت غاوي تفك وتعدل وتروح للصنيعيه ياريت تاخد بالنصيحه |
| الساعة الآن 04:48 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017