ماهي افضل سياره في حدود 80 الف جنيه؟
 

بسم الله الرحمن الرحيم
السلام عليكم ورحمه الله وبركاته
انا يا جماعه في حيره شديده كل ما اشوف عربيه واقول هيا ده ناس تقول عليها مشاكل مش عارف ارسي على ايه لاني ناوي اشتري ان شاء الله في خلال الاسبوووع الجاي وطالب مساعدكم انا شاب ومعايا اهلي برضو حيركبو في العربيه فاهم حاجه عايزها في العربيه انها تكون
1- ثباتها حلو لحد 100 او 120 كده
2- يكون العزل بتاعها كويس
3- صوت الموتور يكون هادي مش مزعج خالص
4- تكون حلوه على المطبات
5- القعده على الكنبه الخلفيه مريحه
ده الحاجات الاساسيه الي عايزها وانا ناوي اجيب مانوال وده اول عربيه ليا ان شاء االله ومش ناوي اغير قبل 10 سنين على الاقل فياريت تفيدوني انا اقصي مبلغ معايا 80000 او اول التمانينات بالعافيه الي اعرفها في الحدود ده نيو اكسنت سبورت يا ريت حد يقولي ده كويسه للاحتياجات الي زكرتها ولا في حاجه افضل بنفس السعر و يا ريت حد يشرحلي موضوع العفشه ده لاني مش فاهمو خالص ارجو الافاده من الجميع وشكرا مقدما لجميع القائمين على المنتدى الرائع :b4_592::HAPPY_~211:

تم تعديل العنوان ليتناسب مع محتوي الموضوع
مشرف القسم
حازم خضر
<!-- google_ad_section_end -->

رد: طلب مساعده ضروري
 

يعني محدش في المنتدى كلو عايز يساعدني شكرا اوي

رد: طلب مساعده ضروري
 

يا سيدى مرحبا بيك معنا ومتزعلش يمكن محدش واخد بالو
حضرتك النيو اكسنت جميلة وعندك الفيرنا فيفا جميلة برضو
اسبيرنزا ام 11 الدايهاتسو ميرا او شيفرولية لانوس بس فى نظرى افضلهم النيو اكسنت وشكرا وتزعش مرة تانية

رد: طلب مساعده ضروري
 

طيب النيو اكسنت فيها الحاجات الي انا قلتها ده عشان انا معنديش خبره في العربيات ومركبتهاش قبل كده

رد: طلب مساعده ضروري
 

رد: ماهي افضل سياره في حدود 80 الف جنيه؟
 

ما تزعلش من عدم الرد لان عنوان الموضوع غير مفهوم
و معظم الاعضاء مش بترد علي الحقوني و ضروري و الكلام دا.
بالنسبه للمبلغ اللي بتتكلم فيه
لو عاوز عربيه مستعمله ممكن تجيب لانسر 1600 موديل 2006
او ياريس موديلات 2007 و 2008 علي حسب
اما لو زيرو و المواصفات المطلوبه للاسف مافيش غير اللي الاستاذ كنج قال عليهم

رد: ماهي افضل سياره في حدود 80 الف جنيه؟
 

انا رايي الاسبرانزا m11والله دي عربية تحفة وتستاهل اكتر من تمنها بكتير في عربية ب 75 الف فيها abs و ebd وراديو سيدي mp3 ب8 سماعات و ال suspintion بتاعها محترم و الموتور 117 hp وفيها جنوط 16 يعني قمة الثبات انا رايي دي فعلا الصفقة الرابحة في حدود ال80 الف
في في توقيعي موضوع عنها