|
خبر و قلة ادب !!!
الخبر منقول من كونتكت ,,, و التعليق من عندي طبعاً
اقتباس:
اولا العربيات دي اكتر من 1600 سي سي و حتي اكتر من 2000 سي سي ,, الجمرك عليها 135 % ,,, يعني التخفيض الجمركي 13.5 % نجرب نحسب في ال GLK مثلا 458 الف x نسبة التخفيض الجمركى 13.5 % = 59 الف و فكة !!! تقريبا يعني 60 الف لو حسبنا ان ال 13.5 % اللي خصمناهم بيتحسب عليهم ضريبة مبيعات و رسم تنمية يعني المبلغ اكتر من 60 الف حنيه خصم !!! و الوكيل ضربه في جيبه !!! طيب لما سعر العربيات الصغيرة اللي قريب من ال 100 الف نزل 4 % ما نزلش قلنا 4000 جنيه و الوكيل ضربهم ,,, طبيعي اول سنة و مصر و الكلام الفاضي ده !!! انما 60 الف مرة واحدة !!! + المكسب الاصلي !!! بالذمة ده اسميه ايه ؟ المفروض نبعت نقول للشركات اللي زي مرسيدس و فورد الاوروبية و سيات و فيات و الشركات الاوروبية نقولهم ان الوكيل اللي في مصر ما نفذش الاتفاقية اللي من شأنها زيادة مبيعاته في مصر ,,,, ptmnlo123per111 |
رد: خبر و قلة ادب !!!
بالذمة ده اسميه ايه ؟
سميه زى ماتحب تسميه وانته عايز ايه لازم الحيتان تكون فى بحر من الاموال وانت لو معاك كوب من الماء لاتشربه كله ولازم ترميه فى المحيط علشان الحيتان تتحرك بحريه ولو مش عاجبك هناخد منك فلوسك بأسم الضريبه العقاريه ونديهالهم ونضحك عليك ونقولك لدعم الصناعه المحليه . وشكرا على موضوعك ولكن مين يسمعنا |
رد: خبر و قلة ادب !!!
عندي كام ملحوظة يا باشا
ال C250 دي 1800 سي سي بس تيربو يعني المفروض الجمارك اقل من 135% و اصلا المرسيدس بتتجمع في مصر يعني اكيد الحسبة هتختلف و انا مش ضدك او بدافع عنهم بالعكس انا متاكد اننا بنتسرق من التوكيلات بس حبيت اوضح بس |
رد: خبر و قلة ادب !!!
اقتباس:
انت ياباشا حسبت التخفيض الجمركى من سعر البيع وليس من قيمة الجمارك فثمن البيع = سعر السيارة فوب + النولون + الجمارك + ضريبة المبيعات + رسوم أخرى + ربح الوكيل فهى ديه الغلطة اللى وقع فيها الكثير، فالجمارك تمثل حوالى الثلث فى حالة المرسيدس الـ GLK وبالنسبة للسيارات الأقل من 1600 سى سى فنسبة التخفيض قليلة جدا من السعر الإجمالى من السيارة |
رد: خبر و قلة ادب !!!
اقتباس:
انا كنت اقصد الفئات التانية زي اللي حسبت عليها GLK,,, مش بس الاولي منهم اللي حضرتك قولت عليها و المفروض اللي بتجتمع هنا سعرها ينزل عن اللي بتيجي من المانيا ( ولا العامل المصري بيقبض زي الالماني ؟ ) و متشكر مرة تانية علي التوضيح ... اقتباس:
اسف للخطأ و نعود لنحسب من اصل سعر السيارة في الخارج ؟ بكده سعر ال GLK برا تقريبا 36 الف دولار يعني 200 الف جنيه مصري ,,, تخفيض جمركي 13.5 % ,,, يعني 26 الف جنيه تقريبا ,,, راحو فين برضو ؟ |
رد: خبر و قلة ادب !!!
والله يا جماعه .... انا مستغرب جدا من الناس الي عماله تسب وتلعن في حيتان البلد ... والجمارك .... واسعار السيارات المبالغ فيها !!!!!
والموضوع ببساطه ... (ايه يا فرعون فرعنك .... مش لاقي حد يلمني ) .... يعني مدام الناس بتشتكي من ارتفاع اسعار السيارات الجديده .... متشتريش وخليك في المستعمل او خليك علي المواصلات ..... وفي حد الضروره ممكن تشتري علي حسب احتياجاتك والسعر المناسب .... المعروف ان السوق المصري الوحيد الي من غير رقابه ولا ذمه ولادين ولا اي معايير ... وكلنا مشاركين في ده !! نعم الكل مشارك في ده ....وشوفو شوارع مصر المحروسه وكميه السيارات الفخمه والجديده والمبالغ في سعرها ... وبحسبه بسيطه لو تجار السيارات شافو عزوف من المستهلكيين عن الشراء لارتفاع الاسعار ... غصبن عنهم حيرجعوا للسعر الاصلي للسياره مثل بقيه الدول المحترمه ... ياريت نوصل لحد ثقافه المستهلك الواعي ... وبدون مهاترات وشكاوي ... ومع حكومتنا الرشيده مفيش فايده الا سياسه الامر الواقع .... وعن نفسي انا قررت تاجيل الشراء بتاتا ... لحد لما اشوف الاسعار حتوصل لحد فين ... ومثال بسيط ... انا باعمل في شركه معظم شبابها شاري سيارات حديثه وعلي الزيرو وباسعار مبالغ فيها جدا (بشكوي منهم ) وطبعا قسط علي البنوك وعلي المعارض وقروض !!!!! منطق غريب ... ولما سالتهم قالولي (البرستيج ) ... فقلت ليهم حق حيتان مصر يزوروا من كتر برستيج المصريين (الشعب المطحون ) الي بيشتري السيارات باسعار ضعف الاسعار العالميه للسيارات ...... وكمان بيشتكو من الفقر ..... وعجبي .... شكرا .... |
| الساعة الآن 07:23 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017