سوزوكي سيلاريو
 

كنت عايز اعرف العربية دي نظامها ايه و مميزاتها و عيوبها؟
هل العربية مناسبة للمدينة و في السفر ظورفها ايه و كده؟
انا كنت عايز اجيبها قسط بمقدم 30,000

رد: سوزوكي سيلاريو
 

انا كمان عايزه اجيبها وعايزه اعرف مفيش حد يفيدنا هنا؟

رد: سوزوكي سيلاريو
 

بصوا لازم تنزل تتفرج عليها فى المعرض فعلا و مينفعش تحكم من النت فقط
هنا ممكن تعرف الاوبشنات بتاعتها
انا مراتى عاوزاها بس بصراحة انا مش داخل دماغى ادفع فيها المبلغ بتاعها ده عندى ازود و اجيب حاجة اعلى و تستحمل احسن
لكن هى فيه ميزة الامان جامدة فعلا فيها عن اى عربية تانية فى نفس الرينج
هى تنفع اوى البنات لكن لا علاقة لها بالرجالة خالص

رد: سوزوكي سيلاريو
 

هااى انا جبت السيلاريو وحلوه بس طبعا متقدرش تحكم لانها لسه زيرو بس كويسه متقلقش من 3 سيلندر

رد: سوزوكي سيلاريو
 

الف مبروك يا باشا وربنا يديك خيرها ويكفيك شرها
وكونها 3 سلندر ميعيبهاش الماروتي 3 سلندر وثابته مكانتها في الطريق بس متنساش تغيير الزيت والفلتر بعد 1000 كيلو وعمل صيانها في التوكيل المفروض انها مجانا

رد: سوزوكي سيلاريو
 

الف مبروك للى جاب السيلاريو اما بقى اللى لسه مجبهاش فاحب اقولك الاتى
مميزات العربيه:تكييف وباور وabs+epd وكاسيتcd/mp3 player وفيها 2 ايرباج والعربيه انا شايف انها واسعه من جوه لان الكنبه اللى وره بتشيل 3 مستريحين واستهلاك البنزين 4.4 لتر بنزين لكل 100 كيلو والموتور 1000 سى سى والعربيه بصراحه جميله جداااااااااا وانا خالص ان شاء الله نويت اجيبها بس حبيت بقى اقولكم ملخص مقابلتى فى اباظه
دخلت هناك اخر احترام وزوق بصراحه قالى العربيه مطلوبه وعليها سحب كبير لان سعرها بالنسبه للامكنايات تعتبر رخيصه وفي منها مانيوال فاضيه دى ب54 ولو فول اوبشن يبقى 60 ولو اتو ماتيك يبقى 70 اما عن الدفع بالتقسيط فطلب منى الاتى :
مقدم 30 الف+1650 تامين +450 مصاريف اداريه +500 مقدم حجز
والقسط 738 على مدار 5 سنين ولما قلتله ان ال1000 سى سى مع تكييف مش ده بياثر على السحب قالى ده لو انت جبتها فاضيه وركبتلها تكييف لكن هما فى المصنع عاملين حسابهم
بس هى من رايي عربيه جميله وعمليه وكفايه انها يابانى وربنا يوفق الجميع :)

رد: سوزوكي سيلاريو
 

السيلاريو نازله بتكييف مفيهاش من غير تكييف