على بركة الله :)
 

السلام عليكم ورحمة الله وبركاته

اولا احب اشكرك واحييكم جدا على المنتدى الاكتر من رائع ده وعلى خبراتكم اللى بتقدموها للجميع

انا طالب فى كلية تربية رياضية وفى اسره مكونه من 7 افراد منهم طفل 3 سنوات

ومحتاجين عربية لكن المشكله ان الحاله الماديه غير كافية لشراء عربية زيرو جامده :|

وانا والدى مسافر معظم شهور السنه الامارات للعمل يعنى تقريبا انا اكتر واحد هيستخدمها

فانا عاوز اعرف الحل اننا نجيب حاجه مستعملة

ولا بلاش عشان الحجات اللى غليت ومعظم المستعمل اللى مش مضمون واعطال ومصاريف وكده

ولا ندخل فى حاجه تقسيط وتكون جامده مع ان بتبقى الفوايد غبيه بس مظنش فى حل غير كده

اصل فى ناس تقول هات مستعمل الاول وسوقها الاول واتعلم عليها قبل ماتجيب الزيرو

وناس تقول المستعمل مصاريف وممكن تعطل منك و كلام كتير كده

وبصراحه الواحد يعتبر معندوش اى خبره فى السيارات

مع انى عن نفسي عاوز اجيب موتسيكل هوندا يابانى 250 مستعمل بس امى رافضه رفض تااام

ف ايه الحل لاحسن الواحد محتاج وسيلة للتنقل بأى طريقه سواء للكليه والشغل وكده او للاسره

وشكرا مقدما :):)

رد: على بركة الله :)
 

معلش سؤال تانى

هو حقيقى موضوع احلال الملاكى ؟؟

وايه مشاكله وايه مميزاته ؟

وشكرااا

رد: على بركة الله :)
 

ابعد عن المستعمل الا اذا كنت تعرف مالك السيارة
نصيحة لوجه الله
والله يوفقك في اختيار الصالح

رد: على بركة الله :)
 

شكرا جزيلا اخ محمد حمزه على النصيحه

ودى فعلا من مشاكل المستعمل انك تقدر تحصل على مستعمل جيد

رد: على بركة الله :)
 

طيب ما حضرتك ممكن تقول المبلغ الى معاك وان شاء الله الاخوه يساعدوك

رد: على بركة الله :)
 

بص يا زعيم لو وقعت تحت ايدك حاجة مستعملة بس
لقطة يعني اي عربية مش ماشية اكتر من 20,000 و تكون حالتها ممتازة
دي كويسة
ptmnlo123per1127 نتابع الموضوع ده كمان

رد: على بركة الله :)
 

حضرتك ممكن تقول المبلغ اللي معاك كام