|
أرجو النصيحة فى سيارة أقل من 100 ألف
شكـــــــــــــــــــــــ ـــــــرا أخ بدر - دائما سباق ومتميز بموضوعاتك - على فكرة يهمنى جدا رأيك بما أنك متابع كل جديد - أنا كنت ناوى أن شاء الله أجيب عربية جديدة بس عاوزها تكون بتاعت شقى وتستحمل السفروبالطبع الثبات الثبات على الطريق وتمنها لأيزيد عن 100 ألف فياترى أيه رأيك وفى سؤال كمان أنا كنت قرأت أحدى موضوعاتك عن الكوردوبا المميزة من سيات وسمعت أن فى منها عربية تمنها 85 ألف فياترى لو عندك معلومات تكلمنى عنها -ومعلش أخر سؤال عشان فى عربية عجبانى أوى بس للأسف مش عارف تمنها ولأعارف أوصل لرقم تليفون موزيعها وهى سكـــــــــــــودا فابيا 1400 سى سى ياريت برده أى معلومات عنها وأكون شاكر جدا لك ptmnlo123per162:0369B3~17 7:
|
رد: الميكروباص التويوتا سابقا (الشيرى حاليا)
اقتباس:
سيارة سيدان من 4 ابواب الموتور سعته 1598 سى سى نظام الوقود حقن متعدد النقاط يولد 77 حصان عند 5600 ار بى ام Comppression Ratio 10.5 السرعة القصوى 189 كم/س التسارع من 0 - 100 كم/س 11.9 ثانية معدل استهلاك البنزين 5.9 لتر لكل 100 كم ناقل الحركة تيب ترونيك اليكترو هيدروليك ستييرنج ABS الفرامل الامامية والخلفية ديسك الفرامل الامامية 256*22 مم الفرامل الخلفية 232 *9مم 195/55R15 مقاس الاطارات الابعاد الخارجية الطول 2480 مم العرض 1698 مم الارتفاع 1441 مم قاعدة العجلات 2460 مم سعة التنك 45 لتر الاكصدمات الامامية والخلفية بنفس لون السيارة سى دى (ام بى ثرى ) و6 سماعات تكييف سيمى اتوماتيك زجاج امامى وخلفى كهربى ريموت كنترول لغلق السيارة دركسيون متعدد الوظائف لمبة استوب خلفية 2 ايرباج اماين للسائق والراكب المجاور وانا شخصيا بحبها وهى عربية كويسة بس خلى بالك فى منها 1400 سىسى اللى ب 85 الف ده خليجى من غير كل الاوبشن اللى فاتت ومن غير ضمان وطبعا مانصحكش بيها خالص و2009 دى اخر سنة للقرطبة مش حتنزل تانى خلاص فشخصيا انا مابملش لعربية انتاجها وقف بره وكمان صيانتها صعبة الى حد كبير حتلى قبل انتاجها مايوقف وثانيا حضرتك بتفكر فى الفابيا طبعا اسكودا عربية محترمة بكل المقاييس بس مش منتشرة اوى فقطع غيارها خارج التوكيل مش منتشرة فصيانتها صعبة فسعر اعادة البيع قليل الى جانب انها هاتشباك فصغيرة مقارنة بالعربيات السيدان لو تسمحلى اضيفلك بعض السيارات ممكن تفكر فيها وتحطها فى حساباتك الهيونداى النترا عربية قوية تقفيل كورة منتشرة جدا قطع غياره متوفرة كبيرة بشنطة اى ميكانيكى بيفهم فيها وسعر اعادة البيع كويس جدا وغبور عامل تخفيضات لحد 31 يناير لو عاوز الحق الكيا سيراتو الاختلافات الجوهرية بينها وبين الالنترا فى الشكل لان السيراتو تصميمها افضل واشيك من الداخل والخارج بس تقريبا الاساسيات من موتور وعفشة تقريبا واحد الاوبترا اقل فخامة من مثيلها من الالنترا والاوبترا لكن منتشرة اثبتت كفاءة وتوكيل محترم وتلحقها اتوماتيك ونصيحة اخوية خليك مع العربية اللى بتشوفها فى الشارع كتير الانتشار اد ماهو عيب بس مسزة لان صيانة العربية اهم من العربية وفيه عربية انا نسيتها وافتكرتها الفيات بونتو ايطالى محترمة بس قطع الغيار والصيانة مش منتشرة قوى وسعر اعادة البيع مش عالى |
رد: الميكروباص التويوتا سابقا (الشيرى حاليا)
انا بحترم شيري و بعتبر ان مستقبلها مضمون وسط الشركات بالمقارنه بجميع الشركات الصيني
لكن الميني باص دا بصراحه هز صورتها قدامي يعني هو الميكروباص مايبقاش ميكروباص غير لما يبقي شبه التويوتاptmnlo123per172 الكيا سيراتو اقتباس:
تعليق الالنترا الخلفي مستقل ذو دعامات اما تعليق السيراتو متصل(زي ال128 كده!!!) و دا بيأثر في ثبات العربيه و اعتقد ان دا اللي مسبب مشاكلها في الثبات |
رد: الميكروباص التويوتا سابقا (الشيرى حاليا)
اقتباس:
ماتحرمش من اضافاتك وانت مختفى من فترة ياباشا وحمدلله على السلامة وجودك وحشنى والله باضافاتك ايوه كده ماتختفيش |
رد: الميكروباص التويوتا سابقا (الشيرى حاليا)
اقتباس:
انت اللي مواضيعك مميزه انا موجود اهو بس اعذروني الفتره دي انا مشغول بطريقه بشعه ان شاء الله من الاسبوع الجاي حكون متواجد بقوه |
رد: الميكروباص التويوتا سابقا (الشيرى حاليا)
أخى العزيز بدر أشكرك من القلب على هذه المعلومات الوافية وعلى ترشيحاتك لعربيات أخرى أتفق معك أنها ذات سلأسة فى قطع غيرها وبيعها بس مكدبش عليك فعلى الرغم من أن هذه العربيات منتشرة لكن ثبتها ميطمنش خالص وخصوصا فى الملفات وده اللى انا بعانى منه بحكم شغلى وأنتقالأتى الكثيرة ما بين طابا ونويبع وبصراحة هنا الطرق صعبة أوى فى ملفاتها وكثيرة المنحيات والأمر مبيسلمش كل ماأقول مش هاجرى فتيجى حاجة فى الشغل تكون محتاجة سرعة فى الأنجاز فتخلى الواحد يجرى ويستعجل ...عامة لو عندك ترشيحات أخرى لسيارات أخرى فأكون شاكر لك جدا وجزاك الله كل خيرا
|
رد: الميكروباص التويوتا سابقا (الشيرى حاليا)
اقتباس:
بص ياباشا طالما مش فى اعتباراتك او مش رقم واحد عندك الانتشار وتوافر قطع الغيار وسعراعادة البيع ايه رايك فى البرتون جين 2 عربية رياضية من الاساس موتور كام برو تحفة بتاعة جرى وغرز وده تقرير عن مواتير الكام برو لو سمحت ممكن تقراه http://www.masrmotors.com/vb/showthread.php?t=14171 وده راى ملاك العربية من ميزات للعيوب عيوب الجين (وجة عام) 1 خامات التابلوة مش قد كدة 2 عيوب التقفيل (سنتر - زجاج - مفتاح المرايات الكهرباء - انذار - لمبة الصالون ) 4 لمبة الengine بتنور لو حطيت بنزين 90 او 92 من بنزينة وحشة (حساسة زيادة عن اللزوم ) 5 صوت خفبف ومشهور عند لف الدريكسون (في الاول بيظهر الصوت دة ) 6 في بعض الناس اشتكت من المساعدين بس قليل اووي 7 صوت الموتور علي نوعا ما بس صوت عالي تحب تسمعة يحسسك بقوة الموتور مش عالي يضايقك علي رأي سبعاوي (زئير الاسد) 8 سسمعت بعض شكاوي من مواتير المساحات 9 كنت بقول علي استهلاك البنزين عالي بس طلع معظم المواتير ال 1600 التوماتيك زيها يعني هيا زي اللانسر كدة 10 العربية تحت ال RPM 3 بتكون بطيئة نوعا ما وبعد ال 3 بتكون طلقة 11 فيها بعض المشاكل في الكهرباء (مرة من غير ما احس وانا بعمل صيانة قالي في عندك ماس في ضفيرة الكهرباء لما بتشغل المساحات علي اقصي سرعة ) مع اني كنت بشغلها ولو حسيت بحاجة وعملوهالي لوحدهم 12عربية ضيقة من ورا 13عر اعادة البيع مش حلو وان كان احسن من الواجا (دي يا جماعة عيوب الجين 2 بوجة عام مش خاص يعني صعب اووي تتجمع كلها في عربية واحدة او مع شخص واحد ومنها عيوب انا شفتها بعيني وعيوب سمعتها بس اللة اعلم بصحتها وعيوب حصلتلي كدة يعني ) وكل العيوب دي ياجماعة مفيش ولا عيب منها يوقف العربية ولا اي حاجة كلة بيتعمل مع الصيانة الدورية ومعظمهم مش بياخد وقت خالص يعني مثلا لمبة ال ENGINE دي بتتعمل بالجهاز في دقيقة بالظبط مش اكتر ومعظم العيوب بتكون عبيطة كدة يعني انا كل العيوب اللي حصلت معايا عيوب ال FINISH (لمبة الصالون - السنتر - لمبة ال ENGINE ) مفيش كل الباقي دة بس انا حبيت اقول كل حاجة الصح واللي سمعنة عشان اكون خلصت ضميري مميزات الجين 1 شكل تحفة من برة ومن جوة 2 قيمتها السعرية تحفة في الدول العربية بتتباع بنفس تمن الكرولا والمازدا 3 3 كماليات كتير اووي (مثبت سرعة - كاوتش عريض 195 علي 60 - باكينج سنسور - MULTI FUNCTION في الدريكسيون - كاسيت نضيف اووي وسماعات تحفة بلو بانكت - عازل حراري علي الكبوت من جوة - شداد ماسك فردتين الشاسية - الموتور مقفل بنضافة اوي - جنط 15 وحاجات كتيرررررررررر 4 ثبات خرافي خرافي بمعني الكلمة علي اي سرعة واي ملف (الايرو ديناميكس بتاعها هايل) 5 صاج ممتاز بالمقرنة بالعربيات الجديدة مش ورق 6 كراسيها تحفة 7 شنطتها مش صغيرة 8 موتور قووي اووي بعض ال 3 RPM بيكون عايز يطير 9 التسارع بتاعها ممتاز لحد 170 -180 بعد كدة بيبدء يقل 10 الكاوتش SILVER STONE كويس اووي 11 الخلوص بتاع العربية ممتاز بالرغم الثبات ركب 3 كبار مش حتحك في اي مطب 12 العربية بتسحمل البهدلة ومش بتقول لا 13 سوقتها تحفة (كنترول جامد اووي علي الطريق بتحسة وانت سايقها ) 14 قطر دورانها قليل بسبب انها سبورت (بيكون ممتاز بالغرز ) 15 لون التابلوة تحفة وشكلة يخطف الانظار 16 العربية شغلها مش معقد اووي زي الفرنساوي ولا الكلام دة بالرغم من التكنولوجيا العلية 17 قطع غيارها بدأت في الانتشار برة التوكيل واسعارها معقولة 18 الماليزين كل شوية في التوكيل وبيتابعوا جامد واي شكوي بيهتموا اووي من الاخر العربية دي بالرغم من عيوبها التافهة الكتير الا ان معظم اللي معاهم العربية دي بيعشقوها وغير العيوب دي بقي كل العربية مميزات مش عادية مميزات جميلة انا عن نفسي قسيت اووي علي العربية ودلوقتي عرفت فيمتها الحمد للة انا عامل بالعربية 45000 كم في سنة ونصف تقريبا 5 حوادث دة غير الخبطات وفي ايام بعمل بيها اكتر من 300 كيلو بالتكييف وفي الحر وجري وبهدلة ومش بتقول لا بحسها حمالة قسية كنت مرة بجري علي 180 في طريق الاسماعيلية مع جولف 5 طلع غشيم وخد غرزة مقفولة من امامي علي 180 راح خبطني من قادم وحكين انا في الرصيف وفضلت احك فية لحد لما عديتة انا اليوم دة مش عارف ازاي متقلبتش اصلا واللة كل اللي كانوا راكبين معايا استغربوا بس طبعا دة بستر ربنا مش بسبب اي حاجة تانية واتسرقت مني فترة والحمد للة رجعتلي انا بهدلت العربية بهدلة معتقدش انها ممكن تحصل مع حد تاني من الاخر اللي حيركب العربية دي حيحبها اوووي اوووي فعلا جميلة عنوان الموضوع الاصلى http://www.masrmotors.com/vb/showthread.php?t=14173 |
| الساعة الآن 10:14 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017