|
** "غبور" يسترد توكيل "مازدا" في مصر **
أعلنت شركة "جي بي أوتو" الوكيل الحصري لسيارات "هيونداي" الكورية الجنوبية في مصر عن استعادة التوكيل الحصري لسيارات "مازدا" اليابانية في مصر. وأكدت الشركة أنها ستبدأ عرض سياراتي "مازدا 2" "ومازدا 3" التي سيتم بيعها مباشرة بعد إستيرادها كاملة الصنع من الخارج، مشيرة إلى أن أول دفعة من السيارات ستتسلمها الشركة ستكون في شهر مايو، بحسب تقارير صحفية محلية يوم الخميس. وستقوم شركة "جي بي أوتو" بتأسيس المعارض وشبكة خدمات ما بعد البيع لسيارات "مازدا"، وستبدأ عرض موديل "مازدا 3" في ثلاث معارض تابعة لشركة "جي بي أوتو" في القاهرة والإسكندرية، بالإضافة إلى ثمانية موزعين معتمدين. وتعد شركة "جي بي أوتو" من أكبر شركات السيارات في مصر وتمثل 27% من سوق السيارات المصري. وأوضحت الشركة أنها كانت قد أوقفت توزيع سيارات "مازدا" منذ عام 2001 بسبب أنظمة الجمارك التي وصفتها بأنها "غير مناسبة"، لكن تبسيط الرسوم الجمركية في الوقت الحالي يجعل منه وقتا مناسبا لدخول هذه الماركة إلى السوق. |
رد: ** "غبور" يسترد توكيل "مازدا" في مصر **
هما كانوا خسروه عشان يستعيدوه اصلا
بس عموما خبر كويس و اتمني ميعاملهاش نفس معاملة الهيونداي و يقصص ريشها قبل ما توصل و يبقي حنين في قطع غيارها ده لو عايز يكسب السوق |
رد: ** "غبور" يسترد توكيل "مازدا" في مصر **
هو غبور توكيل كويس بس فى التعامل مع العملاء يغور وهى مازدا عربية جامدة وعاوزلها موزع وتوكيل جامد يارب غبور يبقى قدها
|
رد: ** "غبور" يسترد توكيل "مازدا" في مصر **
هو حس ان التوكيل حيتسحب منه
لان كان فيه كلام ان ناشيونال موتورز بتسعي انها تاخد التوكيل فقال ينزل العربيات و هيا كده كده ماليه البلد اساسا يعني معمول للعربيه دعايه من قبل ما تنزل!!!!!! مجرم غبور دا دماغه فظيعه :HAPPY_~211: |
رد: ** "غبور" يسترد توكيل "مازدا" في مصر **
المازدا 3 2010 النهارده معديه ال 170 الف ... يعني مبيعات المازدا و الانتشار انتهت خلاص بنهايه موديل 2009
ده غير انها غيرادميه من ورا علشان التصميم الكوبيه اللي معمول للاطفال بس يعرفو يفتحو الباب و يركبو ورا لو كده يبقى قرينك يا زوواوي الفورد فوكاس .... على الاقل ارخص 170 الف !!! ... يعني اوكتافيا و جيتا و ليون وبرافو تيربو 150 حصان ومش حقول استرا وفكترا ولو لازم ياباني ... مفيش اسهل من كده ... سيفيك في تي اي ... |
رد: ** "غبور" يسترد توكيل "مازدا" في مصر **
اقتباس:
و الناس طبعا هتموت علي العربية و انت عارف الطمع طبعا لو غبور نزلها بالسعر ده يبقي ينسي دي لازم تنزل الي رينج ال 130 - 150 بالكتير اللي هو رينج اللانسر المنافس الرئيسي ليها غير كده يبقي يفتح الله |
رد: ** "غبور" يسترد توكيل "مازدا" في مصر **
اقتباس:
فعلا العربية دى لو غبور حرق سعرها شوية فى الاول عشان تبيع وتنتشر يبقى لعيب واهى السيراتو اكلت حته من الالنترا والكارينز اكلت حته من الماتريكس والبيكانتو من الاى 10 يبقى عم غبور ياكل حته من اليابانى لانه مش حيفضل جعان والعربية محترمة محتاجة انتشار فتوافر قطع غيار ومراكز خدمة محترمة ويالابينا |
| الساعة الآن 12:22 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017