مشكلة كبيرة فى فرامل السويفت 94
 

رد: مشكلة كبيرة فى فرامل السويفت 94
 

هو موضوع الفرامل ده عويص أوى للدرجة دى و محدش عنده فكرة خالص عنه ,,,,, امال فين الخبراء التقال بتوعنا !!؟

رد: مشكلة كبيرة فى فرامل السويفت 94
 

بص يا استاذ حازم
الصراحه مشكله من مشاكل عربيتي كانت الفرامل
بس انا كنت عارف حلها و هو الطنابير الخلفيه تعبانه
لكن حالتك دي غريبه شويه
انا اول مره اشوف سويفت بيتاخد الهوا بتاعها
عموما لو متاكد من الطنابير الخلفيه عندك و تيل الخلفي
يبقي كده العيب في السيرفو
و يستحسن تشتري سيرفو استعمال بماستر الفرامل كامل حته واحده
لان الماسترز اللي في السوق وحشه و الجلد بتاعها مش معمر

رد: مشكلة كبيرة فى فرامل السويفت 94
 

شكرا يا حازم باشا على النصيحة .. وما نتحرمش من ردودك المفيدة دى ... بس ما تعرفش السرفو بالماستر الاستعمال ده يعمل حوالى كام

رد: مشكلة كبيرة فى فرامل السويفت 94
 

السلام عليكم السرفو والماستر النت مش ااقل من 200 جنيه على حسب النضافه بس دي اسعار بداية التوب
وفي حاجات بقى مش عارف ب150 والكلام الفاضي ده وكلام فاضي ليه؟لان المسطر ايللي في السوق مش كويس ب105 وتجيبه تركب له طقم جلد ب35 ادي 140 يبقى ازاي في مسطر وسرفو مستعمل ب150 جنيه مثلا او حتى 180 تمام اكيد بالعقل الرخيص ده هتجيبه كمان شهر عايز تغيره جلد وبعدين يبوظ تاني ويضرب زيت بعد كده يبوظ السرفو كمان لكن الحاجة النضيفة الغاليه تمنها فيها يعني انشاء الله مش هتفكر تغير للمسطر جلد الا بعد سنة

رد: مشكلة كبيرة فى فرامل السويفت 94
 

عزيزي ،،،، المشكلة التي حدثت لك كان سببها إما خامة تيل سيئة بتخليه يتزحلق من علي الطنبورة أو الهواء ( لأن سيادتك قلت أنك رحت للميكانيكي علشان ياخذ هواء فهل وجد الميكانيكي في حينها هواء كثير ؟؟؟؟ ) اذا كان نعم فهذا طبعا هو السبب و لكن يجب اولا معرفة سبب دخول الهواء لدائرة زيت الفرامل و لمعرفة ذلك عليك ان تتفحص وجود اي تسريب من ناحية خراطيم العجل أو مواسير الزيت مع الماستر العمومي أو مواسير الزيت مع المشترك اللي سعادتك بتقول عليه و اخيرا مع مساتر العجل الاربعة ،،، و اذا قمت بذلك و لم يتبين لك وجود تسييل للزيت يبقي من المحتمل أن تكون الطنابير متاكلة مما يجبر بستم العجل علي الانفتاح اكثر من اللازم و بالتالي يتعرض لادخال هواء اثناء عودته لوضعه الاصلي.


أما عن عيب السيرفو فهو ببساطة يجعل الدواسة ناشفة تحت قدميك و تسمع صوت هواء عند الدوسة علي بدال الفرامل "فسسسس " (أكن هناك بالونة مملوئة بالهواء و بتنفس)


أما عيب الماستر العمومي هو انك لما بتضغط علي الدواسة و بقوة و لفترة متواصلة ( 5 ثوان مثلا) تلاحظ أن الدواسة بتنزل تحت رجلك و بهذا تعرف أن الكاوتش بتاع الماستر العمومي تاكل أو فيه بيضاوي و ان ضغط الزيت بيفوت من صباع البستم


أما عن المشترك الموجود في صدر العربية اللي سعادتك اشرت اليه فما هو الي مشترك يأخذ الدخول اللي جاي من الماستر ( 2 ماسورة ) و يوزع كل ماسورة داخلة الي عدد 2 خرج واحد منهم لكل عجلة ( يعني مافيهوش تكنولوجيا أو كيمياء أو أي شئ فني ) و لا يتغير الا لو كان به شرخ او انسداد و التاكد من وجود شرخ أمره سهل لأنه هيبان وجود ترشيح للزيت أما الانسداد فممكن بسهولة الكشف عليه و ذلك بفكه بالراحة (علشان المواسير اللي راكبه فيه ما تتنيش أو تتكسر) و اختباره بالنفخ فيه بهواء مضغوط (عند بتاع الكاوتش ) و تسليكه بابرة حديد .


ملاحظة اخيرة

للتاكد من مدي فاعليه الفرامل افتح غطاء علبة الزيت و انظر الي لون الزيت و هل تري به شوائب من عدمه حيث أنه لو كان به شوائب فذلك يدل علي تاكل الاجزاء المطاطية في دائرة الفرامل و ممكن يؤثر لك علي سرعة استجابة بساتم العجل للدوسة


و نصيحتي لك ،،،

موضوع الفرامل ده حيوي جدا جدا ( = حياتك انت و من معك و من هم بالشارع ايضا ) لذا انصحك بالتوجه الي احد ورش الفرامل المتخصصة لتنظيف الدورة بالكامل و الكشف علي الاويلسيلات للعجل و تسليك المشترك و يا حبذ كمان لو تنفخ مواسير الباكم بالهواء ) و صدقني حياتك و حياة المحيطين تستاهل ذلك الاهتمام و خصوصا ان مثل تلك الصيانة من المفترض ان تتم بشكل دوري كل 50000 كم

ptmnlo123per154ptmnlo123p er154ptmnlo123per154ptmnl o123per154ptmnlo123per154 ptmnlo123per154ptmnlo123p er154ptmnlo123per154ptmnl o123per154ptmnlo123per154

رد: مشكلة كبيرة فى فرامل السويفت 94
 

كلمة شكرا قليلة جدااااااااااااااااااااااا اااااااااا
جزاك الله خيرا