توقعاتك ايه لسنة 2010 (فى مجال السيارات)
 

عايزين كل واحد يقولنا ايه توقعاته لسنة 2010 فى مجال العربيات
يعنى ايه العربيات اللى ممكن تنزل وتاثر فى السوق
ايه توقعاته بالنسبة للاسعار السيارات
بالنسبة لاسعار البنزين
بالنسبة لتاثير الجمارك
بالنسبة للاوربى والاسيوى والصينى والمصرى
بالنسبة للبنوك والتامينات او قطاع الائتمان عامة
بالنسبة للتوكيلات
بالنسبة لرياضة المحركات

كل حاجة تخص السيارات متوقعين تحصل السنة الجديدة عايزين نسجلها هنا

مين هيبتدى اول واحد ptmnlo123per1127

رد: توقعاتك ايه لسنة 2010 (فى مجال السيارات)
 

انا توقعاتى بالنسبه للعربيات عموما سنة 2010
طبقا لكل المعلومات فى كل الجرايد والنت الخ
ان مبيعات العربيات هتزيد واحده اصلى ناوى اشترىptmnlo123per145
اما بالنسبه لاسئلتك فالبنسبه ليا هيا من خارج المقرر
معلش اصلى (ض ج) فى العربيات
عشان كده هاكتب اسمى واسيب الورقه فاضيه واخرج فورا من الموضوع ptmnlo123per1127

رد: توقعاتك ايه لسنة 2010 (فى مجال السيارات)
 

يعنى ايه العربيات اللى ممكن تنزل وتاثر فى السوق
ايه توقعاته بالنسبة للاسعار السيارات
فى زياده طبعا وبالذات السيراتو واختفاء مشوب بالحذر للهيونداى
بالنسبة لاسعار البنزين
هتفضل زى ماهي ولكن علينا الحذر من غدر الحكومه
بالنسبة لتاثير الجمارك
ولا الجمارك هتقل مليم واللى هيقل هتزوده الحكومه ضريبه ع العربيه
بالنسبة للاوربى والاسيوى والصينى والمصرى
هيستمر الاوروبى فى المعاناه (وخاصة الصانع الفرنسى)والاسيوى فى ارتفاع
والمصرى محلك سر
بالنسبة للبنوك والتامينات او قطاع الائتمان عامة
لا تعليق
بالنسبة للتوكيلات
هتستمر المعاناه مع سوء الخدمه والاستغلال
بالنسبة لرياضة المحركات
هتستمر حصريا مع سومو

رد: توقعاتك ايه لسنة 2010 (فى مجال السيارات)
 

بعد الكساد الفظيه في 2009 بالمقارنه ب 2007 و 2008
اتوقع ان السوق حيفوق شويه و حينشط
السيراتو مش حتبيع السنتين القادمتين قد ما باعت في ال 8 شهور اللي فاتوا(من وقت نزولها)
و الكروز حتسيطر علي الفئه دي الفتره القادمه .
بالنسبه للياباني اتوقع ثبات في المبيعات و مافيش اي تقدم يذكر
دا بالنسبه للنجمات الثلاثه سيفيك و لانسر و كورولا
مع اختفاء للياريس و الهوندا سيتي
و ثبات في مبيعات اللانسر بومه و سوف تنافس علي استحياء.
اتوقع ايضا تواجد قوي لابو الفتوح مع سيارته ال m11 و وقف تصنيع ال 516
بالنسبه للاوربي اتوقع ازدياد في مبيعات جميع الاوربي
و بالاخص الفئه العائليه الصغيره مثل الاوكتافيا و الجيتا
و تحول جزء كبير من المستهلكين للفئه المتوسطه كالباسات الي سيارات اكبر
كمرسيدس الفئه سي و بي ام دبليو الفئه الثالثه
و بالطبع سيوجد انتشار رائع للمرسيدس الفئه e بموديلها الجديد
بالنسبه للفئات الشعبيه من الكوري
كالافيو و اللانوس و الفيرنا
اتوقع لها عدم الانتشار مقابل انتشار للوجان و سياره بوتون السيدان الجديده (مش فاكر اسمها)
و لا اتوقع اي وجود ايجابي لسيات و رينو و بيجو علي الاطلاق
اما بالنسبه لفيات فأتوقع حضور بسيط كالعاده ما لم يقوم التوكيل بزياده الدعايا و مراكز الخدمه

دي كانت نظرتي البسيطه لما يمكن ان يكون علي سوق السيارات المصري في عام 2010
اما بالنسبه للجمارك و اسعار الوقود فلا استطيع ان اخمن ما بخاطر حكومتنا الموقره :)

رد: توقعاتك ايه لسنة 2010 (فى مجال السيارات)
 

بداية
أتوقع عودة جزئية فى السوق المصرى و العالمى
أتوقع إتجاه التلات مصنعين الأمريكيين للسيارات الصغيرة و المتوسطة بقوة خلال 2010 على حساب السيارات الكبيرة و الضخمة

أتوقع لليابانى بقاء الحال كما هو فيما عدا نيسان ممكن تقدم موديل جديد ملفت

أتوقع للأوربى زيادة تركيزهم على السارات الهابرد و الكهرباء

أتوقع للصينى الإستمرار فى طرح سيل من الموديلات الجديدة لكن مع تقليل النقل و السرقة و الإعتماد أكتر على تصاميم أصلية و أتوقع فى 2010 بدء تسويق سيارة صينى فى أوربا و خصوصا من جيلى (مالكة فولفو)

بالنسبة لمصر ممكن نشوف تجميع سيارات تجارية صينية فى 2010 (أتوبيس - ميكروباص - نقل ) لكن نسبة المكون المحلى لن تزيد عن النسبة الحالية ، و على مستوى الموديلات يستمر تفوق الأوربى على اليابانى رغم قرق السعر و أتوقع سيطرة هيونداى على الكورى و طرح موديلات جديدة مميزة زى I20بينما كيا هتكتفى بجنى ثمار نجاحات 2009
أما الصينى فهتزيد الموديلات و الأسماء الجديدة لكن للأسف بدون دعم كافى يعنى الناس هتعجبها العربيات و أسعارها لكن مفيش ضمان مفيش صيانة مفيش قطع غيار

أما المجمعين المصريين أظن منصور السنة دى هيستمر فى التفوق لكن أبو الفتوح هو إللى هينزل العربية إلل هتلفت الأنظار و هى M12 الهاتش باك و لا أتوقع إختاء 516 يمكن لسه قدامها خمس سنين بسبب مشروع التاكسى و بسبب وجود طلب عليها و تميزها فىالشريحة السعرية إللى هتختفى خالص السيارة القبيحة A213 يمكن يحلمحلها السيارة STORM2
كذلك الأمل هتستمر فى إنتاج اللادا لكن كمان العربية البى واى دى المتجمعة فى مصر هتحقق نجاح معقول

أسعار السيارات مش هتتأثر كتير بسبب الجمارك بالعكس أتوقع زيادة الأسعار فى 2010
لأن التوكيلات هتستغل عودة النشاط للسوق لتعويض اللى مكسبهوش فى 2009

هيفضل سعر لبنزين ثابت إلا لو زاد سعر برميل البترول عن 100 دولار

بالنسبة للإتمان هتبتدى البنوك مرة تانية لكن بحذر فى زيادة حجم القروض الخاصة بالسيارات

بالنسبة للمرور هتشهد 2010 بداية الحملات للتفتيش على شنطة الإسعافات و المثلث و التجار هيكسبوا و الدولة هتلم فلوس كتير و الناس هتت .........

أخيرا بالنسبة لرياضة المحركات شوماخر هتوقع يعمل سباقات مميزة خلال الموسم لكن مش هيقدر يفوز ببطولة العالم المتوقع المنافسة تكون بين لويس هاميلتون و ألونسو لو فيرارى فاقت من مشاكلها

أما فىالراليات فرايكونن أيضا هيعمل نتائج مميزة فى بطولة العالم لكن مش هيقدر يقرب من الكبار لوب و سوردو و غيرهم

أتوقع لمصر موتورز إنه يضاعف عدد أعضاءه خلال 2010 يعنى يوصل لحدود الستين ألف عضو أتوقع كمان قفزة فى الترتيب الدولى و العربى و المصرى

مع تمنياتى بعام سعيد للجميع

رد: توقعاتك ايه لسنة 2010 (فى مجال السيارات)
 

هرد بصفتى تاجر مش بصفتى مستخدم لية احلام وتوقعات
اولا السوق ملوش توقوعات واضحة ودة ال دائما اتعودنا علية فى العمل التجارى بس خلينا نقول شوية اسرار واخبار (واعتبرها اخبار من العصفورة لمصر موتورز )
وهرد على نقاطق

يعنى ايه العربيات اللى ممكن تنزل وتاثر فى السوق
الصينى والهندى لهم نصيب الاسد فى 2010 وما بعد ذلك مع زيادة ماشراتهم وانخفاض مشرات مبيعات مصنعى الصيات الاخرى واقدام اغلب المركات على عمل مصانع لها فى الهند والصين لتكون قريبة من الصورة وعدم بعدها عن السوق اجمع
ايه توقعاته بالنسبة للاسعار السيارات
انخفاض ما لم تقوم البنوك بعودة الى انعاش السوق المصرى وزيادة عدد دخول بنوك جديدة فى السوق المصرى
بالنسبة لاسعار البنزين
قلة بنزين تواجد 80 مع التركيز على 90 و92 واجبار المستهلك على استخدامهم واحمال زيادة سعرهم فى اواخر 2010 لو بقيت الحكومة وعدم تغير فى رئاسة البلد
بالنسبة لتاثير الجمارك
تخبط فى اول العام وترقب مثل اى عام اخر عدم حدوث انخفاض ولو حدث انخفاض فى الوربى زيادة فى قطع الغيار تعويض فروق يعنى
بالنسبة للاوربى والاسيوى والصينى والمصرى
الوربى محاولة زائدة من دخول السوق المصرى بموديلات جديدة واسعار عالية ولكن البحث عن التنوع
السيوى مرور بازمة ومحاولة الصمود والاستقرار ومحاولة دخول موديلات جديدة
الصينى دخول واكتساح العالم بموديلات ومركات سيارت جديدة ودخول توكيلات جديدة السوق المصرى بمنتجات جديدة ومفاجئات اخرى
المصرى نايم فى العسل تركيز على مشاريع الاحلال ومشاكل المقطورة ومفيش انتاج مجدر دور تكميلى
بالنسبة للبنوك والتامينات او قطاع الائتمان عامة
نوم وقلة فى الائتمان وترقب بنوك جديدة فى السوق المصرى مشاكل فى الائتمان مجدر الحصول على قرض سيارة كانك حصلت على جائزة المليون وهدوء فى التامين واستقرار
بالنسبة للتوكيلات
مشاكل وخروج كثير من دائرة الضوى والبحث عن حصول على توكيلات عربيات صينى وهندى ليكون فى داخل الضوء فى السوق المصرى
بالنسبة لرياضة المحركات
مفهمش فيها قوى
كل حاجة تخص السيارات متوقعين تحصل السنة الجديدة عايزين نسجلها هنا
معرض الاهرام فرقة من غير امور جديدة واعادة الابلاغ على مركات عربيات دون نزولها السوق كما حدث العام الماضى مع هونداى فى الاعلان عن سيارة i20 والى الان لم تنزل السوق المصرى
تغير كامل فى سياسة البيع والعرض فى سوق السيارت وظهور اساليب جديدة
وصول المستهلك انة يرضاء بالامر الواقع وتمنية بحصولة على سيارة جديدة او مستعملة
ومحدش عارف اية تانى هيحصل بس كل ال متاكد منة ان اى وكيل او بنك فى هذة السنة هيحاول يحافظ على بقائة فى السوق المصرى مش هيحاول يكون عندة اى مخاطرة من اى نوع
وخلى باقى الاخبار بعدين علشان العصفورة تقول كل شى فى وقتة وعلشان العصفورة تعبت الان

رد: توقعاتك ايه لسنة 2010 (فى مجال السيارات)
 

انا اتوقع مبيعات زيادة للساجا الجديدة و ممكن تنزل تاكسى كمان مع انى مش متوقع
كمان اتوقع اختفاء كلى الاوبل و البولو وستروين و زيادة فى الفولفو بعد ان اخدها عز العرب
اما اسعار البنزين هتبقى زى ماهيا
الجمارك يااما تفضل زى ماهى أو تقل ولكن الحكومة هتزود الضرائب
الاوربى هيزيد خصوصا الفرنسى واليابانى زى ماهوة و الكورى فى ازدياد حصوصا الكيا و الصينى ياريت يقل :-)