مصر موتورز مجتمع السيارات - سيارة المهمات الشاقة

مصر موتورز مجتمع السيارات (https://www.masrmotors.com/vb/index.php)

- ريفيوهات (https://www.masrmotors.com/vb/forumdisplay.php?f=3)

- - سيارة المهمات الشاقة (https://www.masrmotors.com/vb/showthread.php?t=17621)

سيارة المهمات الشاقة

السادة الافاضل اعضاء منتدانا الكرام
بعد التحية الخاصة لكم فرد........... فرد
كنت طرحت قبل كدة موضوع ومكنتش صريح اوى فية
انا اعمل بمجال رصف الطرق ومحدش يكلمنى على الطرق المكسرة واللى عايز يتكلم :HAPPY_~211:يفوت علينا بكرة:HAPPY_~211:

وعندى بيجو 504 صلون موديل 77 تعبت وطلعت لسانها وعمالة تشتم عليا وانا ساكت لها مهى برضو كتر خيرها معايا بنطلع طرق مقترحة للرصف وتتشال وتتهبد ومطبات غريبة الشكل والمنظر وربنا يكفيكم شر مطبات الصعايدة
المهم ابتدت عندى مشاوير سوهاج اقاهرة بصفة شبة اسبوعية وطبعا انتم عارفين ان عربيتى مش هينفع تقاوم وفية واحد زميلى عايز يشتريها وانا فكرت ابيعها واجيب عربية ادفع المقدم بتمن دى واقسط الباقى بس تكون بنت حلال تستحمل ارهاق الشغل وتكون مريحة فى السفر ومش مهم تكون جديدة
ياريت كمات تقولى عربيتى حالتها كويسة تجي كام فلوس وكمان قدامى عربية تويتا كامرى موديل 2002 وارد الخارج هيدروماتيك ممكن تساوى كام وافضل طرق للشراء
وياترى انتم تفضلوا المانيوال ولا الهيدروماتيك
صدعتكم كفاية كدة والسلام عليكم

للاتصال
0103829342

رد: سيارة المهمات الشاقة

اولا مرحبا بسيادتك فى مصر موتورز بالنسبة للكامرى ماعتقدش انها تستحمل الطرق اللى حضرتك بتروحها فلذلك لا تفكر بالكامرى بالمرة حاول تجيب ماتريكس او كارينز هما دول اللى ممكن ينفعوك واهلا مرة تانية فى مصر موتورز

رد: سيارة المهمات الشاقة

العربيات اللي ممكن تنفعك الدايهاتسوا التريوس وان مستعمل في حدود 55الف جنية
والدايهاتسوا جراند تريوس الجديدة 145 ألف جنية ودايهاتسوا تريوس تو 125 ألف إلي 100ألف مستعمل
وأخيرا سيارة المهام الصعبة اللادا النيفا 65 ألف جديدة وتصل إلي 25 ألف مستعمل

رد: سيارة المهمات الشاقة

زي ما الاخوان قالوا
انت محتاج حاجة دفع رباعي
لو معندك مشكلة مع استهلاك البنزين فكر في شيروكي بس معنديش فكرة عن اسعار المستعمل منها
بالنسبة للكامري هي تستحمل بس هتحتاج تكون ايدك فيها بصفة دورية خصوصا من ناحية العفشة

رد: سيارة المهمات الشاقة

خالص الشكر لكل الاعضاء الاحباء اللذين شرفونى بالرد ولكن اريد السيارة لاتزيد عن 40 الف
كمان اية رايكم فى الفيتارا انا محتار

رد: سيارة المهمات الشاقة

بعد السلام عليكم
1الكامري تستحمل و نص لو سعرها مناسب لك توكل على الله
انا شفت كامري تخص مهندس بيشتغل في كسارة في مدينة الزيد في الإمارت يعني حر و جبال و تكسير و مرمطة بجد و شغالة معاه المهم و ده لاي عربية زيت ومية و كاتينة حافظ عليهم زي عنيك و قطع غيار العفشة هاتها أصلي فقط لا غير و توكل على الحي الذي لا ينام
2 الفيتارا كويسة ال 1600 و لو مش بتحتاج لفتيس الغرز يبقى أحسن
3 التيروس المستعمل عملي و عن تجربة شخصية انا راكبها منذ 5سنوووووات و مش بتقول لاء في اي حاجه و سعرها مقارب من ميزانيتك و اي إستشارة عنها انا في الخدمة
و إستخير المولى عز و جل لو إستقرت على تيروس و عاوز انا قدامي اكتر من واحده
والله ولي التوفيق

رد: سيارة المهمات الشاقة

والله انا عن نفسى شايف ان اكتر حاجه مناسبه وهتبقى مريحه فى الصيانه وتستحمل هى النيفا على ما اعتقد هى احسن اختيار ومش محتاجه توكيل ولا حاجه وهتلاقى قطع غيارها فى السوبر ماركت