ممكن تنصحونى لأنى محتار بين i30 - كيا سيراتو - شيفروليه كروز
 

السلام عليكم
لو سمحتم أنا مقبل على شراء عربية
و عاوز نصيحتكم
بين الثلاث عربيات اللى فى العنوان
و جزاكم الله خيراً:HAPPY_~211:

رد: ممكن تنصحونى لأنى محتار بين i30 - كيا سيراتو - شيفروليه كروز
 

كيا سيراتو ....

رد: ممكن تنصحونى لأنى محتار بين i30 - كيا سيراتو - شيفروليه كروز
 

مش عارف اقولك ايه لو مش عايز اي حاجة غير التلاتة دول ,,, اعتقد ان سيراتو تكسب ,,, و سعر اعادة البيع هيكون افضل ( يا ساتر يا رب علي ده سبب ) قطع غيارها هتنتشر علشان العربية بقت منتشرة ...

بس لو عايز رأي شخصي ,,, انت كده بتلعب في 120 الف تقريبا ,,, في خيارات اوروبى اعتقد في نفس السعر ده هتكون افضل من حيث الامان و الثبات علي الاقل ,,, و في نفس الوقت هتديك نوع من التميز ,,, علي الجانب الاخر ,, قطع الغيار هتبقي اقل انتشار طبعا في السوق بس صدقني ان فرق سعر قطع الغيار مش هيبقي مرعب و هيبقي مرضي بالنسبة لان قطع غيار الاوروبى المفترض انها معمرة اكتر شوية


,,,,,,,,,,,,,,,,,,,,,,,,, ,,,,,,,,,,,,,

العربية لازم تكون اوتوماتيك ولا مانيوال عادي مش مشكلة ؟

رد: ممكن تنصحونى لأنى محتار بين i30 - كيا سيراتو - شيفروليه كروز
 

شكراً يا باشا
طيب ممكن اعرف ليه هى احسن واحدة فيهم

العربية هشتريها اوتوماتيك بإذن الله
و انا عاجبانى ال i30
بس الناس هى اللى قالتلى بلاشها مش عارف
كرهونى فيها من الآخر و انا برده لسة معجب بيها
طيب ليه السيراتو فى نظرك احلى منهم
و يا ريت تقوللى على خيارات تانية
ربنا يبارك فيك

رد: ممكن تنصحونى لأنى محتار بين i30 - كيا سيراتو - شيفروليه كروز
 

بصراحة ,,, بحس ان I30 سعرها غالي اوي عليها ,,, يعني لو هتجيبها جميع الكماليات و اوتوماتيك هتدفع 125 الف جنيه ,,, لو كده ممكن تجيب حاجة احسن بكتير هاتشباك برضو زي الايبيزا ,,, الكماليات بتاعتها افضل و طبعا الثبات و الامان ,,, لان فيها ESP = TCS , Hill Hold Assist , ABS, EBD <<< يعني ثبات خرافي علي الارض حتي مع السرعات العالية ,,, شكلها في نظرى افضل ,, و في نظر الناس هي اقيم من الهيونداي طبعا ,,,

بس علشان ما اظلمش ال I30 اوي ,, هي هتبقي في اختبارات الامان واحد الاتنين 5 نجوم و دي اعتقد معلومة جديدة لكتير مننا ,,, يعني في اختبارات الحوادث الاتنين واخدين 5 نجوم ,,,

بس الايبيزا هتتفوق في الثبات طبعا و التحكم في العربية علي السرعات العالية و ده بيخلي العربية امان اكتر طبعا ,,,

اضف لذلك ناقل الحركة DSG من سبع نقلات امامية و واحدة خلفية ,,, بيعطي قدرة افضل علي التسارع و ايضا استهلاك اقل للبنزين ,,, و الكماليات فيها هتبقي كويسة ,,, و في نفس الوقت هتكون ارخص شوية لان سعرها هيكون في حدود 115 ل 120 الف و بها جميع الكماليات ,,,


المواصفات لل ايبيزا موجودة في الموضوع التالي ,,,

http://masrmotors.com/vb/showthread.php?t=17365

رد: ممكن تنصحونى لأنى محتار بين i30 - كيا سيراتو - شيفروليه كروز
 

مرة تانية بظلم ال I30 ,,, العربية طلع فيها ESP ,,, الظاهر انها عربية محترمة و احنا مكناش مقدرنها ,,, لان كلنا كان عندنا احساس انها ما تساويش السعر ده

بس العربية باللي جواها اثبتت انها قيمة فعلا 5 نجوم امان و ESP يعني ثبات علي الارض حتي مع السرعات العالية ,,,

بس لا تزال الايبيزا تتفوق من حيث ناقل الحركة الجديد DSG و اللي هيخلي قدرتها علي التسارع افضل بالاضافة الي استهلاك بنزين اقل ,,,

سعر اعادة البيع اعتقد متساوي لان الاتنين مش منتشرين في مصر ,,, و يمكن اسم الايبيزا منتشر طبعا عن ال I30 لان الناس عارفاه من زمان ,,, ( اخيرا لقيت عربية اوروبى افضل من حيث اعادة البيع ههههههههههههه )

قطع الغيار الاتنين غاليين طبعا ,,


الفرق هيكون علي ما اعتقد كمان في الشكل و ده هيكون التقييم بتاعه ليك انت بس ,,, الشكل الخارجي تقييمه ليك ,,, الداخلي ال I30 اشيك في التابلوه من الايبيزا علشان نقول الحق برضو :)

الايبيزا هتكون ارخص شوية بس برضو الماني و قيمتها في نظر الناس اعلي من ال كوري ,,, يعني بريستيجها اعلي في نظر الغالبية العظمى من الناس ,,,

لان ال I30 محدش بيديها السعر ده ( و ده بصراحة لاننا مكناش متخيلين انها كويسة كده و كنا فاكرين انها زي الانترا بس هاتش باك و طلع الكلام في الهوا بصراحة و هي مختلفة عنها كتير بس الموتور هو اللي واحد علي ما اذكر )

و موتور الانترا اداءه كويس ,,,



استني لما الايبيزا تنزل التوكيل في اول يناير ,,, و لو نزلت قبله هتلاقي تقرير كامل اكيد في قسم سيات ,,,

شوف الاتنين و قارن ,,, و توكل علي الله في اللي تعجبك

رد: ممكن تنصحونى لأنى محتار بين i30 - كيا سيراتو - شيفروليه كروز
 

بتكلم كتير انا عارف معلش استحملني ,,

حاول تتأكد من ان ال I30 اللي عندنا في مصر فيها ESP علشان انت فاهم مستر غبور بقي ,,, اول كام فئة مفيهاش حتي ABS و اعلي واحدة في التقرير اللي في المنتدي فيها ABS بس مفيش اي سيرة عن ESP <<<

لو مفيهاش يبقي الايبيزا تكسب