|
ميتسوبيشي لانسر ولا هوندا سيتي؟!!
السلام عليكم
ده ان شاء الله تاني موضوع ليا هنا وهوه استفسار. ان شاء الله ناوي اشتري لانسر عشان ظروف شغلي تخليني علي طريق سفر علي طول وبروح اماكن صعبه جداجدا المهم في صديق نصحني بالهوندا سيتي فحبيت اخد رأيكم عشان انا بعنز برأيكم جدا معلش انا عاملكم صداع لكن والله غصب عني.نفسي اجيب عربيه تستحملني انا وشغلي فإيه رأيكم؟؟؟؟؟؟؟؟؟؟؟؟؟؟؟؟؟؟؟؟ ؟؟؟ |
رد: ميتسوبيشي لانسر ولا هوندا سيتي؟!!
السيتي كويسه جدا بس سعر اعاده بيعها مش حلو و كمان اسمع ان قطع غيارها مش متوافره اوي |
رد: ميتسوبيشي لانسر ولا هوندا سيتي؟!!
الف شكر علي الاهتمام وسرعه الرد
انت عارف حضرتك مش مهم سعر اعاده البيع بس المشكله في قطع الغيار وعلي كده اوبشن السيتي احلي ولا اللانسر؟ |
رد: ميتسوبيشي لانسر ولا هوندا سيتي؟!!
اقتباس:
ياباشا اكيد السيتى فيها اوبشن اكتر من الانسر والسيتى كمان احلى من الانسر ودلواقتى معتقدش هتلاقى لانسر بومه غير خليجى ممكن بقا تشوف الانسر شارك الجديده وده على فكره 1500 سى سى ptmnlo123per144 بس ليه حضرتك ماتفكرش في النيو سيراتو الجديده ولا انت عايز يابانى بس :HAPPY_~211: |
رد: ميتسوبيشي لانسر ولا هوندا سيتي؟!!
اقتباس:
ماهو ان شاء الله انا عايز البوما الخليجي و زميل هنا فالمنتدي نصحني بالكويتي تحديدا..وده عشان شغلي صعب جدا بس المشكله ان في واحد صاحبي رشحلي الهوندا السيتي وانا خبرتي ضعيفه جدا عشان كده بسأل وعايز النصيحه ممكن لو مقارنه بين العربيتين خصوصا اني سمعت ان الهوندا السيتي منزله موديل 2010 بشكل جديد وجميل وشكرا |
رد: ميتسوبيشي لانسر ولا هوندا سيتي؟!!
ازيك ياباشا انت لسة محتار ( حقك ) من كمية العربيات الموجودة
المحرك سعته1500سى سى يولد 118حصان به 16صباب اثنين كامه علويه تتوافر السياره بناقل حركه اوتوماتيكي فقط ب 4 سرعات الكماليات تكييف باور استيرنج وحدات رفع الزجاج سنتر لوك مرايات كهربائيه mp3 مشغل اسطوانات الضمان لمده 3 سنوات او 120000 كيلو سعر السياره في التوكيل هو 118000 جنيه مشكلها ان قطع الغيار غالية اوى فى التوكيل و قليل لو لقتها برة فى سوق قطع الغيار و سعر اعادة البيع منخفض |
رد: ميتسوبيشي لانسر ولا هوندا سيتي؟!!
اولا الهوندا سيتى فئة والميتسوبيشى لانسر فئة اخرى علشان ما نظلمش فئة ضد اخرى لكن طالما ظروف عملك تتطلب السفر فعليك بالتوكل على الله الميتسوبيشى طبعا دون تردد لان سيارة السيتى سياره مدينة اكثر وجيدة لكن من ناحية الثبات والاتزان والتماسك طبعا اللانسر افضل لانها تتمتع بنظام تعليق مستقل للعجلات الاربع وابعاد السيارة اكبر وبالتالى تضمن استقرار اكبر واكثر من السيتى لانة كلما زادت طول قاعدة العجلات وعرض المحاور كلما زاد استقرار المركبة وكانت امنه بشكل افضل طبع وكما ذكرت انظمة التعليق المستقله للعجلات الاربع ولا تنس باع الميتسوبيشى لانسر فى عالم الراليات اكسبها خبرة واسعة كما انها سيارة منتشرة من حيث قطع الغيار ومراكز الخدمة الخ وبالتالى اجد ان فرص اللانسر اكبر من السيتى فى هذا المجال ولكم منى خالص التحيات والتوفيق وشكرا جزيلا
|
| الساعة الآن 01:07 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017