|
مفاهيم سائدة ,,, لن تتغير الا اذا بدأنا بأنفسنا
بدون اي مقدمات ,,, لاحظت حاجة صغيرة كده ,,, اي حد بيجي يشتري كوري ولا صيني ,,, نقول دول يجوا ايه في الاوروبى ,,, و لو حد فكر يسألنا عن اوروبي الاقي ناس تقوله ,,, مش منتشر و سعر اعادة البيع ,,, اوكي واجب علينا نقول كل الحقيقة ,,, بس لو كل واحد فكر يشتري عربية كلنا عارفين انها مش منتشرة و قلناله لا لا بلاش ,,, خليك في اللي ماشي في السوق ( فيرنا و لانوس و اوبترا و افيو و الانترا و موخرا سيراتو ) امال مين هيجيب الاوروبي طالما عمالين نقلق الناس منه و هو برقبة اي عربية تانية كوري و لا صيني ( مش هتكلم عن اليباني لان مش كل الياباني حلو اللانسر مثلا معشوقة المصريين اكتر عربية بتتقلب في مصر ) بنبدل حاجات كتير ببعض بس مش عارف ازاي ,,, يعني مثلا سعر اعادة البيع ,, محدش هيكسب في عربية بقالها معاه 4 ولا 5 سنين ,,, خصوصا في الفترة اللي جاية اللي الجمارك هتنزل فيها كل سنة لحد ما تصل صفر بحلول 2018 او 2019 ,,, يعني سعر المستعمل هيكون بطيخ خصوصا اللي بقاله شغال اكتر من 5 سنين ... سعر قطع الغيار ,,, الاوروبي لازم يفضل اغلي ,,, بس لما ينتشر اعتقد دي تكون ميزة الخلاصة الاوروبي عمره ما هينتشر بسبب سياسات سعرية الحمد لله كلها كام سنة و تروح ,,, و كمان تخوف الناس من عدم الانتشار ( مش فاهم ايه السعادة في ركوب سيارة موجودة علي يميني ملاكي و علي شمالي تاكسي ) الانتشار حلو علشان توافر قطع الغيار تمام ,,, بس العربية برضو شكل و مظهر ... علي الرغم من انه امانه اعلي دي اول حاجة ,,, قطع الغيار معمرة اكتر ,,, و طبعا التصميم الخارجى و التقفيل بيكون افضل ... بتكلم كتير انا ,,, بس انا حاسس اني وصلت اللي انا عايزه ,,, رأيكوا ايه ؟ |
رد: مفاهيم سائدة ,,, لن تتغير الا اذا بدأنا بأنفسنا
يارجل حرام عليك لانسر اكتر عربية بتتقلب اما الفيرنا و الافيو الاوبترا تبقة اية فى الضياع
اوفقك على اى حاجة على لانسر ماعدا الثبات و الفرامل ميتشوبيشى من اشهر الماركات فى تصنيع العفشات وش كدة معرفة شكل كورى عفشة يابانى ماتور اوربى |
رد: مفاهيم سائدة ,,, لن تتغير الا اذا بدأنا بأنفسنا
اقتباس:
|
رد: مفاهيم سائدة ,,, لن تتغير الا اذا بدأنا بأنفسنا
أنا معاك إن الكثير من الأوربى أحسن من الكورى و كمان اليابانى
لكن للى بقدر على تمنهم و الناس مش مختلفة على كده و الدليل الإنتشار الكبير للأوكتافيا و الجيتا و الباسات و مؤخرا للبى إم و قبلهم كانت الميجان و الفيكترا كل دى عربيات حققت نجاحات كبيرة فى مصر لكن إللى بيركب اليابانى و الكورى دول فئة تانية أما إللى بيركب الكورى الشعبى و الصينى فدول الغلابة و هم أكبر شريحة فى السوق و إللى راكب عربية صينى لو معاه أكتر كان جاب كورى و لو معاه أكتر و أكتر كان جاب ألمانى كمان لكن كل واحد على قد إمكانياته الموضوع موضوع قدرات شرائية أكتر منه تضليل للناس |
رد: مفاهيم سائدة ,,, لن تتغير الا اذا بدأنا بأنفسنا
اقتباس:
كلامك منطقي جدا يا حازم باشا .. أتفق معك .... ( هي قدرات شرائية ) لا أكثر و لا أقل .. تحياتي للجميع .. |
رد: مفاهيم سائدة ,,, لن تتغير الا اذا بدأنا بأنفسنا
مستر ماكس ! مع احترامى الشديد لحضرتك أنا مافهمتش حاجه ! حضرتك بتقول كلام كتير صح !
بس برضه معاه كلام كتير غلط ! وبصراحه أنا تهت منك ! بس يمكن العيب عندى أنا علشان كبرت فى السن ! حضرتك فى نهاية مشاركتك بتقول انك حاسس انك وصلت للى عايز تقوله ! ياريت احنا كمان يوصلنا الاحساس ده ! DR. Bolbolan ptmnlo123per1127 |
رد: مفاهيم سائدة ,,, لن تتغير الا اذا بدأنا بأنفسنا
ماكس باشا ....
معظمنا بيحب الاوروبي عن الياباني والغالبيه العظمى بتفضل الاوروبي والياباني عن باقي الأسيوي ( كوري - صيني - ماليزي - هندي - ايراني ) لكن السوق المصري 80% منه اسيوي ولحد وقت قريب جدا 25% من المبيعات السنويه لهيونداي تفتكر ليه ؟؟ لو حد قارن كورولا بجيتا او اوكتافيا حتلاقي الاغلبيه تروح للاوروبي ... لكن جرب تطلب مقارنه سيراتو او النترا قصاد كورولا او جيتا ... وشوف رد الناس ptmnlo123per115ptmnlo123p er1116 لكن لو قلت معايا 100 او 110 الف وعايز كذا و كذا ... حتلاقي اغلب الناس تقولك لانسر او سيراتو ptmnlo123per160 الحسبه بمنتهى البساطه انك بتدفع من 20 ل 30 % زياده عن تمن العربيه الياباني علشان تشتري التميز والبرستيج الاوروبي و من 40 ل 60% زياده عن الكوري علشان تشتري الخامات والمواصفات والتقنيه الاوروبي وضعف تمن الصيني علشان تشتري نفسك من نظرات وكلام الناس :00020080: في حد يقدر يقول ان السيراتو او الالنترا احسن من السيفيك او الجيتا !! حقولها بطريقه تانيه لكل فئه سعريه و ليها عربيه او اتنين منتشرين فيها ... صح طيب ... فين الكوري اللي فوق 150 الف ( هل علشان مفيش كوري بالتمن ده و لا لأنه مش حيمشي في مصر - كيا موهاف - هيونداي جينيسس كأمثله و ليس حصر ) فين الياباني اللي فوق ال 200 الف ( كامري و اكورد وجالانت ... ) ليييه ؟؟!! لسبب بسيط ... محدش معاه 150 الف و يجيب بيهم كوري .. او 200 الف ويفكر في ياباني اديني اوروبي بمواصفات الاوروبي و بتمن الكوري و انا اعلن الحرب على كوريا و اليابان والصين و الهند و ايران و تايلاند ... و اندونيسيا و ماليزيا كمان :) |
| الساعة الآن 10:35 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017