|
معناها ايه ان مساعدين مونرو ناشفين؟
السلام عليكم ورحمه الله وبركاته
عاوز اعرف معناها ايه ان مساعدين مونرو ناشفين هل المساعدين بيبقوا ناشفين على العربية بمعنى بيأثروا على اساسيات العربية ومش بيريحوا العربية وممكن يبوظوها ولا المساعدين عاديين بس بيحسس اللى راكبين العربية بالطريق ومطباته بسئل لانى عاوز اغير مساعدين ل فيات 131 و اشترى المساعدين دول منين وهل افضل انى لما اغير المساعدين اغير معاهم المقصات و طقم بيض الدركسيون ولا ان كانوا حالتهم كويسة يبقى مفيش داعى؟ |
رد: معناها ايه ان مساعدين مونرو ناشفين؟
المساعدين الناشفه يعني النبض بتاعهم قاص
يعني بتثبت العربيه في الارض بدون اي حاس للراحه لو عفشه العربيه تعبانه شويه و ركبت مساعدين مونرو حتبهدلهالك |
رد: معناها ايه ان مساعدين مونرو ناشفين؟
طب تفرق هنا سن العفشة لان عربيتى قديمه فهل في احتمالية ان لو ركبت مونرو
حاله العفشة الحمد لله كويسة عندى مفيش اى عيوب فيها |
رد: معناها ايه ان مساعدين مونرو ناشفين؟
ما عرفش حاله عربيتك يا مجدي علشان اعرف احدد ينفع معاها و لا لاء
|
رد: معناها ايه ان مساعدين مونرو ناشفين؟
طب ازاى اقدر احكم على الحاله
السمكرى بيقول العربية نظيفة |
رد: معناها ايه ان مساعدين مونرو ناشفين؟
السمكري يقول براحته
هو بيبص علش اساسيات العربيه لكن انت تضمن ان المقصات عندك حالتها 100% و بيض المقصات و بيض الدركسيون و الاتياش و الاسكترا 100 و اليايات % لو تضمن دا كله او علي الاقل حالتها 80 % ركب مونرو عادي غير كده انت مش محتاج اداء عالي من المساعدين علشان تركب مساعدين رياضيه |
رد: معناها ايه ان مساعدين مونرو ناشفين؟
كده اعتقد الافكار بدئت توضح عندى
كنت فاكر ان نشوفية مساعدين المونرو ممكن تأثر على اساسيات العربية يعنى هيا لو هتأثر هتأثر على المقصات وبيض الدركسيون واليايات يعنى ايه اتياش ؟ طب الحاجات دى ممكن يتكشف عليها من غير ما يتفكوا ولا لازم يتفكوا ويتنكشف عليها وهما بره علشان اعرف هجيب ايه خصوصا ان اغلب الحال هشترى المساعدين من القاهرة وهركبهم فى الزقازيق عندى |
| الساعة الآن 07:37 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017