|
محتاج مساعدتكم بجد .. لانى اتخنقت
السلام عليكم ورحمة الله وبركاته ازيكم يا اجمل اعضاء لو سمحتوا دلوقتى انا كنت على وشك انى اشترى اللوجان وكنت مقتنع بادائها وامكانيتها وكل حاجة بس بعد قعده كدا مع والدى نصحنى بانى الغى فكرتها عشان سعر اعادة البيع ضعيف وسعر القطع الغيار غالية فانا بصراحة فكرت كويس وقولت ارضيه دلوقتى عايز من حضراتكوا انكم تدينوا معلومات عن البروتون جين 2 من حيث : قطع الغيار وتوافرها ؟؟ مكان التوكيل ومراكز الخدمة ؟؟ سعر اعادة البيع ؟؟؟ استهلاك البنزين ؟؟؟ سعر العربية كاش هل هو 84000 لمانوال ولا زاد ؟؟ اداء وثبات العربية ؟؟ معلش بالله عليكم افيدونى بسرعة عشان انا محتار وياري تردوا عليا فى التوبيك هنا لانى توهت فى باقى التوبيكات شكرا جزيلا |
رد: محتاج مساعدتكم بجد .. لانى اتخنقت
انا عايز اعرف بس هضرتحك عايز فى فئه كام يعنى اللوجان فئه سعريه والجين تو فئه سعريه اخرى ياريت تقولنا معاك كام واستخدامتك للسيارة ايه واكيد الاعضاء هتفيدك ان شاء الله
|
رد: محتاج مساعدتكم بجد .. لانى اتخنقت
اقتباس:
لا حضرتك دلوقتى انا عايز اجابات الاسئلة دى عن البروتون جين 2 بس اللوجان خلاص احنا بعيد عنها دلوقتى |
رد: محتاج مساعدتكم بجد .. لانى اتخنقت
الجين 2 عربيه بصراحه شكلها عاجبنى انسيابيه رياضيه
بس انا سمعت ومش متاكد ان التوكيل بتاعها نص كم وان قطع الغيار مش متوفره وسعر اعاده البيع سئ والله اعلم |
رد: محتاج مساعدتكم بجد .. لانى اتخنقت
اقتباس:
لا تنسي صلاه الاستخاره |
رد: محتاج مساعدتكم بجد .. لانى اتخنقت
برده البروتون أو الجين 2 سعر اعادة بيعها أنيل من اللوجان !
أنا ح أتجنن من حكاية سعر اعادة البيع ! الواحد بيشترى سياره و نفسه تعيش معاه 10 سنين على الآقل ! يبقى سعر اعادة ايه بأه ؟ يعنى مش فى مصر ان الواحد يغير سيارته كل سنه أو ثلاثه حتى ! و بعدين المتحكم الآكبر فى سعر اعادة البيع هو حالة السياره وقت البيع ! و لابد حتمآ ح يكون أقل من ثمن الشراء ! يعنى هيه الناس فاكره انها تشترى سياره و تركبها و تعمل بيها البدع و بعدين تبيعها و تسترد فلوسها أو تكسب فيها كمان ؟؟؟؟ كلام غير منطقى ! و أعتقد لو فضلتم على المبدأ ده ! ح تنتظروا كتييييييييييير ! Dr. Bolbolan :waving: |
رد: محتاج مساعدتكم بجد .. لانى اتخنقت
اقتباس:
و لو فى أى وقت الواحد إتزنق فى فلوس يقدر يبيع العربية و يفك زنقته و لذلك الناس بتدور على سعر إعادة البيع لكن فى الأساس كلنا بنشترى العربية علشان (نقنيها زى ما بيقولوا بالبلدى) يعنى فكرة البيع دى بتبقى مش فى الحسبان و لو إن الموديلات الجديدة إللى بتنزل كل سنة ممكن تخلى دماغ الواحد يتلحس و يبقى عايز يغير لمجرد التغيير و عشان يبقى Up To date |
| الساعة الآن 01:32 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017