مصر موتورز مجتمع السيارات - مغامرات الدايو في بورسعيد في يوم مطلعتلوش شمس

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - مغامرات الدايو في بورسعيد في يوم مطلعتلوش شمس (https://www.masrmotors.com/vb/showthread.php?t=17069)

مغامرات الدايو في بورسعيد في يوم مطلعتلوش شمس

حصل معايا النهارده شويه مغامرات بالعربيه
تعالوا نشوف ايه اللي حصل
جالي تليفون الساعه 11 الصبح
فصحيت من النوم و قولت
يا فتاح يا عليم يا رزاق يا كريم
اتلاقيت واحد صاحبي عزيز عليا اوي بيكلمني
المهم اتلاقيته بيقولي ان عربيه خيشت و في الحرفيين
و عايزني في مشاوير مهمه
قولتله و ماله يا حبيبي
ما هي ناقصه و يا صباح المصالح
الجمله الاخرانيه بعد ما خلصت المكالمه
المهم فطرت و لبست
و بدور و طبعا بسمع مزيكا حسب الله من العربيه و هي بارده
سخنت العربيه و انطلقت
اتلاقيته بيتصل بيا و بيقولي
أأخر نفسي شويه عشان رايح مشوارمهم الاول
قولتله ماااااااااااااشي تحت امرك يا باشا
امال صحيتني ليه بدري و انا مش شايف اساسا قدامي
قمت طالع علي طريق 23 يوليو
طريق حلو و نضيف و قبل البحر بشويه
طبعا الطريق فاضي الساعه 12 الضهر
و الناس في اشغالها او نايمه او او او
طبعا حبيت اجري العربيه شويه
اتلاقيت عربيه سيراتو بتشد قصادي
قولت و ماله اصلها كانت بنت
يا صباح اللي بتغني و طبعا
زي الاهبل شديت قصادها
و طبعا مسحتني من خريطه السباق
فقمت مهدي ما انا اتغلبت خلاص
و هي كسبت 100 نقطه
علي اساس اننا في فورميلا وان
المهم انا كنت ماشي علي الغيار التاني
و السرعه 35 تقريبا
اتلاقي عيل من تحت الارض بيعدي بعجله
قمت ضارب فرامل و دبرياج مع بعض
و وقفت قدامه بفرق حد سكينه
قمت سامع صوت خبطه
واحد بيسوق لانسر دخل فيا من ورا
يا نهار اسود
من عظم الخبطه قولت وش عربيته راح
و انا روحت في ابو نكله
و لكن ستر ربنا
الاكصدام اتجرح جامد و النمر اتبطقت
اول كلمه طبعت مني من قصدي كنت هدوس الولا
و الحمد لله تاني طلع راجل محترم متكلمش معايا
و خصوصا ان الاكصدام بتاعي اطبق و النمر اتعوجت
قام الولا طلع يجري بالعجله
قمت ماشي و قولت قدر الله و ما شاء فعل
و المهم روحت لصاحبي و قضينا المشاوير
و انا مروح ماشي من 23 يوليو برضه
اتلاقي واحد بعربيه شاهين مهكعه فجأه
جاي بسرعه من علي يميني
وبيكسر شمال من قدامي عشان يلحق يلف من الملف
و طبعا من غير كلاكس و لا اشارات و لا يحزنون
قمت مفرمل و لكن
الرفرف بتاعه حك في الاكصدام بتاعي و شيل البويه الفبريكه
بصراحه انا كنت هتشل
و خصوصا انا مش فاضي ادخلها فرن و لا حتي ديب فريزر
و طبعا موقفش اصلا
قمت ماشي و قلت سواق *****
طالع علي طريقي المفضل طريق محمد علي
و قولت اجري العربيه شويه
و انا ماشي في نفس الحته
اللي شديت فيها مع السيراتو فاكرين ؟
اتلاقيت عيل عمره 12 او 13 سنه بالكتير سايق عربيه مرسيدس قديمه
اتلاقيته بيشد قصادي فقلت ابعد عن ***** و اغنيله
خلاص داخل علي اخر مطب قبل بيتنا
اتلاقي الولا يشد الهاند و العربيه علي سرعه
قامت العربيه ورت منه تلت اربع مرات
قومت ضارب فرامل فقام لاطش الاكصدام القدماني و قام مكمل عليه
فقمت نازل و انا بشتم شتايم متتسمعش بالانجليزي
معرفش هي جت معايا كده
قمت شادد الولا من الشباك
و المفاجاه اتلاقيته بيبوأ معايا
قمت شايل المفاتيح من الكونتاكت بتاعه
و راميها جوه حته مقطعوه
و قمت سايبه و ماشي
علي امل ان ابوه يولع فيه
المهم داخل بقه علي الركنه تحت العماره
اتلاقيت جاموسه في وشي و انا داخل اركن
فقمت ضارب فرامل خفيفه
حسيت بوجع و الله في دراعي الشمال
تقريبا ذبحه صدريه او سكته دماغيه
ما هو مش ممكن اطلع اليوم ده سليم من غير مصيبه
و في نهايه اليوم افتكرت حاجتين
انا عارفهم من زمان اوي و مأمن بيهم
ان البلد دي كلها عايزه ****** بامانه
ان ربنا دايما معايا و بيساندي مع اني مقصر كتير
و طبعا الخساير كما يلي :
الاكصدام القدماني اشتكي و قالي ارحمني يا ابو حميد
الاكصدام الوراني تلاقيه دلوقتي بيشتم في سره
في حته بلاستكي من الفانوس القدماني راحت مشوار
و اخيرا العربيه بقت بتغربل علي 30 باين
و شكل العفشه حصل فيها حاجه
المهم ادعولي بالصبر و السلوان علي البلد دي و اهلها