|
افيدونى افادكم الله .. ما رايكم بالنوبيرا المانيوال
السلام عليكم و رحمة الله و بركاته اخوانى .....
انا اليومين دول بفكر اشترى عربية و معايا حوالى 50 الف و فكرت كتير فى عربيات كثيرة ...بس عشان انا فى مصر ..... يبقا لازم اشترى عربية دايو زى 80% من الناس عشان قطع الغيار اللى موجودا فى كل مكان .... المهم موش عاوز اطول عليكو ..... انا رسيت على النوبيرا ان شاء الله .... و لكن عاوز اهل الخبرة فى النوبيرا لاناس اللى معاهم نوبيرا مانيوال من موديل 2002 الى 2007 .... هل عربية كويسة ؟؟؟ اعطالها كتيرة ؟؟؟؟ ايه مزاياها .؟؟؟؟ و ايه عيوبها ؟؟؟؟ اشتريها و لا فيه نوع تانى احسن بنفس السعر و قطع غيارة موجودة ؟؟؟ و جزاكم الله كل الخير فى انتظار الرد |
رد: افيدونى افادكم الله .. ما رايكم بالنوبيرا المانيوال
الف مبارك مقدما
انا مسماعتش عن النوبيرا المانيوال حاجة وحشة انا لاى كل الا سمعتة وحش كان على الاوتوماتك ممكن فى نفس سعر لانسر الكرستالة |
رد: افيدونى افادكم الله .. ما رايكم بالنوبيرا المانيوال
المانيوال تمام التمام بس اهتم بالصيانه الدوريه
و اكشف علي العربيه الاول كويس |
رد: افيدونى افادكم الله .. ما رايكم بالنوبيرا المانيوال
الف شكر يارجاله ..... بس عاوز اسال الاستاذ برو مادا و تيجر نت ....
فيه ناس بايعين ذمتهم جدا من الميكانيكية ..... حصل قدامى مرات كتيرة اجى اشترى عربية اللى بيبيع يغمز الميكانيكى يقوم الميكانيكى اللى بيكشف على العربية يقول دى عربية فله و تمام التمام عشان يطلع بفلوس من الراجل اللى بيببيع .... سؤالى هو .... مين اقدر اكشف عنده على العربية ياريت لو فيه واحد معين(ميكانيكى و كهربائى و بتاع دوكو) انتا تعرفهم قوللى عليهم ..... و برضه مكان بنزينه يكون فيها كشف بالكمبيوتر على الماتور عشان اعرف كم فى الميه ..... و جزاكم الله خيرا فى انتظار الرد |
رد: افيدونى افادكم الله .. ما رايكم بالنوبيرا المانيوال
لو حضرتك من بورسعيد كنت اقدر افيدك
بس نصيحه روح اكشف عليها في التوكيل |
رد: افيدونى افادكم الله .. ما رايكم بالنوبيرا المانيوال
بص ياباشا انا كان معايا نوبيرا مانيوال عربية جملية ورخيصة وواسعة وكل حاجة طبعا المانبيوال فيها احلى بكتير من الاتوماتيك عشان انا مش بتعرف بالاتوماتيك فى الدايو خالص وعهية عربية حلوة بس فيها عيب واحد انها بتاكل مقصات ادام يعنى لو اى عربية هاتغير المقصات الى ادام كل سنة هتبقى فى العربية دى كل 4 شهور مثلا
لان البيض بتاع المقصات بيبوظ بسرعة وكمان لما تغير النقص ما تجبش جديد عشان الجديد مصرى او صينى طبعا الاتنين زى الزفت يبقى لازم تجيب استعمال خارج كورى احين واعفى وعلى فكرة العيب دا مش مزعج اوى يعنى مش دا العيب الى يخليك ما تشرتيهاش لكن بردة الداية عربية ناجحة جدا ومنتشرة اوى ودا دليل على النجاح ويارب اكون افدتك يا باشا |
رد: افيدونى افادكم الله .. ما رايكم بالنوبيرا المانيوال
انا معايا نوبيرا مانيوال مو2003 عربيه جميله بمعنى الكلمه عيب المقصات هى على حسب سواقتك بمعنى متكلش مطبات كتير بها و امشى و انتى واعى و صاحى للسكه كويس اما اذا كان فى مطبات فبراحه اوى عليها بكده اضمنلك ان كل سنه و نصف لما تغير مقصات و لما تجيبهاخلى الميكانيكى يدق على البيضه من الاسفل شويه و هى تمسك زاى مانا بعمل و بكده مايبقاش فى مشكله فيها على العموم انا من الاسكندريه لو حبيت تسال عن شىء تبقى قولى و انا ادلك اما عن قوه الموتور تعرفه ازاى اول متشغل الموتور لازم الر بى ام يرتفع 1500 لفه و بعدين ينزل 950 لفه بعد كده تطلع الولانى اخره 59 كيلو ده اختبار على المستوى الضيق و تلاقى اللر بى ام وصل الى 6000لفه اما الختبار الكامل تحرق غيرات فى منطقه واسعه زاى بعد كارفور الصحراوى من 0 الى 100 كيلو فى 10 ثوانى و بكده انت مش محتاج تسال اى ميكانيكى عن اى شىء فى الموتور ارجو انى اكون ساعدتك
|
| الساعة الآن 04:28 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017