محتاج مساعدة فى اختيار ساوند سيستم لفيرنا
 

معايا عربية فيرنا 2007 وعايز اعمل لها سود سيستم كويس
انا عندى صب jbl 12 بوصة , وعندى gm wolf 600 watt 4 channel
فى ناس قالتلى هات سمعتين 400 وات كينوود او بايونير ومعاهم gm بردوا يا كينوود يا بايونير


انا عايز اسال كام سؤال بقى

1. نوع الكاسيت اية الى اشترية بايونيبر ولا كينوود وانهى الاحسن
2. نوع السماعات وكام وات
3. نوع gm وكام وات
4. ازاى احسب انا محتاج gm قوتة اد اية ( معلومة شخصية ) علشان الراجل ما يشتغلنيش
5. ولو فكرت انى اجيب بازوكة jbl 1000watt هبقى محتاج gm قدرتة اد اية ومواصفاتوا
6. اركب اية مع اية ؟؟ بمعنى اركب السماعات على gm منفصل والبازوكة والصب على gm الى موجود عندى ولا اعمل اية
7. الميزانية معاك لحد 3500 جنية

والف شكر واسف جدا على الكلام الكتير بس انا مشكلتى انى مهندس وبحب افهم ptmnlo123per144

رد: محتاج مساعدة فى اختيار ساوند سيستم لفيرنا
 

معلش ياباشا على تأخير الرد
الكاسيت هات بايونير 5060
السماعات 4 سماعات بايونير 440 وات
طبعا رف خشبى مكان الرف الاساساى اللى ورا الكنبة
جى ام اللى معاك اللى هو 600 وات 4 قناه مناسب ليهم لان السماعات كده الخرج بتاعها اللى هو rms اجمالى هايعمل 360 وات وال جى ام اقصى خرج ليه مش هايعدى ال 80 وات للقناه الواحده
الصب اللى معاك انا شايف انه كفايه هاتله جى ام 350 وات كينود
بس لو حابب تزود البازوكا ال 1000 يبقى هاتجيب جى ام 600 للصب والبازوكا
وفكرة الحساب كالاتى احنا بنبص على ال rms اللى هو اقصى خرج للسماعه او الصب او الجى ام وعلى اساسه بنركب
ممكن ال جى ام بتاع البازوكا والصب يكون اكبر من 600 شوف 800 وده كفايه
الطقم بتاعك كده هايعمل فى حدود 3200 3300 ويارب اكون افدتك لو محتاج اى حاجة ابعتلى

رد: محتاج مساعدة فى اختيار ساوند سيستم لفيرنا
 

تسلم ايدك يا باشا
انا بقالى كام يوم بلف على الموضوع دة واجيب اسعار بس منش لاقى بايونير 5060
فى بايونيرp6050 بحوالى 1250 جنية من شارع دمشق و ب 1040 جنية من شارع الازهر
وفى بايونير p5050 ب1020 جنية
وبايونير p5950 IB بحوالى 850 جنية
وفى واحد ودة لاى انا بفكر اشترية P7150 ب1230 جنية
انت بقى رايك انهى احسن واحد؟؟

رد: محتاج مساعدة فى اختيار ساوند سيستم لفيرنا
 

P7150 جامد جدا على فكرة

تسلم يا باشا بس هو فى حركات
وشاشة اللوان وكدة ولا اية؟؟ انا شوفت kenwood kdc-x8009u فى شغل جامد اوى

رد: محتاج مساعدة فى اختيار ساوند سيستم لفيرنا
 

هو الكينوود محترم اوى برده بس الافضلية ل بايونير بحكم انه معمر وقطع غياره وصيانته سهله وصوت الكاسيت البايونير بيبقى اقوى من الكينوود

رد: محتاج مساعدة فى اختيار ساوند سيستم لفيرنا
 

s7 ya basha hwa da al kallam da 7ata al pioner da m3 wa7ed sa7by we 3amel sho3`l gamed gedan we kaman hwa merakeb sub pioner 1000 wt we gm kazalek kenwood 1000 we 4 sound`s 2 sony explod and other`s 2 pioner 440 wt eih ra2yak fehom ya lol ala bel 7a2 eih realy u r name haaaaaaaa ????