![]() |
مقارنة بين ميسوبيشي لانسر 2010 (الشكل القديم) وبين كيا سيراتو
السادة الأعضاء المحترمين / كل عام وأنم بخير بمناسبة عيد الأضحي المبارك أعاده الله عليكم وعلي الأمة الأسلامية والعربية و بلدنا الحبيب بكل الخير والسعادة والأمان ......
أعزائي الأفاضل / هذه أول مشاركة لي معكم و أتمني دوام المشاركة والتواصل معكم . في الحقيقة أن في أشد الحيرة لأختيار العرية المناسبة وأفاضل بين ميتسوبيشي لانسر 2010 (الشكل القديم) وبين كيا سيراتو ( نيو سيراتو) وطبعا أنا عايزها أتوماتيك 1600.لكن طبعاً أنتم عارفين لانسر ياباني و كيا كوري والأخيرة شكلها خطير جداً أنا مش عارف ايهما أفضل؟ من حيث الأداء والقوة والرفاهية وقطع الغيار وأعادة البيع ......الخ يعني من كل الجوانب ياريت حد يقدر ينقل لي خبرته سواء في لانسر أو في السيراتو او الأثنين مع بعضز أرجوكم أفيدوني أفادكم الله مع خالص تحياتي : طارق يسن ( مصمم نظم ألية) |
رد: مقارنة بين ميسوبيشي لانسر 2010 (الشكل القديم) وبين كيا سيراتو
اقتباس:
انا شايف ان السيراتو احسن كتير من لانسر شكل قديم (بوما) موتور السيراتو افضل 124حصان و 156نيوتن.متر و موتور لانسر 106حصان و 139نيوتن.متر ثبات السيراتو افضل كتير جداً (عن عدة تجارب) شكلاً السيراتو احلى كتير (ازواق) السيراتو اوسع و عزلها افضل السيراتو عوامل امان اكتر abs,ebd, 2 airbags لانسر فيها abs,airbags السيراتو كماليات اكتر كتير و سعر اقل السيراتو بدأت فى الإنتشار بكثره و ده حيخلى سعر اعادة البيع ممتاز و توافر قطع الغيار بالتوكيل و خارج التوكيل بأسعار اقل موضوع الجوده بتاعت الخامات الداخليه لو السيراتو ex او sx مفيش مشكله خالص و افخم من لانسر كمان و الى بيقول يابانى و بيعيش و يعمر و الكورى عمره قصير يبص على الكورى الى ماشى فى البلد من 15 سنه و شغال زى الفل و اكيد كمان الصناعه الكورى اتقدمت فى ال 15 سنه دول ( يعنى العربيات حتعمر اكتر كمان) انا شايفالسيراتو تكسب و مفيش مكان للمقارنه |
رد: مقارنة بين ميسوبيشي لانسر 2010 (الشكل القديم) وبين كيا سيراتو
شكراً جزيلاً علي ردك وتقييمك المميز وواضح المنطقية في الرد والمقارنة
أنا سمعت من بعض الناس من تجربتهم مع السيراتو أن عفشتها نشفة. يارتري ده يعتبر عيب كبير فيها أو لاء؟ شكراً ليك مرة ثانية. |
رد: مقارنة بين ميسوبيشي لانسر 2010 (الشكل القديم) وبين كيا سيراتو
اقتباس:
و العفشه الناشفه بتدى ميزه هى الثبات على السرعات العاليه, انا عن نفسى مش شايف انها ناشفه اوى, و على فكره لانسر الفول سبورت عفشتها ناشفه بردو بس السيراتو انشف سنه بسيطه |
رد: مقارنة بين ميسوبيشي لانسر 2010 (الشكل القديم) وبين كيا سيراتو
اقتباس:
وانتشار السيراتو بالشكل الفظيع ده حيخلى سعر اعاده بيعها قليل وعلى فكره اليابانى لايقارن بالكورى لان اليابانى افضل فى كل شئ لكن الكورى كماليات اكتر بكتير |
رد: مقارنة بين ميسوبيشي لانسر 2010 (الشكل القديم) وبين كيا سيراتو
اقتباس:
و لانسر الجديده (شارك) 1500cc 80kw(109hp)@ 6000rpm & 143N.m(14.6kg.m)@4000rpm و انتشار العربيه بيخلى سعر اعاده بيعها احسن مش اقل (شوف لانسر ولانوس و هيونداى و غيرها من العربيات المنتشره سعر اعاده بيعها ايه و شوف الهوندا و السوبارو و غيرهم بالرغم من انهم عربيات كويسه جداً انما سعر اعاده بيعهم وحش علشان مش منتشرين) و حته اليابانى لا يقارن بالكورى علشان افضل كتير دى عقده اليابانى فقط لاغير, نعم من الممكن ان تكون بعض السيارات اليابانى افضل من بعض السيارات الكورى و لكن ليس بالقدر الى معاه نقول مفيش وجه مقارنه |
رد: مقارنة بين ميسوبيشي لانسر 2010 (الشكل القديم) وبين كيا سيراتو
ودى صور الانسر 2010
http://www3.0zz0.com/2009/11/11/08/992286894.jpg ده الجير بوكس(الفتيس) الجديد تيبترونك http://www3.0zz0.com/2009/11/11/08/493085326.jpg http://www3.0zz0.com/2009/11/11/08/970724991.jpg |
الساعة الآن 04:18 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017