|
الحملات المروريه ..... موضوع شامل
لما تدخل سعادتك حمله لازم تكون عربيتك سليمه عشان تطلع من الحمله سليم و هيجي واحد يسألني يعني ايه العربيه سليمه ؟؟؟؟؟؟ هقوله يعني مفيهاش فاميه علي الازاز و لا فيها شماسه و لا حاطط نسر علي الازاز اللي ورا و لا حاطط نسر علي النمر ( واحد فاكر نفسه ظبط و لا حاجه ) و لا حاطط استيكير هيئه قضائيه علي النمر ( ده واحد فاكر نفسه محامي ) و لا مركب جنط اسبور ( في ماعدا العربيات اللي بتنزل من المصنع بجنط اسبور ) و لا حاطط اي نوع من الاستيكرات و لا حاطط زينون ( في ماعدا العربيات اللي بتنزل من المصنع بزينون ) و لا حاطط فاميه علي الفوانيس و لا حاطط فاميه علي الكبوت او السقف و لا حاطط اسبويلر ( في ماعدا العربيات اللي بتنزل من المصنع بسبويلر ) و لا و لا و لا و دي الحاجات اللي جايه علي بالي دلوقتي فبلاش اي حد يعمل في عربيته الحاجات اللي قولت عليها و طبعا و انت داخل علي حمله تكون رابط حزامك ( و مش حطه علي صدر سعادتك اونطه ) و تخبي اي حاجه كده و لا كده ( انا مش قصدي حاجه بس ساعات بيتتلكوا علي علب السجاير ) و طبعا تيدي الظابط رخصك بمنتي الاحترام اللي في الدنيا و لو قالك كلمه ***** زي فين الطفايه او المثلث العاكس ؟؟؟؟؟ تفتح الشنطه و تخليه يشوفهم بعنينه و لو مدكش الرخص في ايدك تنزل و تطلبهم منه بمنتهي الاحترام اللي في الدنيا برضه و تروح و لما تشوف كموصطابل واقف او عديت من جنبه مترخمش بقي و تطلع طلعه اميركاني او تسمعه صوت الفلتر او الحاجات دي عشان ممكن ياخد نمرك و يديك واحده عكس اتجاه لوووووز و تدفع 1500 جنيه علي الطرابيظه و في النهايه احب اقول بلاش لعب بالعربيات عشان متبوظش الكبالن و دايما اتأكدوا من ان اللوح المعدنيه واضحه عشان متخدش محضر طمس لوحات اونطه و عايزكوا تحكولي عن حملات دخلتوها و حصل مواقف طريفه و هبدأ بنفسي
|
رد: الحملات المروريه ..... موضوع شامل
الموقف ده يموت من الضحك
واحد اتحكالي عنه ( واحد من اسكندريه ) كان ماشي وقفه رمضان بالعربيه و هي مفيهاش حته مش متفيمه ( ازاز و كبوت و سقف ) و طبعا ده غير النسر الحجم العائلي اللي ملزوق علي الازاز الوراني و طبعا استيكرات من اللي قلبك يحبها من الحجم الكبير برضه ( استيكرات بطول العربيه ) و اخيرا استيكر الهيئه القضائيه علي النمر ( حاجه لوز بامانه ) المهم كان ماشي في منطقه سكنيه كان فيها شويه شباب بيلعبوا بعربياتهم و طبعا الناس ساعه سحور و اتصلوا بالبوليس و جه طبعا المرور ( عشان المديريه تسترزق علي رأي سليمان عيد في فيلم الباشا تلميذ ) قام الشخص ده اول ما سمع سرينه البوليس طلع يجري اتاري البوليس و المرور كمان جايين من الاربع اتجاهات بتوع الشارع و هو زي ال***** مش شايف قدامه عشان عمدان النور ( تخيلوا بيلعبوا بالعربيات و الشارع ضلمه ) كانت قاطعه قام فاتح الزينون ( نسيت اقولكم علي الزينون ) في وش ظباط بوليس و كموصطابلاط المرور كمان و داخل يديهم كلكسات عشان يعدي و هو مش واخد باله ( شوفتوا بقه ) خمنوا بقه حصلوا ايه ؟؟؟؟؟ |
رد: الحملات المروريه ..... موضوع شامل
اقتباس:
|
رد: الحملات المروريه ..... موضوع شامل
اقتباس:
|
رد: الحملات المروريه ..... موضوع شامل
اقتباس:
اقتباس:
اقتباس:
|
رد: الحملات المروريه ..... موضوع شامل
انا الحمد لله بقالي 19 سنه بسوق عربيات
و 11 سنه معايا رخصه قياده و مش بقف في لجان دايما لما بدخل لجنه بيمشيني مش بيوقفني الحمد لله مافيش غير تلات مرات فقط اللي وقفت فيهم اول مره: مكنش معايا رخصه سواقه ولا رخصه عربيه ولا العربيه عليها نمر وكنت راجع من فرح و بوصل ناس زمايلي من الكليه و دخلت اللجنه عادي افتكرت اني ناسي رخصتي في البيت و ببص في الشماسه مالقتش الرخصه لان العربيه كانت عند البوهيجي و كان مش راكب فيها النمر كمان!!!!! دخلت اللجنه و العسكري وقفني طبيعي جدا و نزلت كلمت الضابط و حكيت له الظروف و راح ممشيني ما عملش معايا حاجه بس طبعا بعد مع عرف ان والدي مدير عام و خالي لواء شرطه :HAPPY_~211:. تاني مره كنت في القاهره و عند كوبري الجامعه و نازل من الكوبري لقيت لجنه و انا ماشي باحترماي و رابط الحزام و عربيتي ماعليهاش مخالفات يعني ما يقدرش يمسك عليا حاجه المهم وقفني و طلب الرخص و لسه بطلعها فلقيته بيقولي علي الكاسي وطي المعدوق اللي انت مشغله دا قولتله طب مافيش رخص وهاتلي مدير الامن انا مش ماشي من هنا قالي بتقول ايه؟؟ قولتله مافيش رخص و هات مديرك انا مش مطلع ليك الرخص انت بتتكلم معايا كده ازايptmnlo123per111 لقيته اندهش من رد فعلي و بقي مش عارف ينطق و لقيت رتبه اعلي منه كانت مقدم او عقيد باين جاي بيقولي في ايه يا بيه قولتله يا فندم انا لا بيه و لا بتاع انا مواطن و عارف حقوقي كويس ليه سياده النقيب يتكلم معايا بالاسلوب دا يعني علشان ايه ؟؟ هو له عندي ياخد الرخص و يشوفني مضبوط ولا لاء و لو فيه مخالفه يحررها بمنتهي الهدوء و انتيهنا انما يتطاول عليا بأماره ايه ما عرفش؟؟ (طبعا انا ما حاولتش اغلط نهائي ولا اقول كلمه كده ولا كده علشان محدش يمسك عليا غلطه ) لقيت الراجل ابتسم و قالي معلش اعذره هو واقف في الشمس طول النهار و اعصابه بتبقي بايظه قولتله اللي اعرفه يا فندم اللي مش قد الشغل و قد ضغوطه يشوف له شغلانه تانيه يكون قدها انما مش مطلوب مني اني استحمله لمجرد انه ضابط ما كل واحد فيه اللي مكفيه احنا طالع عنينا طول النهار . و عموما اتفضل الرخص اهي قالي لاء خلاص اتفضل مع السلامه و مشيت و طبعا الضابط اياه حيموت من الغيظ بس علمته درس مش حينساه و حيفكر ميت مره قبل ما يطول لسانه علي مواطن تاني . تالت مره كنت ماشي في طنطا و لقيت عسكري موقفني برضه و بيقولي رخصك طلعتها بمنتهي الهدوء فالعربيه كان عليها نسر ورا و قدام علي الزجاج و علي النمر لقيت امين شرطه جاي بيقولي الباشا شغال فين (كان فاكرني ضابط :) ) قولتله الباشا شغال في الامارات:HAPPY_~211: قالي طب انزل كلم الباشا لقيت ضابط واقف و بيقولي مش رابط الحزام ليه قولتله لسه راكب العربيه حالا و لسه كنت حربطه و قولتله انا خالي اللواء فلان الفلاني قالي علشان خطر خالك انا حاخد رخصه القياده بس و مش حاخد رخصه العربيه قولتله هو الحزام بيتسحب عليه الرخصتين دلوقتي ولا ايه؟؟ لاء ما تعملش حساب لحد و لو في العربيه مخالفه اسحب رخصه العربيه بالمره مش مشكله حعرف اجيبها و مش حدفع فلوس!!!!!!! انا استفذيته و هو بقي مش طايق نفسه و مش قادر يسحب رخصه العربيه حتي لو فيها ايه و الرخصه جات مرور المحله و فعلا جبتها من غير ما ادفع مخالفه ولا بتاع هما دول التلات مرات اللي وقف فيهم في لجان طول حياتي الحمد لله ptmnlo123per154 |
رد: الحملات المروريه ..... موضوع شامل
شكراً يا برو باشا
اقتباس:
حيطلع الغل الى جواه فى واحد غلبان مش عارف يرض ولا سواق تاكسى |
| الساعة الآن 01:24 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017