|
محتاج رائيكم بسرعه يا جماعه
بسم الله الرحمن الرحيم انا عملت الموضوع ده عشان بجد محتار مش عارف انا صح ولا لا انا كنت بدور على عربيه مستعمله كده من كام شهر النهارده بقى لقيت عربيه اوبترا موديل 2008 متغيرلها رفرف بس فى التوكيل وتمام ومتابعه شهريه فى التوكيل على 70 الف وعطينى فرصه انى ارد عليه يوم الاحد يعنى سايبلى يوم افكر وكنت فاكرها لقطه بس فى ناس كتير بيقولولى انها غاليه فا مش عارف اعمل ايه حد يقولو يا جماعه ايه رايكم بجد محتار ptmnlo123per1106ptmnlo123 per1106 |
رد: محتاج رائيكم بسرعه يا جماعه
طيب العربيه مانيوال ولا اوتوماتيك؟
وعامله كام كيلو متر ؟ و رشا حاجه غير الرفرف الى اتغير ولا مش راشه؟؟ وحاله الصالون من الداخل و الصاج من الخارج و العفشه و الموتور ايه؟؟ كل ده بيفرق فى سعر العربيه |
رد: محتاج رائيكم بسرعه يا جماعه
لا هى العربيه مانوال
ومافيهاش اي حاجه تانى غير خرابيش بره مش باينه اوي وده طبعا من العيال الصغيره لونها نبيتى وماشيه حوالى 27الف والصالون جوه زي الفل فرش جلد والعربيه كانها جديده |
رد: محتاج رائيكم بسرعه يا جماعه
اقتباس:
|
رد: محتاج رائيكم بسرعه يا جماعه
اقتباس:
ثانيا عربيه موديل 2008 تغير رفرف ليييييييييه اكيد خبطه حلوه وطلاما 2008 وواخده خبطه حلوه يبقى بلاش منها خصوصا ان سعرها مش لقطه يعنى ده سعر السوق فى العربيات الفابريكه منها يبقى ليه اخد عربيه مخبوطه؟؟؟ وانا عن نفسى شايف انه فيه عربيات كتير احسن من الاوبترا ومن رأى الشخصى لو عايز مستعمل دور على تيوتا ياريس بروتون واجا النترا حاجات كتير افضل من الاوبترا ونصيحه اخويه سيبك من الكلام ده كله وخليك فى حاجه جديده (لانوس-فيرنا-لوجان)هتريحك جدا وافضل بكتير من انك تركب مستعمل |
رد: محتاج رائيكم بسرعه يا جماعه
الاوبترا عربيه حلوه وعمليه بس لو انت حبيت تاخد العربيه دي هي 65 الف وما تزويدش تاني بس الاهم من دا كله من الخبطه ومن الرفرف في مشكله اصلا عند منصور في السوفت وير بتاع العربيات لان مافيش سوفت وير خاص بمصر فتلاقي مثلا العربيه الافيو العدادا بتاع rpm عالي علي طول حتي لو مش دايس بنزين ودا العيب كان منتشر جدا في الافيو وبعض السيارات الاوبترا فانت يا باشا ادخل جوه العربيه ودور العربيه وشوف عداد rpm هايقف ثابت مكانه ولا هايفضل يطلع وينزل مثلا هايكون علي 1 هتلاحظ ان العداد عايز يطلع وهايطلع حاجه بسيطه مش هتلاحظها الا لو كنت مركز معاه وهايرجع تاني لو لقيت العداد بيعمل كدا يبقي بلاش منها العربيه دي لان دا مالوش حل الطريقه التانيه انك تقيس استهلاك بنزين العربيه ودا لازم انت تجرب العربيه ييوم علي الاقل
الكلام دا انا متاكد منه انا كنت شغال في منصور قبل ما اسيبه وكنت في خدمه العملا شوف كدا ياباشا ورد علينا العربيه الاوبترا عموما عربيه ممتازه جدا وحماله اسيه و اتزانها علي الطريق عالي جدا وربنا يباركلك ويوفقك للعربيه اللي تكون مستريح فيها |
رد: محتاج رائيكم بسرعه يا جماعه
بجد بشكر الكل اللى رد على الموضوع
بس هى العربيه مافيهاش خبطه ولا حاجه وكمان العربيه فول اوبشن وكل العربيات اللى عدتت عليها كلها من الاوبترا 2008 من 75 وكتر على العموم انا بكره انشاء الله هاروح ارفعها فى البنزينه واجيب ميكانيكى كويس يشوفها |
| الساعة الآن 03:35 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017