طلب من خبراء القيادة......ما هي الطريقة الصحيحة لاستخدام الجير الأوتوماتيك
 

رد: طلب من خبراء القيادة......ما هي الطريقة الصحيحة لاستخدام الجير الأوتوماتيك
 

زي ما حضرتك اشرت الاوتوماتيك سهل جدا في التعامل معاة
كل اللي هتحتاجة انك تتعود علي عدم استخدام رجلك الشمال لان مفيش دبرياج. فقط بنزين و فرامل عند التسارع و التباطئ و ده باستخدام رجلك اليمين فقط.

بالنسبة للعلامات
ال P : دي اختصار Park يعني و العربية واقفة و طبعا لازم تشد فرامل اليد عشان العربية متحملش علي الجيربوكس

ال R : و دي اختصار Reverse يعني الرجوع الي الخلف

ال N : و دي اختصار Neutral يعني المور بالعربي و دي بتستخدم لايقاف العربية علي الاسطح المستوية بدون الضغط علي الفرامل مثلا (واقف في اشارة و بتريح رجلك من دوس الفرامل) و طبعا في الاسطح الغير مستوية العربية هتتحرك في اتجاة الميلان. و ممكن تستخدم الوضعية دي في زق السيارة في حالة تعطلها مثلا علي الرغم من ان المقود هيبقي تقيل جدا مع امكانية تعطل علبة الباور (لذا لا يستحسن القيام بهذا)

ال D : و ده اختصار Drive و تستخدم للاتجاة الي الامام

و بالنسبة لل 1 2 3 فدي ترمز الي الغيارات و تستخدم في حال طلب عزم عالي من السيارة في حالة صعود مطلع صعب او شيئ من هذا القبيل

ال P R N D دول موحدين
لكن ال 1 2 3 مش شرط ممكن يتواجدوا و ممكن لا
و في عندك الستريب ترونك و ده عبارة عن جير اوتوماتيك مع امكانية التحكم اليدوي في النقلات (بدون دبرياج) ده هتلاقي فية علامتين زيادة ال + و ال -
زي ده

http://www3.0zz0.com/2009/11/11/08/992286894.jpg

و ده موضوع عنه للافادة
http://www.masrmotors.com/vb/showthread.php?t=14423

اتمني اكون افدتك و لو محتاح معلومات زيادة انا تحت امرك

رد: طلب من خبراء القيادة......ما هي الطريقة الصحيحة لاستخدام الجير الأوتوماتيك
 

اخي الحبيب جزاك الله كل خير على هذه الإجابات
مش عارف أشكرك إزاي
الله يبارك لك

بس لي سؤال
علامتين - و +
اللي في الستريب تروتك
ما طريقة استخداتهم يعني إمتى أرجع للسالب وأمتى أزود للموجب

وهل هذا الستريب ترونك هو MMT
ولا دا نظام تاني

وجزاك الله كل حير أخي الحبيب

رد: طلب من خبراء القيادة......ما هي الطريقة الصحيحة لاستخدام الجير الأوتوماتيك
 

طبعا الباشمهندس شريف قال فيما فيه الكفايه و عاوز اضيف معلومه صغيره
عربيات اتوماتيك كتير حتلاقي فيها زرار مكتوب عليه over drive
او مكتوب od و هيا بنفس المعني علي فكره
الزرار دا وظيفته بينقل الفتيس من الغيار الرابع الي الغيار التالت و بيوقف الفتيس علي كده
و دا بتستفيد منه لو ماشي علي سرعه 80 مثلا و عاوز تعدي من عربيه بسرعه او عاوز تجميع سريع فجأه فبتضغط علي الزرار دا يقوم الفتيس ناقل من الرابع للتالت
و تلاقي العربيه سرعتها زادت بمعدل اسرع .
لكن لحد سرعه 120 تقريبا حتلاقي صوت الموتور بقي عالي جدا و السرعه مش بتزيد
و ساعتها حتدوس علي الزرار دا تاني تقوم العربيه واخده الغيار الرابع و تكمل زياده في السرعه.
و الزرار دا موجود في العربيات اللي فيها في الفتيس ارقام 1 و 2 بس
اما لو العربيه فيها 1 2 3 يبقي الزرار دا مالوش لازمه و رقم 3 بيبقي بديل الزرار
يعني في العربيات اللي مافيهاش الزرار لما تحب تزود سرعتك و تسحب تقوم جايب الفتيس من الd الي 3 و دا تأثيره حيبقي زي تأثير الزرار بالضبط
و لحد ما توصل و تلاقي العربيه صوتها بيعلي من غير زياده في السرعه تروح مرجع الفتيس تاني الي d
ارجو انك تكون فاهم الكلام مش متلخبط لان النقطه دي بتلخبط ناس كتير اوي:)

رد: طلب من خبراء القيادة......ما هي الطريقة الصحيحة لاستخدام الجير الأوتوماتيك
 

علامه موجب يعني معناها انك بتنقل اول تاني تالت رابع
و علامه سالب يعني بتنزل من رابع الي تالت الي تاني الي اول
يعني لو انت بالعربيه اول ما تركب حتدوس فرامل و تجيب الفتسي ناحيه ال+
العربيه حتعشق الغيار الاول و بعدين تجري عليه شويه تقوم جايب الفتيس تاني ناحيه الموجب
العربيه حتعشق التاني و تمشي شويه و تاخد التالت بنفس الطريقه
لما تيجي تهدي تقوم منزل الغيارات بعلامه ال - لحد ما توصل للغيار المناسب للسرعه اللي انت ماشي عليها زيها زي المانيوال بالضبط

رد: طلب من خبراء القيادة......ما هي الطريقة الصحيحة لاستخدام الجير الأوتوماتيك
 

رد: طلب من خبراء القيادة......ما هي الطريقة الصحيحة لاستخدام الجير الأوتوماتيك