|
تقرير عن اللوجان الجديده من الاخر بالصور
http://www8.0zz0.com/2009/11/11/03/955334947.jpg
http://www8.0zz0.com/2009/11/11/03/481988040.jpg http://www8.0zz0.com/2009/11/11/03/365052594.jpg http://www8.0zz0.com/2009/11/11/03/165608744.jpg العربيه دي يا جماعه من الاخر كده عربيه كويسه و محركها هو محرك الميجان مو 99 و العربيه انا عارف شكلها قديم حبتين و تابلوها شكله مش حلو اوي برضه ( يعني العربيات اللي دايما نقارنهم بيها شكلهم عدل اوي يعني ) بس خاماتها كويسه و تقفيلها كويس ( ما بقولش ان خاماتها او تقفيلها ممتازين بقول كويسين ركزوا معايا شويه ) و واسعه من جوه بس فيها مقلب سخن الا و هو قطع الغيار اللي مش موجوده بره التوكيل ( ده علي كلام احد ملاكها من معارفي ) و جوه التوكيل في شويه حاجات مش موجوده و اللي موجود غالي معرفش ليه ؟؟؟؟؟؟ اما موضوع الصيانه فهو صعب حبتين بره التوكيل عشان الميكانيكيه اللي بيشتغلوا فيها ( او في الرينو عموما ) قليلين فلازم تتابع صيانتها في التوكيل و نسيت اقول ان الناس اللي اشتريتها بتشكر في العفشه بتاعتها و بتستحمل المطبات و الحفر و النؤر و الاقفاص و البلاعات و الحيوانات و الازاز المكسر والطوب و الي اخره من بلاوي طرق مصر فمن الاخر كده اللي عايز يشتريها يتوكل علي الله بس هيتابع الصيانه في التوكيل و هيستحمل اعار قطع الغيار الحراقه بعد ما الضمان يخلص يكون ربنا عدلها و اتوفرت قطع غيارها بره التوكيل ( و لو كمان تكون رخيصه تبقي حصلت معجزه ) و اسيبكو بقي عشان طولت عليكم و عايز اخد غطس في السرير |
رد: تقرير عن اللوجان الجديده من الاخر بالصور
ايه يا جماعه ؟؟؟؟؟؟؟
انا عارف ان في تقارير كتيييييييييير عن العربيه دي بس انا عامل التقرير ده عشان اطمن اللي عايز يشتريها 21 مشاركه و مفيش رد وااااااااااااحد يوحد ربنا |
رد: تقرير عن اللوجان الجديده من الاخر بالصور
العربية من رأي الشخصي أنها جيدة إلى حد كبير وسمعت أنها كما في تقريرك الجميل أنها بتستحمل المطبات الراائعة لبلدنا المطبات دي عايزة متسلق جبال يطلعها مش عربيات بصراحة أنا عندي النوع القديم منها الداتشيا 97 بصراحة استحملت كثييييير بس أنا بهدلتها أوي على العموم تقرير متميز يا متميز إيجاز غير مخل في تقرير رائع من عضو رائع جزاك الله كل خير |
رد: تقرير عن اللوجان الجديده من الاخر بالصور
الله يخليك يا باشا و ده من زوق حضرتك
|
رد: تقرير عن اللوجان الجديده من الاخر بالصور
يا سيدى شكراً
بس لو كنت زودت معلومه و لا اتنين او خبر عن العربيه كانت الناس اتفاعلت معاك اكتر |
رد: تقرير عن اللوجان الجديده من الاخر بالصور
اقتباس:
العربيه مفيهاش مقلب سخن ولا اى حاجه يا عم مادا العربيه لسه جديده فى السوق عشان كده حاجتها مش منتشره انما بقت موجوده بره التوكيل غير كده دى عربيه زيرو ومعاك ضمان ودافع تمنه يعنى لازم تستفيد منه وقطع الغيار الاصليه فى التوكيل مش حراقه ولا حاجه الاسعار تعتبر مقاربه لاسعار اى عربيه فى نفس الرينج فى التوكيل يعنى مفيهاش اى مقالب والعربيه مش معقده عشان تبقى محتاجه تروح التوكيل (بس برضه هتروح التوكيل عشان الضمان) وعلى ما ربنا يكرم وتخلص فتره الضمان العربيه بتنتشر بسرعه كبيره جدا وهتلاقى فيه صنايعيه كتير شغالين فيها وقطع غيارها هتبقى زى اللانوس والفيرنا(اكثر عربيتين انتشارا فى الفئه الاقتصاديه)يعنى اللى هيجيبها مش هيتلسع لا من اسعار قطع الغيار الحراقه ولا المقلب السخن بتاع ان قطع الغيار مش موجوده وارجو ان وجهه نظرى تكون وصلتلك يا جميلptmnlo123per122 |
رد: تقرير عن اللوجان الجديده من الاخر بالصور
اقتباس:
يا بوب يا حبيب قلبي انا وجهه نظري في العربيه دي كالتالي : العربيه فرنساوي يعني ليها برستيج عن العربيات الكوري اللي بتتقارن بيها و طبعا خاماتها و تقفيلها افضل 1000000000 مره من العربيات الكوري اللي بتتقارن بيهم و لكن نيجي لموضوع قطع الغيار انا شايف انه اساسي ان قطع غيار االفرنساوي بتبقي اغلي بمراحل عن قطع غيار الكوري و ده عامه و طبعا التكنولوجي في الفرنساوي احدث بمراحل من التكنولوجي الموجود في العربيات الكوري و دي وجهه نظري و عايزك تعلق عليها عشان بحب استفاد منك في مواضيع العربيات الاوروبي و ميرسي علي تعليقك يا بوب |
| الساعة الآن 09:55 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017