مصر موتورز مجتمع السيارات - اسئله عاجله لخبراء الماروتي

مصر موتورز مجتمع السيارات (https://www.masrmotors.com/vb/index.php)

- ماروتى MARUTI (https://www.masrmotors.com/vb/forumdisplay.php?f=196)

- - اسئله عاجله لخبراء الماروتي (https://www.masrmotors.com/vb/showthread.php?t=15365)

اسئله عاجله لخبراء الماروتي

اول سؤال
انا معايا جولييت 2 موديل 99 بس مش مريحاني في التعامل و نفسي اركب زيرو فهل ابيعها و اشتري ماروتي زيرو علما اني من بورسعيد و الجولييت منطقه حره لو اتباعت هتجيب 32000 جنيه بالعافيه فايه رأيكوا في الكلام ده ؟؟؟؟؟؟

تاني سؤال
هي الماروتي طبعا بتنزل من غير اي كماليات فهل ينفع ( لو اشتريتها ) اني اركب فيها عده صوت ( سي دي بلاير و 4 سماعات فقط لا غير ) و طبعا معتقدتش ان ينفع يركبلها تكييف طب لو يبفع هتبقي التكلفه كام بالظبط ؟؟؟؟؟؟؟؟ ده غير السنتر و الازاز الكهربا

تالت سؤال
ممكن حد معاه العربيه يقولي احوالها ايه معاه ؟؟؟؟؟ يعني اخرها كام كيلو في اليوم ؟؟؟؟؟؟؟؟ ايه نظام الصيانه و قطع الغيار مثلا ؟؟؟؟؟؟؟؟؟ هل ليها اعطال مميزه ؟؟؟؟؟؟؟

رابع سؤال
معلش عارف اني رخمت بس عايز اعرف ايه نظام العفشه بتاعتها ؟؟؟؟؟؟؟؟؟؟ يعني براحه في المطبات و لا عادي ؟؟؟؟ و انا كمان سمعت ان مفيهاش مساعدين فهل ده حقيقي ؟؟؟؟؟؟؟؟؟

و طبعا في النهايه بحب اقول ميرسي جدا للردود مقدما و ياريت اي حد يعرف سعرها بالظبط كام يقولي

رد: اسئله عاجله لخبراء الماروتي

اولا : بالنسبة للجوليت 2 مش مريحاك ليه ؟ سعر اعادة البيع بنمر المنطقة الحرة محتاج حد من بورسعيد (بينى وبينك انا بحب العربية دى ) مش حقدر اقيم الرقم انه كويس ولا لا

ثانيا: الماروتى ينفع تركبلها عدة الصوت اللى انت عاوزها بلا ادنى شك وعادى جدا الماروتى عربية بسيطة جدا اى كهربائى يعملك كل اللى انت عاوزه وزيادة

الماروتى 800 سى سى طبعا ينفع يركبلها تكييف بس انت متخيل 800 سى سى حيصفصفه على كام يعنى حتمشى بلعافية وتقريبا بيتكلف من الفين الى الفين ونص(بس مانصحش بيه)لان العربية مش مصممة بتكييف حتحس ان العربية مش متظبطة وصوتها عالى

السنتر مش غالى كبيره بتركيبه 150 ج

الزجاج الكهربا مش عارف التكلفة س مانصحش بي لان الحاجة اللى بتركب فابريقة مهما تحاول وتركب مش حتعيش زيها

ثالثا: العربية منتشرة وبايعه كويس وطبيعة سواقاتك والطرق اللى بتمشى عليها هى اللى تحكم يعنى انت بتحب الجرى والفرك ولا سواقة هادية وحلوة وبراحة فى المطبات واى عربية بتبوظ من الاستخدام بس امتى وازاى دى بتاعة السواق وتحط فى دماغك انها صغيرة كل حاجة فيها فقطعة الغيار بتبوظ اسرع من العربيات الكبيرة

صيانتها وقطع غيارها رخيصة جدا واى ميكانيكى وكهربائى بيشتغل فيها لانها بسيطة

انا ماسمعتش ان لها اعطال مميزة بس العربيات كلما صغرت كلما كانت مشاكل الفشة اكتر لان تجحاوبها مع المطبات اقل نظرا لحجم الياى والمساعدين والمقصات بيكون صغير

رابعا :المطبات مش حلوة اوة يعنى الجوليت احسن بلا ادنى شك

وطبعا براحة جدا فى المطبات زى ماقلتلك فوق

وطبعا فيها مساعدين ادام وورا بس ورا على شداد (مافيش مقصات)

والعربية ب 38,000 اكيد على قد فلوسها مناسبة جدا

رد: اسئله عاجله لخبراء الماروتي

اقتباس:

المشاركة الأصلية كتبت بواسطة بدر بسيونى (المشاركة 95117)

اولا : بالنسبة للجوليت 2 مش مريحاك ليه ؟ كل ما اصلح عيب يطلعلي عيب تاني كأنها متبرمجه علي اظهار العيوب سعر اعادة البيع بنمر المنطقة الحرة محتاج حد من بورسعيد (بينى وبينك انا بحب العربية دى ) مش حقدر اقيم الرقم انه كويس ولا لا هو الرقم كويس بس طبعا هتضطر اكمل 6000 جنيه تقريبا عشان اكمل تمن الماروتي

ثانيا: الماروتى ينفع تركبلها عدة الصوت اللى انت عاوزها بلا ادنى شك وعادى جدا الماروتى عربية بسيطة جدا اى كهربائى يعملك كل اللى انت عاوزه وزيادة يعني الكاسيت مش هيقصر علي اداء العربيه في حاجه ( انا ماشي بالعربيه و الكاسيت شغال ) انا سؤالي ده عشان السحب من البطاريه ؟؟؟؟؟ يعني بطاريه الماروتي زي اي بطاريه عربيه طبيعيه ؟؟؟؟؟؟؟؟؟؟

الماروتى 800 سى سى طبعا ينفع يركبلها تكييف بس انت متخيل 800 سى سى حيصفصفه على كام يعنى حتمشى بلعافية وتقريبا بيتكلف من الفين الى الفين ونص(بس مانصحش بيه)لان العربية مش مصممة بتكييف حتحس ان العربية مش متظبطة وصوتها عالى معاك حق يا باشا

السنتر مش غالى كبيره بتركيبه 150 ج احنا عندنا السنتر بتركيبه بيخش في حركه 600 او 700 جنيه

الزجاج الكهربا مش عارف التكلفة س مانصحش بي لان الحاجة اللى بتركب فابريقة مهما تحاول وتركب مش حتعيش زيها ماشي بلاش من الازاز الكهربا ؟؟؟؟؟؟ يعني بلاش من وحدات الرفع ؟؟؟؟؟؟؟؟؟

ثالثا: العربية منتشرة وبايعه كويس وطبيعة سواقاتك والطرق اللى بتمشى عليها هى اللى تحكم يعنى انت بتحب الجرى والفرك ولا سواقة هادية وحلوة وبراحة فى المطبات واى عربية بتبوظ من الاستخدام بس امتى وازاى دى بتاعة السواق وتحط فى دماغك انها صغيرة كل حاجة فيها فقطعة الغيار بتبوظ اسرع من العربيات الكبيرة اكيد طبعا

صيانتها وقطع غيارها رخيصة جدا واى ميكانيكى وكهربائى بيشتغل فيها لانها بسيطة احنا معندناش منها في بروسعيد اصلا فده اللي مقلقني منها

انا ماسمعتش ان لها اعطال مميزة بس العربيات كلما صغرت كلما كانت مشاكل الفشة اكتر لان تجحاوبها مع المطبات اقل نظرا لحجم الياى والمساعدين والمقصات بيكون صغير اكيد طبعا

رابعا :المطبات مش حلوة اوة يعنى الجوليت احسن بلا ادنى شك اكيد

وطبعا براحة جدا فى المطبات زى ماقلتلك فوق حااااااااااااااضر

وطبعا فيها مساعدين ادام وورا بس ورا على شداد (مافيش مقصات) انا مش عارف موضوع المقصات ده ايه اصلا ؟؟؟؟؟؟

والعربية ب 38,000 اكيد على قد فلوسها مناسبة جدا يعني السعر ده ثابت

الرد في الاقتباس و طبعا مشكور مجهودك الجبار معايا

رد: اسئله عاجله لخبراء الماروتي

سؤال ياباشا.؟؟انت طالما ليك الحق تجيب عربيه منطقه حره يبقى حرام تدفع 38 الف فى ماروتى زيرو ,,خاصة ان بورسعيد ملوك الهوندا ده انت تركب هوندا موديل 90 ولا تركب ماروتى ماروتى موديل 2050

رد: اسئله عاجله لخبراء الماروتي

انا حكلمك اخويا اولا مهما تركب عدة كاسيت وسماعات ايه علاقة البطارية بالكاسيت العربية لما بتدور بتشتغل بالدينامو مش بالبطارية يعنى كاسيت العربية بيشتغل ب 12 فولت لا طبعا ولو الكهربا مش كفاية بتتظبط ماتخافش

ثانيا جزئية ان العربية مش منشرة فى بورسعيد كويس انك ذكرتها (نصيحة من انا اخويا بلاش العربية اللى مش منتشرة عشان قطع الغيار وماتشحطتش نفسك)

وموضوع السنتر نتاكد من الاسعار تانى ليك ياباشا

وانت تامرنى وانا عنيا ليك

رد: اسئله عاجله لخبراء الماروتي

اقتباس:

المشاركة الأصلية كتبت بواسطة moslem2 (المشاركة 95206)

ما المشكله ان مفيش عربيه هوندا موديل تسعينات و حالتها كويسه و اللي حالته كويسه ملاكها بيبالغوا اوي في سعرها
يعني تخيل متوسط سعر الهوندا موديل تسعينات هو 35000 جنيه و المفروض ان العربيه تكون فبريكه و اللي معاه واحده فبريكه بيطلب 43000 45000 جنيه ( اسعار عجيبه )

انا اتلاقيت هوندا موديل 93 ب 37000 جنيه كامله اوتوماتيك و فتحه سقف فيها جنط شجره مقاس 13 ( تخيل الاعاقه ) وفيها طقم صوت عادي ( يعني سي دي بلاير و 4 سماعات بيونير ) و العربيه لما كشفت عليها اتلاقتيها محتاجه طقم شنبر ( يعني 1200 جنيه كده وش )

و اتلاقيت كمان هوندا موديل 95 ب 33000 جنيه ( قولت كويس ) كامله اوتوماتيك من غير فتحه سقف و فيها جنط اسبور ملوش ملامح جيت اتفرج علي المكنه حسيت انها بتتاكل قولت اسمع صوتها و يارتني ماسمعته صوت المكنه كأن في اسد بيزمجر للاسف

قولت مبدهاش ان اشتري كوري و اشتريت الجولييت فبريكه دواخل و راشه نضافه و المحرك ممتاز و العفشه سليمه 100 % و تخيل اشتريتها بكام ؟؟؟؟؟ ب 33000 جنيه يعني فرق حوالي 100000 120000 جنيه عن سعر الهوندا اللي نفسك تركبهالي و للاسف منفعش اركب الهوندا

فعرفت ليه انا عايز اركب ماروتي ؟؟؟؟؟؟؟؟؟؟ عشان اخلص من قرف المستعمل

رد: اسئله عاجله لخبراء الماروتي

اقتباس:

المشاركة الأصلية كتبت بواسطة بدر بسيونى (المشاركة 95207)

انا حكلمك اخويا اولا مهما تركب عدة كاسيت وسماعات ايه علاقة البطارية بالكاسيت العربية لما بتدور بتشتغل بالدينامو مش بالبطارية يعنى كاسيت العربية بيشتغل ب 12 فولت لا طبعا ولو الكهربا مش كفاية بتتظبط ماتخافش معلومه جديده بس مش الكاسيت بيسحب من البطاريه لو انت مشغله و انت واقف ؟؟؟؟؟؟؟؟

ثانيا جزئية ان العربية مش منشرة فى بورسعيد كويس انك ذكرتها (نصيحة من انا اخويا بلاش العربية اللى مش منتشرة عشان قطع الغيار وماتشحطتش نفسك) اكيد طبعا التفكير المنطقي بيقول كده

وموضوع السنتر نتاكد من الاسعار تانى ليك ياباشا ميرسي يا باشا علي تعبك بس انا قررت علي حسب كلامك اني مبعش الجولييت و مشتريش ماروتي

وانت تامرنى وانا عنيا ليك الله يخليك يا رب

الرد في الاقتباس و 10000000000000000 شكر لتعبك معايا يا باشا