مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   مقارنات (https://www.masrmotors.com/vb/forumdisplay.php?f=174)
-   -   افضل سيارة اقتصادية مستعملة فى رينج 50 - 60 (https://www.masrmotors.com/vb/showthread.php?t=15344)

Logic 05-11-2009 11:49 AM

افضل سيارة اقتصادية مستعملة فى رينج 50 - 60
 
السلام عليكم

هدخل في الموضوع علي طول، انا عندي عربية 132 مو 73 ptmnlo123per1127

و بفكر اغير بقي لحسن الظاهر مش هيتبقي غيري سايق 132 ...

و كمان خايف من قانون الاحلال بعدين الاقي نفسي انا و عزيزة (عربيتي !!) في الشارع...

كنت عايز اعرف لو بعت العربية هتجبلي كام..و انا بادور علي مستعمل في حدود 50-70 الف...

يعني لو 50 هيبقي افضل بس كل ماتزيد هتبقي اصعب عليا...بس اخري 70 الف جنيه...

نفسي ف عربية تكون مو 2005 فيما فوق و تكون موفرة ف البنزين و فيها كل الكماليات اللي انا محروم منها...و طبعا قطع غيارها في الحنين...

و انا مش بتاع سواقة سريعة و غرز و كده...

انا كنت فكرت في نوبيرا و لانوس و ماتريكس و لانسر ( فيرنا لأأأأأأ)

برجاء الافادة...

و شكرا لاهتمامكم

hazem_khidr 05-11-2009 12:38 PM

رد: القاهرة
 
اهلا و سهلا بيك
يصعب عليا اوي ان زمن ال 132 يعدي :(
و يتقال عليها نفس الكلام اللي كنا بنقوله عن ال 1300 من 20 سنه
بس يالا دوام الحال من المحال.
بالنسبه للمبلغ بتاع حضرتك ممكن تشتري لانسر مكواه موديل 2003 نضيفه جدا
و فابريكه بره و جوه و شاذه ب 65 الف جنيه
و ممكن اقل من كده كمان لو حالتها مش نمره واحد
و ممكن تجيب لانسر كريستاله نفس الحاله موديل 98 ب 50 الف او ازيد شويه.
دول العربيتين الناسبين ليك علشان ما تحسش انك نزلت من ال 132 و ركبت عربيات اصغر منها اوي.
عندك كمان تويوتا كورولا موديل 2003 ممكن تعمل في نفس الحدود ال70 الف او اعلي شويه
.........
بالنسبه لل 132 لو جابت 10 او 12 الف جنيه بيعها و ما تترددش
و رحم الله رجلا سمحا اذا باع و اذا اشتري
لما حتبقي سمح في البيع و تعرف المشتري بكل عيوب العربيه
ربنا حيكرمك بعربيه ممتازه ان شاء الله و صدقني

Logic 05-11-2009 01:16 PM

رد: افضل سيارة اقتصادية مستعملة فى رينج 50 - 60
 
اشكرك جدا يا استاذ حازم علي سرعة ردك...و لو انك صدمتني ...

انا كان عندي امل تجيب 15 الف :cry2W9:

طب علي كده لو بعتها كمان 5-6 شهور هترخص اكتر ؟؟

راجع نفسك ارجوك ... بلاش تحطمني اكتر من كده ههههههههههههههه ( انا بهزر)

طب بالنسبة للماتريكس ايه الوضع؟؟ لو مو 2006 مثلا، ممكن تعملها 60-65 ؟؟ مانيوال طبعا

مع العلم انا لسه في مرحلة تفكير لاني بجهز نفسي للجواز...ف مش ناقصة يعني

و اشكرك مرة اخري لردودك السريعة مفيدة

hazem_khidr 05-11-2009 02:00 PM

رد: افضل سيارة اقتصادية مستعملة فى رينج 50 - 60
 
صعب اوي 15 الف لان ال2000 منها بسمع فيها 15 و 18 الف
و ال اس عموما عربيه مش مطلوبه
دا انا بتكلم كمان لو عربيتك نضيفه انما لو حالتها تعبانه حتقل عن كده كمان
.بالنسبه للماتريكس ال 2006 تعمل في حدود 65 الف لو فول اوبشن و كامله اتوماتيك
و حالتها جيده جدا مش ممتازه

pro mada 05-11-2009 04:53 PM

رد: افضل سيارة اقتصادية مستعملة فى رينج 50 - 60
 
اشمعني عايز تشتري مستعمل ؟؟؟؟؟؟؟؟؟؟
و الله وجع قلب علي الفاضي و اسأل مجرب
انت ممكن تشتري فيرنا او لانوس ( انا حاسس انك مبتميلش للعربيات دي )
بس اسمك راكب زيرو يعني مفيش مصاريف
و قطع غيارهم رخيصه نسبيا و متوافره اوي اوي
و طبعا الصيانه سهله جدا بره التوكيل
ده وجهه نظري المتواضعه
و طبعا شكر خاص لحازم باشا علي نصايحه الغاليه

Logic 07-11-2009 10:28 AM

رد: افضل سيارة اقتصادية مستعملة فى رينج 50 - 60
 
صح يا بشمهندس محمد، انا مش ميال للانوس او فيرنا لانها منتشرة اوي...و انا نفسي لما اغير اغير في حاجة احسن و مش محروقة اوي ..
انا كنت بفكر في اللانوس الول و بعدين من قرايتي هنا في المنتدي و اراء الناس جالي انطباع انها مش احسن اختيار و ان مستعمل ياباني (استعمال نضيف) احسن من كورى زيرو...

اما ليه عايز اجيب مستعمل...عشان سعرها بيقل 10-15 و ممكن الاقي حاجات فيها معقولة و حالتها جيدة جدا زي مثلا ماتريكس اللي استاذ حازم قال عليها ... و انا مش هتفرق معايا انها مش موديل السنة انا بقالي 6-7 سنين سايق موديل من ايام حرب اكتوبر...

انا بس كل خوفي اني الاقي نفسي ببيع عربيتي ب بلاش خصوصا مع موضوع احلال الملاكي...

اشكركم جدا انكوا بتردوا عليا و بتدوني ارائكم...

علي راي عضو من الاعضاء قال: انا اتكعبلت في الموقع ده بس كانت احلي كعبلة.... فعلااااااااااااااااا

ربنا بقويكوا دايما علي فعل الخير....

شكراااااااااااااااااااااا ا جزيلااااااااااااااااا

a7lahamada 07-11-2009 11:05 AM

رد: افضل سيارة اقتصادية مستعملة فى رينج 50 - 60
 
ال 132 مستعملة 2000 سي سي تتباع بي 18 الف ج واحد صاحبي عندوا السيارة ولسة بيعها وانا ارشحلك ميتسوبيشي لانسر او تويوتا كورولا متعملين هيتكون زي الفل


الساعة الآن 04:13 AM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017