سيارة BYD الصينى
 

يا ترى يا جماعة حد عرف حاجة عن السيارة ديه ال هى BYD الصينى لانها بصراحةشكلها رائع وبتتمتع بوسائل امان زى الايرباج وخاصية ABS - ABD وكمان سعرها رخيص بيعمل حاولى 70 الف مصرى بس فلو حد جربها او عرف عنها يقول لى بسرعة علشان لو كدة انا بفكر اجيبها

رد: سيارة BYD الصينى
 

أخي الحبيب هي سيارة جيدة حسب ما قرأت عنها ولكني لم أركبها أوأجربها
لكي تحصل على إجابات يمكنك الدخول لمنتدى الصيني العام فقط أتبع هذا الرابط

رد: سيارة BYD الصينى
 

مشكور على الاجابة وانا فعلا عرفت انها عربية جميلة جدا ومتوفر فيها وسائل امان جميلة وتتمتع بشكل جميل وانا قررت انى اشتريها فول اوبشن بس للاسف ما فيش منهااتوماتيك

رد: سيارة BYD الصينى
 

بلاش منها الصيني كله مشاكل
و ده رأيي و وجهه نظري المتواضعه

رد: سيارة BYD الصينى
 

العربية مش انتشرت في مصر بكمية كبيرة اوي يعني عددها محدود الي حد ما ورأي بنفس السعر ممكن تجيب حاجة احلي معروفة والراي الاخير لييك

رد: سيارة BYD الصينى
 

شكرا لجميع الاعضاء بس انا بدور على عربية يكون سعرها كويس وكمان يكون فيها وسائل امان زى الايرباج وال ABS - Ebd وتكون فول اوبشن ومش شرط اتوماتيك بس لاسف انا كانت هجيب هيواندى جيتز اتوماتيك ولكن ما فيش فيها اى وسائل امان للاسف لان غبور باشا ربنا يكرمه شايل منها وسائل الامان

رد: سيارة BYD الصينى
 

العربية موجود منها اتوماتيك فول اوبشن فى معارض شركة الامل
والعربية فعلا محترمة جدا

و كمان فى عربية Geely Mk نفس السعر تقريبا و برده فول اوبشن
حاول تبص عليهم الاثنين

لو محتاج عنوان او تليفون التوكيلين انا تحت امرك