كيا برايد ولا سكودا فيليشيا
 

المقارنة ديه من اوائل المقارنات والموضوعات اللى عملتها فى منتدى أخر وكانت بناء على سؤال عضو عن ايهما افضل الكيا برايد ولا السكودا فيليشا على اعتبار ان السياراتين فى نفس متوسط الاسعار فى سوق المستعمل

--------------------
الرد


مبدئيا فيه نوعين دلوقتي في مصر من البرايد
الاول ( البرايد العصفورة )
وديه تصنيع وتقفيل كوري موتور الف سي سي كاربراتير ومن حيث الهيكل فهي هاتش باك كمالياتها ( تكييف وسنتر وكاسيت ) فقط

الثاني ( البرايد السيدان SABA )
وديه موتورها 1300 سي سي SOHC مزود بحاقن الكتروني متعدد النقاط من سيمنز ونصف كماليات ( تكييف وسنتر وزجاج امامي وزجاج حراري وستوب وامان ابواب للاطفال وكاسيت )

اما Skoda_Felicia
فهي صناعة تشيكي ( وديه من اقدم الشركات في العالم بقالها 100 سنة بتصنع سيارات والشركه اصلا اسست في 1890 بس كانت بتعمل عجل !!) لاكن بتكنولوجيا واشراف الماني متمثل في شركة فولكس فاجن

الفليشيا فيه منها نوعين برضوا الاول موديلات من 95 حتي 98 والثاني من 98 ل 2001
الاتنين ليهم نفس الشكل ما عدا الشبكة الامامية والفوانيس الفرق بينهم ان الاقدم موتورها مذود بكربراتير
اما الاحدث فمذوده بحاقن الكتروني متعدد النقاط MPI من شركة سيمنز ( كما هو في البرايد سابا)
محركها 1300 سي سي OHV وده اقدم في التكنولوجيا من محرك البرايد وان كان اقل تعقيدا عامة ( ما عدا ظبط التاكيهات فيه )

عشان كده صعب المقارنة بين العصفورة والفيليشيا يبقي هنظلم العصفورة بس ممكن نقارنها بالسابا عشان السعة اللتريه وتكنولوجيا الحقن واحده بس برضوا صعب اقارن ما بين مستعمل وجديد

خليني اقولك بصراحة و باختصار الفيشيا تتفوق علي البرايد في الاتساع الداخلي ( قاعده عجلاتها اكبر وتصميمها الداخلي ارقي )اقرب للبولو والجولف
جوده وخامات واعتماديه افضل في الفليشيا ( سكودا عملاق صناعي قديم وفولكس فاجن بيشرف وبيصمم وبيضمن الجوده )

لاكن تتفوق البرايد في اقتصاديه التشغيل واستهلاك البنزين ورخص وتوفر قطع غيارها وعلي العكس السكودا قطع غيارها غاليه جدا وغير متوفرة واللي بيشتغلو فيها قليلين ده بالاضافة لسعر اعاده البيع
( سعر البرايد سنة 97 كان 25 الف جنية بس ربنا كرمها ووصل سعرها ل 35 كمتوسط علي العكس السكودا سعرها كان غالي جدا ايامها بس معرفش كام ونزل دلوقتي ل 35 كمتوسط )

انت عارف المقارنة ديه شبة مقارنة ال 128 والفولكس بيتلز

يعني بالهاجايص كده البرايد بنت حلال وعلي قد الايد ( زي ال 128 )
السكودا بنت ناس زوات وعايزه معاملة خاصة تليق بنسبها الرفيع زي بنت خالتها البولو

يا رب اكون عرفت اوصل المعني
موقع سكودا فيليشيا
http://www.skoda-felicia.net/index.php?sprachwahl=en
اخوك وائل مجدي ( ابو نورا )

رد: كيا برايد ولا سكودا فيليشيا
 

رد: كيا برايد ولا سكودا فيليشيا
 

اسلوب جميل عجبني اكتر من المقارنة نفسها

رد: كيا برايد ولا سكودا فيليشيا
 

تحفه من تحف ابو نورا لسه اول مره اشوفها حالا:)
اسلوب بسيط و متميز دائما يا ابو نورا
شكرا لك:)

رد: كيا برايد ولا سكودا فيليشيا
 

موضوع رائع بجد و معلومات قيمه جدا

رد: كيا برايد ولا سكودا فيليشيا
 

حلوة اووووووى
الكيا ع فكرة
اسلوبك حلو اوى فى السرد
متميز

رد: كيا برايد ولا سكودا فيليشيا
 

شكر وتقديرمشكور لعرضك المفصل