صوت تكة عند العجلة اللي قدام يمين
 

عندي في العربية بيحصل صوت غريب لو ضغطت أو رفعت رجلي بسرعة من علي الدبرياج أو البنزين
لازم أرفع أو أضغط ببطء
و الصوت تحس أنة صوت حاجة تقيلة بتتحرك
يعني تحس أنها بتروح في اتجاه معين لو رفعت الدبرياج أو ضغطت البنزين و العكس لورفعت البنزين أو ضغطت دبرياج
الكلام ده لو رجلك بتتعامل مع الدواسات بالسرعة العادية اللي بنسوق بيها
لو هديت حركة رجلك متسمعش حاجة
و الكلام ده واضح علي اللأول و التاني و معتقدش أنه موجود علي الرابع و الخامس
و مبيحصلش خالص مع دواسة الفرامل
ياريت حد يقوللي ده صوت أيه بالظبط
مش فاكر مين قاللي ان الموتور عايذ يتربط
ده صح ولا لا
العربية فيات تيبو 93

Re: صوت تكة عند العجلة اللي قدام يمين
 

دى غالبا صليبة كردان لو الجر خلفى

ولكن فى الجر الأمامي غالبا اسطوانة

وعموما ده بوش فى ميكانزم نقل الحركة من الموتور الى العجل ولكن لا أظن أن هناك مشكلة فى المحرك نفسه

وطبعا بيظهر على الغيار المنخفض لأن العزم بيكون أكبر

رد: صوت تكة عند العجلة اللي قدام يمين
 

بلية اسطوانة الدبرياج عاوزه تتغير ! و ده صوت رزعة أو التصاق اسطوانة الدبرياج بالجزء

المقابل من الموتور لضعف سوستة البليه ! " والله أعلم "

Dr. Bolbolan ptmnlo123per122

رد: صوت تكة عند العجلة اللي قدام يمين
 

طب مش ممكن تكون صليبة الكوبلن؟

Re: صوت تكة عند العجلة اللي قدام يمين
 

مفيش حاجة اسمها صليبة الكوبلن الله يكرمك

رد: صوت تكة عند العجلة اللي قدام يمين
 

غالبا اسطوانة او بلية الدبرياج

رد: صوت تكة عند العجلة اللي قدام يمين
 

شكرا يارجالة علي الردود
بس طقم الدبرياج بالبلية ده كله مبقالوش 3 شهور
بس برده في نقطة هنا أني ملقتش الطقم بتاع التيبو فركبت بتاع 128
ممكن يكون ده السبب ولا اية
والعربية أمامي طبعا
و ايه احتمال أنها تكون بيضة المقص