تويتا ياريس هاتشباك
 

السلام عليكم
يا جماعة كنت بسال عن

تويتا ياريس هاتشباك

هل بتتباع في مصر و سعرها و عيوبها و مميزاتها بالمقارنة مع

هيونداي I10

انا عايزاكم تنصحوني بسيارة كويسة و متتعبنيش في السواقة

رد: تويتا ياريس هاتشباك
 

الياريس الهاتش باك موجود منها في مصر بس مفيش منها موديل السنه
و طبعا لا وجه للمقارنه بينها و بين ال اي تن
فقولي احتياجاتك و استخداماتك للعربيه و انا هرشحلك عربيه مناسبه ان شاء الله

رد: تويتا ياريس هاتشباك
 

انا عايزة عربية كويسة تكون في حدود 55 -70 الف جنية مصري

رد: تويتا ياريس هاتشباك
 

خليكى فى المضمون وهاتى فيرنا او لانوس زيرو وهتبقى راكبه عربيه جديده زيرو انتى ممكن تكونى بتدورى عالتمييز وتقولى الناس كلها راكبه فيرنا ولانوس لكن العربيتين دول قطع غيار متوفره وسعرها معقول وصيانتها سهله وصالون والشكل معقول لكن الياريس طبعا يويوتا بس صغيره جدا خاصة الهاتشباك وسعرها ده كتير عليها جدا انا سوقتها مره وحسيت فعلا انها صغيره جدا خاصة مساحة الزجاج الخلفى ومساحة الارجل سواء الاماميه او الخلفيه واى خبطه فيها لاقدر الله من قدام هتضيع وش العربيه والمكنه كلها لان الرفارف بتاعتها من كتر ماهى صغيره زى مايكون مفيهاش رفارف والاكصطدام الامامى عباره عن نص وش العربيه من كتر صغر حجم الكابوت والرفارف ونفس الوضع فى الهيونداى I10 فخليكى فى الفئه الاكبر حتى الاير باج الى فى الياريس مش نعمه لان تمنها فى التوكيل 25 الف ,,, ولو عاوزه الحجم ده فالمبلغ ده يجيبلك برودوا اتوماتيك والناس كلها بتشكر فيها وقطع غير ببلاش وربنا ييسر لك الخير

رد: تويتا ياريس هاتشباك
 

الكيا بيكانتو ان شاء الله مناسبه لحضرتك

رد: تويتا ياريس هاتشباك
 

انا برشح لحضرتك العربيات دي

رينو لوجان مانيوال كامله ب 67000 جنيه

شيفروليه لانوس مانيوال كامله ب 70000 جنيه

فيات بونتو مانيوال كامله ب 70000 جنيه

كيا بيكانتو مانيوال و اوتوماتيك كامله ب 63000 و 70000 جنيه علي الترتيب

هيونداي اي تن مانيوال و اوتوماتيك كامله ب 64000 و 72000 جنيه علي الترتيب

هيونداي فيرنا مانيوال و اوتوماتيك كامله ب 68000 و 75000 جنيه علي الترتيب

هيونداي فيفا مانيوال كامله ب 67000 جنيه

و ارجو ان اكون قد افدتك و لا تنسي صلاه الاستخاره