مستقبل مصر في صناعة السيارات
 

رد: مستقبل مصر في صناعة السيارات
 

انا بحلم باليوم اللي نلاقي فيه عربية صناعة مصرية 100% بدأ من التصميم لحد الموتور حتى اسم العربية يبقى اسم عربي... انا كان معايا 128 ودلوقتي معانا اكسيل و نيسان صني... و للمصادفة التلات عربيات دول تقفيل مصري... طبعا دي مصادفة بس اتمنى الاقي في يوم عربية صناعة وطنية
انا نفسي نعدي مرحلة التجميع اللي وقفنا عندها من الستينات ايام الرمسيس و الـ1100 مرورا بال128 والشاهين واللادا
اعتقد الخطوة المفيده دلوقتي عشان احنا فاتنا القطر اننا نشتري تكنولوجيا... اعتقد ده هايقصر المشوار كتير... زي ما الحكومة الماليزية ساهمت في شركة برتون وكانت النتيجة ان بروتون الماليزية اشترت لوتاس البريطانية... واعتقد النتيجة كانت مبهرة... ان العربيات البروتون كله بيشهد بكفاءتها...
برضو شركة تاتا الهندية اشترت جاجوار "على ما اعتقد" وبرضو نفس الفكرة... تاتا دلوقتي بتستعد انها تغزو العالم بالـ"تاتا نانو" ارخص سيارة في العالم
ليه احنا مانعملش كده؟؟؟ احنا مش ناقصنا اي حاجة عندما عقول و ناس بتفكر... وشعب بيحب العربيات
وعلى فكرة انا قريب عرفت ان المغرب بتصنع "سوبر كار" اسمها "براق" اعتقد انها بالتعاون مع شركة عالمية بس انا ماعنديش معلومات كتير عنها بس كفاية انها تصميم مغربي واسمها "براق"
اتمنى من كل القائمين على الصناعة في مصر انهم يحطوا الموضوع في دماغهم شوية عشان احنا نستاهل نبقى احسن من كده

رد: مستقبل مصر في صناعة السيارات
 

السلام عليكم
والله يا أخي حلم جميل بدأ من زمان ولكن للأسف ضاع الحلم

ولكن سوف يأتي اليوم

عندما يستقيل الوزير المصري عند حدوث خطأ
و عندما تصبح قرارات الوزير بناء على ما تقتضيه المصلحة العامة و مصلحة الشعب
وعندما يكون هم اي وزير الاول هو رضاء الله و ارضاء الناس وراحتهم

وعندما تصدر القرارات بناء على رغبة الشعب وليس حسب توجيهات ......

وعندما يكون امن الوطن كل الوطن اهم من اي اتفاقات دولية و مصالح رجال الاعمال

وعندما يكون موقع المحطة النووية اهم من اي مشاريع سياحية فندقية

وعندما ......

عندها سوف يخرج رئيس وزراء مثل مهاتير محمد او رجب اردوغان

هؤلاء الرجال سوف " ينبهون الناس ويرفعون الالتباس يفكرون بحزم ويعملون بعزم ولاينفكوا حتى ينالوا ما يقصدون " مثل ما قال عبد الرحمن الكواكبي

يومها سنفخر جميعا ليس بالسيارة المصرية فقط ولكن بالعلماء والاطباء والمهندسين والسياسين العرب والمسلمين والمصريين


يومها بس نكون امة محترمة في كل شئ


يارب

رد: مستقبل مصر في صناعة السيارات
 

اعتقد صعب جدا تبقى فى عربيه مصرى 100 فى 100
المنتجين فكروا عندنا انهم يعملو اهم جزء فى العربيه الماتور بس كانت نتيجة الدراسه
انهم لازم يوزعوا منه 3 مليون موتور سنويا عشان ميخسروش وطبعا السوق المحلى عمره ما هايستوعب الرقم ده سنويا ولانهم عارفين ان المنافسه مع الشركات العالميه هتبقى صعبه جدا
او يمكن علشان العمليه دى محتاجه مجهود كبير وهما كده كده شاغالين كويس فيبقى كبر دمغاك ( عاده مصريه حاليه زى الزفت ) ومن اجمالى ما تقدم صرفوا نظر عن تصنيع ماتور مصرى

رد: مستقبل مصر في صناعة السيارات
 

على فكره و عايز اللى يحكمنا عمر بن الخطاب لازم يكون فينا على ابن ابى طالب وعثمان ابن عفان وغيرهم من الصالحين
العيب مش فى الحكومه العيب فى الشعب لو انصلحنا هايحكمنا اصلحنا

رد: مستقبل مصر في صناعة السيارات
 

لو بقي الشعب زي زمان واحترام العادات والتقاليد واتباع التعليمات هنبقي متحضرين اما مثلا تيجي تقولي قانون المرور الجديد عمل اية ولا حاجة الزحمة زادت تعالي كدة امشي في شوارع القاهرة الساعة 3 او 4 او 5 وقولي هتشوف اية هتلاقي عبارة عن سيارات لم تتحرك بداية من ميدان التحرير وكوبري اكتوبر والمحور والدائري عند كارفور الدنيا بقت زحمة جدااا دي نقطة والنقطة التانية السرعة زي ما هي لية لان واحد مثلا كان بيجري اتمسك رادار دفع كام 100 ج وعدت هيجري تاني وتالت ورابع الحاجة الوحيدة الي قلت مش انعدمت هي السير عكس الاتجاة علشان دي الغرامة بتعتها تقيلة 1300 ج كتير راحت الناس خافت طيب لية السرعة متبقاش كدة والا الميكروباصات عادي جداااا بيقفوا علي مطالع الكباري وفي نص الشوارع الحياة بعربية في مصر او مواصلات مستحيلة ما عدا يوم السبت والجمعة البلد بتكون فاضية يا جماعة احنا لو غيرنا السلوكيات بتاعتنا هنبقي احسن كتير بس دا يجي ازاي لحد دلوقتي اللة اعلم دا السوال المطروح علي مصر كلهاا ازاي نتغير ونفكنا من الحوارات الي احنا بنعملها دي يعني مثللا حصل قدامي سواق تكسي قديم خبط عربية في ميدان التحرير BMW انا بصراحة الموقف شدني عايز اعرف هيحصل اية تخيلوا واحد مشتري عربية ب اكتر من نص مليون جنية والتصليح الخبطة هيكلف اكتر من 20 الف الناس عمال تقول هتقبل العوض ومش العوض والكلام دة افرض سواق عليها هيضيع والمشكلة ان سواق التكسي غلطان كسر الاشارة وخبطها والظباط بيقولي خلاص يا بية قدر ولطف خيرها في غيرها يعني اية حد يفهمني هذة تكون حال السواقة في مصر ام الدنيا وهكذا يكون المرور

رد: مستقبل مصر في صناعة السيارات
 

اللى انت بتقولو ده بيثبت ان احنا شعب مبيمشيش عدل الا بالعصايا للاسف
نفسى اعرف ليه كل واحد مايمشيش عدل احترااااااااااااااااااااا ااااااااما لنفسه لانه بنى ادم يعيش مع بنى ادمين
هاقولك على حاجه يمكن تستغرب منها فى هولندا لما الكلب بيشوف الاشاره حمرا مابعديش !!!!!!!!!!!!!!!!!!!!!!!!!
بعكس المصريين هناك سمعتهم مش اد كده يكفى ان بيتقال عليهم همج