|
بيرسونا ولا سيراتو
انا بفكر في البيرسونا بشكل جدي عشان بصراحه عربيه جميله جدا وكنت ناوي اجيبها الفول اوبشن بس لما دخلت المنتدى لقيت في بعض الناس بتقول انها مش كويسه ومع العلم انا بفكر في السيراتو بس اقل فئه فيها المانيوال مع اني بكره سواقه المانيول بس العربيه بصراحه بتشد الي يشوفها وماسمعتش عنها حاجه العربيه دي فا ياريت تساعدونا يا رجاله والف شكر ptmnlo123per1127
|
رد: بيرسونا ولا سيراتو
هو كجوده فبالتاكيد السيراتو تتفوق علي البيرسونا بفارق ملحوظ
لكن لو انت مش بتحب المانيوال يبقي هات الاتوماتيك اللي تريحك السيراتو انا ما سمعتش عنها حاجه لحد انهارده غير انها خفيفه علي الطريق شويه و الكلام دا من بق واحد سواق و فاهم كويس اوي في الجري بس برضه مش مقياس اما البيرسونا فبصراحه انا لما شفت تقيل الجين 2 اتعقدت لاني بلاقي الصالون بينهار بسرعه غريبه نتيجه لعدم جوده الخامات فيها |
رد: بيرسونا ولا سيراتو
بص يا باشا لو معاك تجيب السيراتو يبقي احسن لانها فعلا عربية حلوة وبعدين الانتشار الكبير الي حصل فيها هيخلي قطع غيارها متوفرة بكثرة وفي اي مكان وسعر اعادة البيع هيكون كويس لانتشار السيارة علي عكي البرسونا مش منتشرة و قطع غيار مش موجودة غير في التوكيل وبعدين في موديل في السيراتو اتوماتيك بيزيد 5 الاف جنية عن المانويل بس خليجي
|
رد: بيرسونا ولا سيراتو
هوه طبعا فى فرق ومينفعش نقارن بين الاثنين
السيراتو عربيه محترمه والناس كلها بتشكر فيها هى مع واحد صاحبى ومبسوط منها جدا ومعها المانيوال اما البيرسونا فعن تجربه عربيه محترمه جدا بالنسبه لسعرها ايضا التوكيل فيه ناس محترمه وعن تجربه فلو حضرتك مقتنع العربيتين و نفسك فى الاتوماتيك توكلعلى الله وهات البيرسونا ومع شويه محافظه واهتمام هتعيش معاك وربنا يوفقك للخير |
رد: بيرسونا ولا سيراتو
انا انصحك تجيب بيرسونا فالسيارة اعتماديتها عالية ثباتها غير مشكوك فيه وعيوب التقفيل فى الموديلات الحديثة تلاشي تقريبا وطبعا سعرها ممتاز
|
اقتباس:
انا معايا البيرسونا والعربية ماشاء الله تحفة .. وده مايمنعش ان السيراتو عربية محترمة جدا لكن فرق السعر كبير أوى و مبالغ فيه وأعتقد ان اللى عامل فرق السعر ده التوكيل مش أكتر .. لأن البيرسونا بتتباع فى دول الخليج بسعر الكورولا والمازدا3 على مااعتقد .. لكن التوكيل عندنا ظالمها أوى فى الدعاية وفى المقابل توكيل كيا رافع فى أسعار الكيا عمومًا ... ده رأيى ... ولكن لا تنسى الإستخارة قبل ماتشترى وربنا يوفقك لما فيه الخير وعلى فكرة فى حاجة كمان : ماتنساش إن ماليزيا دولة مسلمة وصناعتها محترمة جدا ونفتخر بيها وياريت نشوف مصر فى يوم من الأيام زيها |
رد: بيرسونا ولا سيراتو
انا بحب البرسونا و الجين تو بس بصراحه نظلمهم لو قارناهم بالسيراتو
لو تعرف تجيب اول فئه اوتوماتيك فى السيراتو اتكل على الله و ربنا يباركلك مقدماً ولا تنسى الإستخاره |
| الساعة الآن 02:17 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017