تعالوا نعمل جدول
 

عندي فكرة مش عارف ينفع ننفذها ولل لا
شفت كام موضوع في الموقع متعلقين بالصيانة و التصليح لقيت في الردود أن في ناس عندها خبرة جامدة جدا و في ناس يعني نص نص
فممكن كخدمة من الناس اللي فوق يعملوها للناس اللي تحت نشترك كلنا في عمل جدول يربط الأعراض اللي بتظهر في العربية بالأعطال اللي ورا الأعراض دي
يعني مثلا واحد يكتب التلت أعراض دول يبقي العطل ده
و لما العدد يزيد نفهرس الكلام ده
الأعراض أ ,ب ,س يبقي العطل 3
الأعراض ب ,ت يبقي العطل 5
يعني نعمل جدول علاقات
الأعراض و الأعطال
و ممكن نعمل نسخة محدودة للعلاقات الأكيدة فقط
و نسخة عامة كل المستويات تكتب فيها
وياسلام بقي لو و احد مننا يكون ليه في البرمجة و الفيجوال بيسك و الكلام ده و نعمله برنامج
تختار الأعراض يطلعلك الأحتمالات
أيه رأيكوا ياجماعة

رد: تعالوا نعمل جدول
 

فكره كويسه يا مي2
اشكرك علي رأيك بس انا حاليا ماعنديش اي دماغ اني انفذ معاك اي حاجه
مشغول شويه في كام حاجه كده
يا ريت تبسط ليا لافكره شويه

رد: تعالوا نعمل جدول
 

الفكرة بسيطة
و المجهود الأكبر بيدأ لما نعمل صفحة كل واحد يكتب فيها العطل اللي قبله كانت أيه أعراضه بالظبط
و الصفحة دي تتملي,ساعتها مجموعة من البشر تاخد الكلام ده تحوله لجدول لأننا هنلاقي أعراض كتير مشتركة بين أكتر من عطل و العكس
و أنا هحاول أعمل حاجة علي الورق للي في دماغي و أرفعهولكم

رد: تعالوا نعمل جدول
 

و متشكرين يامعلم علي مشاركتكptmnlo123per154

رد: تعالوا نعمل جدول
 

فكرو حلوة مشكور ياباشاء

رد: تعالوا نعمل جدول
 

شكراً يا مى وانا اقدر اساعد بالبرمجه بس لسه برضو الفكره مش واضحه

رد: تعالوا نعمل جدول
 

متشكر أوي ياجماعة علي الردود و الأهتمام
الفكرة ببساطة عبارة عن مستند أو برنامج صغير نعمله للي بتظهرله مشاكل في عربيته
المستند ده فيه المشاكل اللي ممكن تظهر زي السخونة و الصوت العالي و السحب الضعيف و استهلاك البنزين و الزيت العالي و الدخان من الشكمان و الأهتزازات و الرجة و و و
الكلام ده مترتب بطريقة منظمة بحيث أنك لو حددت اللي ظهر منها عندك يقوم يطلعلك احتمالات الأعطال زى وساخة الكربيراتير, سدة أو خرم الشكمان أو الحاجة لظبط التاكيهات أو تأكل أسطوانة الدبرياج أو أو أو
يعني مثلا أنت لو دخلت علي موقع أنتل مثلا هيطلعلك صفحة للبروسيسورات فيها مربع في الأمكانيات بتاعت البروسيسورات
بتختار منها اللي أنت عايزه يطلعلك البروسيسور اللي يحقق متطلباتك
بس طبعا عشان حاجة زي دى تتعمل و يكون شكلها محترم لازم تحتوي علي أكبر عدد ممكن من الأعطال و أعراضها
و تكون العلاقات بينهم دقيقة و صحيحة
و في المنتدي ده ناس كتير فاهمة كويس ممكن يكونوا هما النواة بتاعت الموضوع ده