سؤال اتحدى به جميع اعضاء مصر موتورز؟؟
 

السلام عليكم ورحمة الله وبركاته

هنالك شخص سالني ولم اعرف الاجابة واتحدى اي شخص يعرفه

بس هو مش عربيات ...

السؤال

3دخلو محل يشترو منبه ب30جنيه اشتروه

كل واحد دفع 10جنيه

ام جه الراجل صاحب المحل قل الواد المنبه ب25 رجع ليهم الخمسه

ف الواد ضرب 2جنيه في جيبو ورجع 3جنيه 1جنيه لكل واحد

كده كل واحد دفع 9

طيب 3x9=27
27+2=29 الجنيه راح فين

رد: سؤال اتحدى به جميع اعضاء مصر موتورز؟؟
 

المفروض تقول 27 -2 ( اللي الواد ضربهم في جيبو) يا باشا مش( +) يبقي كده سعر المنيه 25 اللي ادفع فعلا
لانهم كده الواد حاسبهم علي انه ب 27 و هو في الاصل تمنه 25 فرق ال 27 من 25 الاتنين جنيه
اللي الواد ضربهم في جيبو
و ترجع بقي و تقول هما دفعو 27 و تزودلهم ال 3جنيه اللي رجعلهم يبقو 30
اصل انا كنت علم رياضه :HAPPY_~211:

رد: سؤال اتحدى به جميع اعضاء مصر موتورز؟؟
 

المنبه الواد قال ب 30 وهو ب 25

فا اما جه صاحب المحل قال للواد رجع الخمسه جنيه

الواد ضرب2 ورجع 3 1جنيه لكل واحد

فلو حسبناها 3×9=27 زائد 2 اللي ضربهم الواد 29

راح فين الجنيه ميهمنيش هو بكام

رد: سؤال اتحدى به جميع اعضاء مصر موتورز؟؟
 

ما انا عارفه انه مايهمكش تمنه ما حضرتك مش هاتشتريه
بص يا دكتور
دلوقتي المبلغ المدفوع الاول هو 30 جنيه تمام كل واحد 10 جنيه
و بعدين كل واحد استرد 1 جنيه
يبقي التمن المدفوع دلوقتي 27 جنيه
ماينفعش تزود الاتنين جنيه علي ال 27 اصلا
ماينفعش
لانك لو قولت 27 - 25 هايطلع 2 جنيه المضروبين في جيب الواد
انا كده بعيده عن ال30 جنيه خالص
انا دفعت 27 جنيه و المفروض انه ب 25 جنيه
و انا دفعت 30 رجعلي منهم 3 جنيه يبقي اللي دفته 27 جنيه
و المفروض ان كان يرجعلي 5 جنيه يبقي الاتنين جنيه اللي
هما اللي راحو فين
راحو في جيب الواد
حضرتك معايا ؟؟؟

رد: سؤال اتحدى به جميع اعضاء مصر موتورز؟؟
 

اصل لو في غلط في العمليه الحسابيه نفسها يبقي لازم يطلع عندك يا عجز يا زياده

السؤال هنا : انا ازاي اضيف 2 جنيه ل 27 جنيه اذا كان ال 2 جنيه دول اصلا داخلين ضمن ال 27
انا كان بعد ما دفعت 30 جنيه ادولي 3 جنيه ( يعني انا دلوقتي في ايدي 3 جنيه ) ( نخليهم علي جنب )

كان المفروض بعد الخصم اللي الراجل عملهولي ادفع 25 جنيه اضحك عليه و دفعت 27 جنيه
يعني فيه فرق 2 جنيه اللي الولد اخدهم ( يعني ال 2جنيه من 27 جنيه ) يعني نطرررررررررررح
مش نجمعععععععع.ptmnlo123per1 11
يبقي اقول بقي 27 جنيه 25 جنيه منهم تمنه الاصلي + 2 جنيه الواد ضربهم في جيبو = 27 جنيه +3 جنيه اللي في ايدي = 30 جنيه اللي دفعتهم اصلا من البدايه...........


ها كده ظبطت ولا مو ظبطت؟؟؟؟؟

رد: سؤال اتحدى به جميع اعضاء مصر موتورز؟؟
 

اخى العزيز الاجابه سهله جدا لو انتا عندك اسا س فى الرياضيات مكنتش احترت

من اولى اساسيات الرياضيات ان الضرب والقسمه دائما تسبق الجمع والطرح

مثال على ذالك
ماهو ناتج العمليه الاتيه 2x3+5=

لوقلت 5+3=8 8x2=16
يبقى غلط المفروض الناتج يكون 2x3=6 ال6 +5=11

انشاء الله تكون المعلومه وصلت
وانا دائما اقبل التحدى نيابه عن الاعضاء

رد: سؤال اتحدى به جميع اعضاء مصر موتورز؟؟
 

هما دفعو 27 مش 29
25 منبه +2 اتقلبه =27
وال 3 جنيه رجعولهم تانى و لو جمعناهم على اللى ادفع يبقى 30