مصر موتورز مجتمع السيارات - المتسوبيشى كولت؟؟؟؟

مصر موتورز مجتمع السيارات (https://www.masrmotors.com/vb/index.php)

- متسوبيشى Mitsubishi (https://www.masrmotors.com/vb/forumdisplay.php?f=29)

- - المتسوبيشى كولت؟؟؟؟ (https://www.masrmotors.com/vb/showthread.php?t=14428)

المتسوبيشى كولت؟؟؟؟

السلام عليكم ياجماعة انا لاحظت كدة من المواضيع ان مافيش موضوع بيتكلم عن المتسوبيشى كولت بتفاصيل يعنى عن بدايه الانتاجوتطويرها ومعلش كنت عايز حد يقولى عن معلومات عن موديلات التسعينات معلش ياجماعة انا كنت عايز اعرف معلومات عنه وبالذات موديلات التسعينات وبالاخص موديل96و97 وشكرا ياجماعة على التواصل

رد: المتسوبيشى كولت؟؟؟؟

الكولت 96 و 97 و باختصار تعتبر النسخة الهاتش باك من اللانسر كريستالة بنفس المواتير و نفس الانتريور
لكنها بتفرق عن اللانسر ان سحبها خرافي خصوصا ال 1500 سي سي

رد: المتسوبيشى كولت؟؟؟؟

معرفش اكتر من الى قالو الأستاذ حورس بس انا بيعجبنى شكلها فى الموديلات دى اما الموديلت الجديده شكلها وحش اوى

رد: المتسوبيشى كولت؟؟؟؟

اقتباس:

المشاركة الأصلية كتبت بواسطة horas3000 (المشاركة 87957)

الف شكر استاذ horasعلى المشاركة المفيدة وياريت لو حضترتك تعرف بعض المعلومات عنها تضيفها معانا خصوصا ان الموديل دا مش موجود عنة معلومات كتير زى باقى الموديلات وشكرا للمتباعة

رد: المتسوبيشى كولت؟؟؟؟

اقتباس:

المشاركة الأصلية كتبت بواسطة m_o_sakr (المشاركة 88007)

معرفش اكتر من الى قالو الأستاذ حورس بس انا بيعجبنى شكلها فى الموديلات دى اما الموديلت الجديده شكلها وحش اوى

شكرا ومرحبا لردك على الموضوع

رد: المتسوبيشى كولت؟؟؟؟

اقتباس:

المشاركة الأصلية كتبت بواسطة dego_story (المشاركة 88071)

بص يا سيدي الشكل اللي انت بتكلم عليه ده نزل سنة 96 و استمر لغاية 2004 و كانت 3 ابواب بس
العربية كانت بتتوفر بمحركين 1300 سي سي و دي كان 75 حصان و ال 1500 سي سي كان 98 حصان و الاتنين كان سحبهم كويس خصوصا ال 1500 كان رائع. بالنسبة للكماليات كان في فئتين GL و GLX و الفروق في الحاجات العادية زي التكيف,كاسيت,رجاج كهرباء و شرحة.

العربية ده خصوصا شكلها في الوقت ده كان ثوري و كانت اي تعديلات بتليق عليها و كان في شباب كتير بيسقطولها مواتير ال EVO و العربية كانت بتتحول و ياما شوفت الكولت ال EVO بتحرج عربيات اقوي زي الموستانج و الكمارو.

العربية طبعا لم تنتشر في مصر بسبب سعرها اللي كن غالي و انها كانت 3 ابواب بس الشيئ الغير مقبول حتي من محبي الهاتشباك اللي اتجهوا لعربيات تانية زي البولو و الابيزا. عكس الخليج اللي العربية كان اغلب مستخدميها من الشباب الصغير و السواقين الجداد فالحجم مكانش بيفرق و لان تكيفها كان فريزر علي عكس العربيات الاوروبي في هذا الوقت اللي تكيفهم مكانش بمستوي الياباني

انا شخصيا جاتلي فرصة و سوقت العربية دي و كانت 1500 سي سي اوتوماتيك و بصراحة ذهلت من سحبها العربية جراية جدا و حجمها بيشجعك علي الغرز و اللعب بيها و ثباتها كان كويس جدا و ان كان برضوا لا يماثل الالماني زي البولو و الابيزا مثلا.

و ادي كام صورة للموديل

http://bin.staticlocal.ch/c4y/9e/9ef...9/fullsize.jpg
http://www.autoplenum.de/Bilder/P/p0...1997-1997-.jpg

http://www.autoplenum.de/Bilder/P/p0...1997-1997-.jpg

اتمني اكون قدرت افيدك

رد: المتسوبيشى كولت؟؟؟؟

بجد ياستاذ horasالف شكرا بصراحة حضرتك قولت كل اللى الواحد كان عايز يعرفة عنها ومشاركة ممتازة من حضرتك بجد وشكرا للمعلومات المفيدة والقيمة عن السيارةوشكرا على الصورة الرائعة طيب ولوحضرتك معروض عليك الكولت ولا الابيزا نفس سنة الانتاج تفضل مين نظرا لخبرة حضرتك عن المتسوبيشى كولت