|
بفكر ابيع الجيتز واجيب حاجة جديدة
السلام عليكم ورحمة الله وبركاته
بفكر ابيع سيارتى الحبيبة جيتز اشترتها شهر 12 زيرو وترخيص يناير 2011 حالتها فابريكة ممتازه وعشرة 5 سنوات بس بقوول كفاية كده واجيب زيرو قبل ما الجيتز نبدأ عاوزة طلبات خصوصا غيرت الكاوتش والبطارية يا ترى تعمل كام سعر هى تقريبا مش بتخرج من اكتوبر وكل اللى مشيته 25000 كيلومتر تقريبا واشترى ايه بدلا منها لان ما بقاش فيه زيرو جيتز جزاكم الله خيرا مقدما لونها على فكرة سماوى وفيها فتحة سقف كمان |
رد: بفكر ابيع الجيتز واجيب حاجة جديدة
الاول لازم حضرتك تشوفى الفلوس الى مع حضرتك كام علشان تقدرى تفكرى فى اى عربية جديدة
متابع مع حضرتك |
رد: بفكر ابيع الجيتز واجيب حاجة جديدة
عايز تبيع بكام
|
رد: بفكر ابيع الجيتز واجيب حاجة جديدة
ازيك يا باشمهندسة تحياتى لحضرتك وزوجك الفاضل واللاولاد يارب تكونوا بخير جميعا
سؤال حضرتك شقين الاول تقييم السيارة الحالية والثانى تشترى ايه بعد كده نبداء من الاخر .. تشترى ايه بعد كده ؟ مرتبط بسؤال (بكام؟) و(لية) يعنى العربيه الجديدة عايزة فيها امكانيات ايه وبالتالى هنسال فى ميزانيه قد ايه اما عن حالة عربيتك دلوقتى فزى ما حضرتك وصفتى هى لسه كسر زيرو بناء على الاستخدام ده والعداد ده وحسب نفس استخدامك تمشيكى 5 سنين كمان بنفس المصروفات خاصة ان الجيتز عربيه عمليه واعطالها قليله الخلاصة انا لو مكان حضرتك والعربيه مش مضايقانى فى حاجة مش هفكر ابيعها قبل عدادها ما يعدى 50 الف على الاقل وطالما حضرتك كنتى بتفكرى تشترى جيتز زيرو لو موجودة يبقى الجيتز نفسها مفيهاش مشكلة وكاداء اول تانى خمسة وعشرين الف هيبقو ان شاء الله احسن من الاولانيين كمان وممكن بالفين تلاته نشتريلها طقم جنوط وشويه كماليات تخليها جديدة تانى واجمل من الزيرو ويادار ما دخلك صرف :THUMB_~112: |
رد: بفكر ابيع الجيتز واجيب حاجة جديدة
مرحباً بحضرتك ياباشمهندسة وإيه أخبار الدكتور محمد يارب يكون بصحة جيدة نصيحة لحضرتك زى ماقالك أبو نورا العربيه دى ما تتعوضش ومش هاتلاقى أحسن منها إلا لو دفعت عربيه إعتمادية وموفرة وحاجتها ببلاش ومع شوية كماليات هاتخلى العربيه جميله وأنا شخصياً لما بعت الجيتز بتاعتى ندمت أشد الندم ولم يعوضنى عنها إلا عربيتى التويوتا اللى معايا دلوقت بس طبعاً بعد دفع مبلغ وقدره فنصيحتى لحضرتك بلاش وتمسكى بسيارتك ولا تفرطى فيها تبيعى ؟!!!!!!!!!!!!!!!!!!!!!! هههههههههههه سلام للدكتور محمد ولأولاد حضرتك وياريت لو تطمنينى عليهم |
رد: بفكر ابيع الجيتز واجيب حاجة جديدة
السلام عليكم ورحمة الله وبركاته
اخوانى الاعزاء المحترمين اشكركم جدا جدا على الرد السريع وعقلتونى فى الوقت المناسب لكم سلام د/ محمد وتحياته لكم جميعا ونحمد ربنا الموضوع مستقر للقلب بعد الجلطة دعواتكم بالصحة والستر فعلا عندكم حق كنت بفكر ابيعها وادفعهم مقدمة لسيارة اخرى واقسط مثلا لغاية 2000 شهرى بس فعلا السيارة ممتازة والمهندس وائل عنده حق تقعد على الاقل حتى 50000 كيلومتر تانى زى الفل اشكرك م / وائل م/احمد م/نبيل وسلامى لعائلاتكم جميعا على فكرة عمرو السنة دى آخر ترم للبكالوريوس دعواتكم وطارق دخل كلية آثار وارشاد سياحى جزاكم الله كل خير الجيتز سيارة اكثر من راااائعة لا أعطال ممتازة |
رد: بفكر ابيع الجيتز واجيب حاجة جديدة
ماشاء الله ربنا يحميهم وتفرحى باولاد اولادهم يارب تحياتى وتمنياتى بدوام النجاح لعمرو وطارق :fun_36_1_39[1]:
|
| الساعة الآن 08:59 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017