|
هل الادا 2107 عربية ادمية ؟
الغريب اننا فى القرن الواحد والعشرين واللادا هى هى نفس
الشكل الخارجى بنفس الفوانيس والشكل العام ومش كده الكارثة جوه الدركسيون عبارة عن غطى حلة من النوع الكبير والكرسى غريب الشكل اللى بيكسر الظهر وياسلام على التابلوه العقيم غريب الشكل وعصاية الفتيس اللى اد الخابور فعلا الزمن وقف فى لادا فى الثمانينات القرن اللى فات ولكن الاغرب انها لسه بتبيع برغم طفرة العربيات الصينى الرخيصة اللى كلها امكانيات وده ليه طبعا لانك اكيد فى مصر |
رد: هل الادا 2107 عربية ادمية ؟
قوية - اقتصادية - عائلية
ده شعار حملة تسويق الادا بواسطه توكيلها الامل جروب واعتقد ان الشعار ده اتبنى على قناعة مصريين كتير بقوة واقتصادية العربية ولو مكانش فيه عربيات صينى وايرانى وماليزى وهندى كان زمانا لسه بنصنع ونشترى الادا والشاهين وال 128 الادا يمكن مبقتش ادمية دلوقتى بالمقارنة بطوفان السيارات الجديدة اللى دخلت مصر من 2005 لكن مازالت تمثل السيارة السيارة الحديد بتاعة زمان اللى صاحبها يموت ويسبها لعيالة وعيال عياله كمان افتكر كلمة صديق لى كان بيقولى العربية الادا عاملة زى العدة مش مهم شكلها ولا اى حاجة فيها الا انها بتقوم بالمهمة وبس وفعلا لو عايز عربية باقل سعر تنقل فيها الحمولة اللى انت عايزها وتسافر بيها من مصر لاسوان زى مانت عايز تبقى الادا |
رد: هل الادا 2107 عربية ادمية ؟
ههههههههههههههههههههههههه ههههههههههههه
|
رد: هل الادا 2107 عربية ادمية ؟
تمام والله يا ابونورا, ولكنها فى الوقت الحالى لا يمكن وصفها بانها سياره آدميهptmnlo123per1127
|
رد: هل الادا 2107 عربية ادمية ؟
اللادا خلاص بقي راحت و راح زمانها
عربيه مطوره علي شاسيه ال 124 و ال 124 كانت نازله في اواخر الستينات وفيات استغنت عنها في 73 و شركه لادا مازالت معجبه بتصميمها بكل عيوبه لحد انهارده!!!! هيا كانت ادميه زمان لكن دلوقتي خلاص مش حتاخد زمانها و زمن غيرها!!!!!! |
رد: هل الادا 2107 عربية ادمية ؟
أخي الفاضل لو خيروك بين عروسة حاطة روج وشكلها حلو مانيكان يعني : بس شقتك هاتكون زبالة وسايبة عيالها ولسة هاتتعلم في سيادتك الطبيخ
ولا واحدة شكلها مقبول لكن ست بيت عشرة علي عشرة تختار العروسة مين فيهم الصينية ولا الادا |
رد: هل الادا 2107 عربية ادمية ؟
انا اختلف معاك يااستاذ حسن فى الموضوع ده العربية اللادا هى هى من الثمانينات بنفس المواصفات والشكل الدنيا اتغيرت خلال ال10 سنين اللى فاتوا الباور والتكييف مش اوبشن دلع والعربية المريحة مش رفاهية ده ابسط حقوق الانسان وفى حين اللادا هنا فى مصر لسه مصرة ولعلم حضرتك احنا لو بنتكلم عن ان اللادا حمالة قاسية الموديات 2008 و2009 مابقتش كده اه لسه قطع غيارها رخيصة بس مش حمالة اسية فلما تيجة تقارن صينى مريح وعلى كلام حضرتك مش بستحمل اوى ولا اللادا اللى مش مرريحة وبرضه مش بتستحمل لا الصينى يكسب
|
| الساعة الآن 06:05 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017