|
فى نشع زيت اسفل السياره
الساده الأفاضل
تحياتى لكم جميعا لدى سياره فيرنا 2007 1500cc لاحظت بانه يوجد نشع للزيت فى اسفل السياره ناحيه سير البور وفلتر الزيت والطبه المنطقه دى كلها زيت مع العلم بان الزيت لا ينقص ذهبت الى ميكانيكى فقال لى عاوزه اويل سيه وبليه الكرنك وبالمره تغير طقم السيور قلت له السيور لم تعمل سوى 12الف كيلو قالى ممكن الزيت بوظها ارجو منكم مدى صحة هذا الكلام ولكم جزيل الشكر |
رد: فى نشع زيت اسفل السياره
ازاى الزيت مش بينقص من الموتور وهو عاوز يغير اويل سيل كرنك ومعرفش بلية كرنك اية ؟
اكشف على زيت البور لانى شاكك فية |
رد: فى نشع زيت اسفل السياره
هل زيت البور ينشع تحت السياره
وهل ذالك يستوجب تغير الزيوت ولكم جزيل الشكر |
رد: فى نشع زيت اسفل السياره
ياريت اجد اجابه شافيه لسؤالى
ولكم جزيل الشكر |
رد: فى نشع زيت اسفل السياره
حضرتك تعمل الاتى
1- تشترى طقم سيور لو المشكلة ديه بقالها فترة اه الزيت والشحم والتراب الخليط ده يبوظ اجدعها سير ويفضل السيور اللى اتشبعت زيت ديه تتغير تشتريها طقم اصلى مش هيخسر 2- تغسل العربيه غسله نظيفة وتبقى مظبط مع المكانيكى المضمون بتاعك لو متعرفش روح مركز خدمة محترم 3- يادوب عقبال المشوارمن الغسيل للورشة وبالكتير تدورها هناك ساعة هيبان بداية التسريب منين وهيتاكد وهو بيفك ومطرح ما يطلع هيتعالج ولو متعالجش هيبان وهترجعله تانى وان شاء الله بسيطة هى مشاكل االزيت محتاجة طولة بال بس وتغسل العربيه كل شوية علشان تتابع التسريب من بدايته لكن لما الدنيا تغرق زيت كده صعب حد يحدد |
رد: فى نشع زيت اسفل السياره
اخى الكريم
اى نشع للزيت يبقى اكيد فى زيت بينقص عندنا اكتر من حاجة بتشتغل بالزيت الموتور الفتيس سواء مانيوال او اوتو الباور ستيرنج الفرامل ببساطة الحاجة اللى فيها مشكلة هتلاقى منسوب الزيت فيها بيقل حضرتك قلت ان زيت الموتور مش بينقص .........يبقى نستبعد ان فية اويل سيل موتور بيجيب زيت يبقى مطلوب مننا نكشف على زيت الباور ونشوف مستواة لو مظبوط ندور على حاجة تانية انما المكان اللى حضرتك ذكرته وهو امام مجموعة الدوارة هنا فى حجتين اما من اويل سيل كرنك بتاع الموتور او اويل سيل كامة تخص الموتور ايضا او طلمبة الباور لانها فى نفس المكان ومربوطة بالسير مع الموتور انما زيت الفتيس مش موجود فى المكان دة كمان زيت الفرامل لو بيسرب مش هايسرب من المكان دة يا فندم قيس مستوى زيت الباور واغسل المنطقة دى كويس عشان التسريب يبان مكانة وردا على سؤال ان اى تنشيع يستوجب تغيير الزيت الرد اى زيوت وسوائل فى العربية عموما بتتغير بصورة دورية حتى زيت الفرامل |
رد: فى نشع زيت اسفل السياره
الف مليون شكر لكم جميعا
انا استفدت جدا من كل المعلومات التى ذكرت وان شاءالله سوف اعمل كل اللى قلتم عليه |
| الساعة الآن 11:29 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017