مصر موتورز مجتمع السيارات - عملت عمرة ومفيش فايدة

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - عملت عمرة ومفيش فايدة (https://www.masrmotors.com/vb/showthread.php?t=140454)

عملت عمرة ومفيش فايدة

كل سنة وانتم طيبين ويارب يعيد علينا الأيام بخير
عندي مشكلة حيرتني باختصار:shyy:
عربيتي كانت بتغيب في الدوارة الصبح
بتغيب وتغلبني جدا وأحاول اظبط قد كده وأدور لحد ما تدور
وبعدين لما تدور تخرج عادم أسوم شوية
والموضوع اتطور شوية والبوجيات جابت زيت
عزمت النية وروحت للميكانيكي
قاللي عمرة على طول
عملت العمرة وتمام التمام
واخدتها من عند الميكانيكي وبقيت مبسوط من الصوت الهادي اللي تقريبا مش سامعه
ومشيت بيها يوم زي الفل
تاني يوم أدور مفيش وكأنها رجعت زي الأول:fun_wallbash:
أبص على كل شيء كله تمام
أبص على البوجيهات ألاقيها مسودة :010105~332:
أبص على الزيت شفااااااااااااااف جدا يعني الموتور كويس:sycho26:
روحت للميكانيكي شاف كله وبص على التاكيهات والكرابراتير وقالي كله هيبقى تمام أصل الهوا بتاع الكاربراتير كان مقفول
ومشيت من عنده زي الفل
وتاني يوم الصبح مفيش وأنها رجعت زي الأول :crazyW14:
طلعت البوجيهات ونظفتها وحطيتها اشتغلت
أعمل أيه وأروح لمين والمشكلة فين
ياريت اللي عنده رأي يقدر يشاركني فيه يساعدني

رد: عملت عمرة ومفيش فايدة

كل سنة وانت طيب وعيد سعيد عليك يارب والاسرة الكريمة
بص انا حاسس ان الموتور ممكن يكون تمام بعد العمرة بس العربية عايزة ظبط انا مش عارف العربية لو رينو 9 مين متخصص فيها طبعا مش معنى كدة ان الميكانيكى اللى عمل العمرة مش مسئول المفروض طالما واخد حسابة تفضل معاه لما يقولك غلبت فيها وان شاء الله خير

رد: عملت عمرة ومفيش فايدة

شكرا على الرد يا ابو نورا
انا فعلا رحتله وقالي كده عايزه تروح لحد متخصص كاربراتير

رد: عملت عمرة ومفيش فايدة

كل سنة وانت طيب وعيد سعيد عليك
- بعد عمل العمرة لازم تقعد فترة تظبط فى العربية مابين كاربيراتير وتاكيهات وكهرباء وردياتير لغاية ما تظبط معاك فادعوا لك بالصبر وطول البال
- ياريت تعرفنا عملت العمرة عند مين وتكاليفها كام حتى تفيد اعضاء الرينو
- هل العمرة افضل ام شراء موتور استيراد من وجهة نظرك

رد: عملت عمرة ومفيش فايدة

روح اى مركز ظبط كربراتير
الميكانيكى مش هاتوصل معاة لحل

رد: عملت عمرة ومفيش فايدة

اقتباس:

المشاركة الأصلية كتبت بواسطة mohmedkamel (المشاركة 1021445)

الحمد لله العربية اتضبطت والغريب إن المشاكل بتبقى تافهة جدا
عموما الكاربيراتير اتضبط وبقى تمام ومكنش فيه مشكلة كبيرة ولا حاجة.
التاكيهات زي الفل وراجعت عليها مع إنه لسه بدري
وعملت العمرة عند ورشة بتاعة اتنين صنايعية أمناء ومحترمين وبقالي معاهم سنين
الورشة في عين شمس شارع أحمد عصمت.
اسمها رينو الأصدقاء (سيد وحاتم) هيا قبل شارع العشرين أمام مقابر النصاري.
الموتور ده كنت شاريه من 5 سنين وكان ممتاز
بس العمرة طبعا بتختلف حسب حالة الماتور والصنايعية
الحمد لله العمرة خلت الموتور ممتاز صوته ناعم جدا فوق ما كنت متصور
طبعا هيا لسه في التليين فمش قادر اضغط عليه لكن أدائه ممتاز وحاسس بإنه عايز يجري.
الزيت شفاف وده معناه ان الموتور من جوه نظيف جدا زي الجديد.
المهم في العمرة زي ما قلت حالة الماتور والصنايعي الشاطر اللي يقدر يضبطه
لو لقيتهم يبقى العمرة أفضل.

رد: عملت عمرة ومفيش فايدة

بارك الله لك فى سيارتك وحفظك الرحمن من كل سوء
الصبر بعد العمرة مهم جداً
لانه ممكن يشبه بتدريب طفل صغير على المشى او مريض رقد فى سرير المرض فترة طويله
هون الله عليك ويسر الله لك صعاب الطريق