مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   A 516 (https://www.masrmotors.com/vb/forumdisplay.php?f=187)
-   -   مشكلة الفرامل فى ال 516 (https://www.masrmotors.com/vb/showthread.php?t=140374)

حسام الباشا 12-07-2015 10:40 AM
مشكلة الفرامل فى ال 516
 
السلام عليكم على احلى منتدى الواحد بيستفاد منه فعلا ..... انا عندى مشكلة فى الفرامل الدواسة بتبعد اوى فى الضغط عليها روحت عند واحد بتاع فرامل خد لى هوا مشيت من عنده زى الفل وحاسس ان فى تغيير ... المهم روحت مشوارين ورجعت الفرامل زى الاول الدواسة بتبعد بعيد مع الدوسة ولما اضغط جامد ال abs تشتغل ..... تفتكروا العيب فين ؟؟؟ اروح تانى لبتاع الفرامل واقوله ينضف البساتم الخاصة بالفرامل ويغسلها ويركبها ولا ده ملوش علاقة بهروب دواسة البنزين ؟؟؟؟؟ انا عربيتى 516 موديل 2008 .... وركبت مع واحد صاحبى عربيته 516 موديل 2011 بس الفرامل عنده على الشعره .... ملحوظة ( التيل عندى حالته كويسة لا هو مليان على الاخر ولا خلصان يعنى لسه قدامه شوية ) ماشاء الله ...... برجاء ال:fun_36_1_39[1]:افادة واسف انى طولت عليكم

mrm200000 12-07-2015 12:23 PM
رد: مشكلة الفرامل فى ال 516
 
اتاكد من سحب الهواء جيدا وان مفيش اي تسريب او اي انقطاع في مسار الزيت

حسام الباشا 12-07-2015 04:05 PM
رد: مشكلة الفرامل فى ال 516
 
اقتباس:
المشاركة الأصلية كتبت بواسطة mrm200000 (المشاركة 1020903)
اتاكد من سحب الهواء جيدا وان مفيش اي تسريب او اي انقطاع في مسار الزيت
حضرتك الميكانيكى هو الى بيشتغل يعنى ازاى هعدل عليه ؟؟ وهقوله كده ازاى ؟؟؟ هيقولى ارتاح يا بيه انا عارف شغلى .... وبعدين لو كده يبقى احنا محتاجين نجيب 2 كيلو زيت فرامل لان العبوه الربع كيلو دى مش هتنفع ولا ايه ؟؟؟؟ ومتشكر على اهتمامك ..... :fun_36_3_11[1]:

mo.nagy 17-07-2015 08:23 PM
رد: مشكلة الفرامل فى ال 516
 
والله انا كنت لسا ناوى اعمل موضوع اقول فيه على فرامل العربيه العجيبه دى. انت عندك الفرامل بتبقى ضعيفه قوى على السرعات الواطيه (من 40 كم لحد ما العربيه تقف)؟
أنا عربتي موديل 2007 وعملت كل حاجة أعرفها عشان أظبط الفرامل. غيرت ماستر وطنابير وتيول ومفيش فايدة وأخر ما زهقت فصلت فيوز ال ABS وبرضو مفيش فايدة ولسة لابس فى عربيه معا اني كنت ماشي على 20 وكبست فرامل على الأخر والعربية فضلت مكملة ولا فى دماغها معا ان والله كان فى مسافه كويسه عشان تقف.
ارجوكم افيدونا عشان دى ارواح و فلوس ناس

mo.nagy 19-07-2015 11:52 AM
رد: مشكلة الفرامل فى ال 516
 
مفيش حد يفيدنا ب اى حاجه يا جماعه؟

حسام الباشا 19-07-2015 07:12 PM
رد: مشكلة الفرامل فى ال 516
 
اقتباس:
المشاركة الأصلية كتبت بواسطة mo.nagy (المشاركة 1021270)
والله انا كنت لسا ناوى اعمل موضوع اقول فيه على فرامل العربيه العجيبه دى. انت عندك الفرامل بتبقى ضعيفه قوى على السرعات الواطيه (من 40 كم لحد ما العربيه تقف)؟
أنا عربتي موديل 2007 وعملت كل حاجة أعرفها عشان أظبط الفرامل. غيرت ماستر وطنابير وتيول ومفيش فايدة وأخر ما زهقت فصلت فيوز ال ABS وبرضو مفيش فايدة ولسة لابس فى عربيه معا اني كنت ماشي على 20 وكبست فرامل على الأخر والعربية فضلت مكملة ولا فى دماغها معا ان والله كان فى مسافه كويسه عشان تقف.
ارجوكم افيدونا عشان دى ارواح و فلوس ناس
عاوز اقول لسيادتك انا كان معايا 516 موديل 2007 مكنش عندى مشكلة فى الفرامل الصراحة خالص وكانت فراملها قوية جدااااااا فوق ما تتخيل وواحد صاحبى ركبها وهو كان معاه اوبل فيكترا 96 ولما ركب عربيتى قالى الفرامل ماشاء الله جامدة وبتربط بسرعة ... لكن الموديل الى معايا ده 2008 ومش عارف ايه حكاية الفرامل معانا

mo.nagy 19-07-2015 08:30 PM
رد: مشكلة الفرامل فى ال 516
 
سبحان الله . هيا للاسف معايا من 2007 و هيا زى ما هى كده. والله صدق اللى قال العربيه دى زى البطيخه.
على فكره كاليبرات الفرامل فى 2007 غير 2008 والتيل مش زى بعض و انا كنت فاكر فرامل 2008 احسن وكنت ناوى اغير الكاليبرات والتيل ل2008 بس بعد اللى حضرتك قولتو, انا خلاص مش هعمل كده.
شكرا استاذ حسام و يارب حد يقدر يساعدنا


الساعة الآن 12:36 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017