|
مشكلة مع سينسور باركينج SPY من سبيركار
السلام عاليكم
أعضاء المنتدى الكرام انا ركبت سنسور باركنج SPY فى فرع التجمع الخامس من حوالى شهر بى 350 جينيه الصراحة السنسور كويس والاكيورسى بتاعت الحساس ممتازة بس المشكلة فى الشاشه الى بتفتح مع الريفيرس هى شكلها حلو قوى بس مش عملية خالص الاسف الصوت بتعها فى الحر مشبيشتغل (يعنى لو راكن فى شمس الصوت مش شغال ) ومن حوالى اسبوع كده فى ليدات اتحرق كل ده فى اقل من شهر والسيستم ده اغلى حاجه عندهم انا رحت المركز بالمشكلة الاولى (الصوت) ومدير الفرع قالى جرب كمان شويه ولو مشكلة لسه موجودة هنبعت لشركة الجهاز تيصلح والى فهمته انه مش هيتبدل ولا حاجة وقالى ان اى سيستم ممكن يعطل مرة او اتنين وطبعا لو ارسل الشاشة لتصليح ديه فيها وقت وراحت وجت وعطله وبعدين هلى مقعدتش اكتر من اسبوع وفيها مشكلة امال لما تتصلح هتبقى تعمل ايه ؟؟؟؟ قلت مش مشكلة انا كده كده التكيف لمل بيشتغل شويه العملية بتكون كويسة بس دلوقتى كمان فيه ليدات اتحرق طب هو انا الى محظوظ ولا السيستم هى الى وحش ؟ فالو حد عنده تجربة اكتر من شهر ياريت يفيديى ولو حد من سبير كار ممكن يساعد انا ممكن اتوصل معهم بس لو الموضوع برد فك وارسال اصالح والكلام ده كان قالولى من البداية ان السيتم ده مش كويس الرجاء الاهتمام والرد |
رد: مشكلة مع سينسور باركينج SPY من سبيركار
انا حزين لأن شايف حضرتك واقف فى الصحراء الجرداء لافنى ولامهندس ولاوكيل ولامجرب قبلك يفيدك بجد الله يعوض عليك فى ال350جنيه بس كده يبقى سبير كار مش تمام وواجب حضرتك تصور الجهاز وتحدد باالضبط بقاله كام يوم استعمال لأن كده الموضوع يحرق الدم وقلبى معاك وكل سنة وحضرتك طيب ولايضيع حق وراءه مطالب ومعلش ولايهمك اليجى فى الريش بقشيش ومتابع مع حضرتك بأهتمام لذلك برجاء لاتترك حقك مرة إخرى كل سنة وحضرتك طيب
|
رد: مشكلة مع سينسور باركينج SPY من سبيركار
شكرا يا aymanlaw وكل سنة وانت طيب ومتشكر جدا على الاهتمام
انا اتكلمت معاهم تانى امبارح بخصوص الاصلاح وقالولى كمان ده ممكن يتصلح وممكن لا ومن الاخر قالى روح لوكيل SPY فى مصر الى فى التوفقية وخلص معاه ؟ عادى على الفلوس التعليم مش ببالاش وتانى كل سنة وحضرتك طيب |
رد: مشكلة مع سينسور باركينج SPY من سبيركار
اقتباس:
|
رد: مشكلة مع سينسور باركينج SPY من سبيركار
يا صحبة الخير الطبيعى ان اى موزع بيبيع جهاز بيدى عليه فترة ضمان والفاتورة نفسها ضمان واى جهاز وارد يحصل فيه مشاكل والطبيعى يتسلم للصيانة طرف الوكيل علشان يا يصلح العيب يا يصرف مرتجع
من غير كدة لا سبير كار يعرف يرجع مرتجع ولا يصرف فلوس ليه حضرتك مش عايز تودى الجهاز للصيانة ؟؟ سلمهولهم وشوف يمكن عيب صناعة ويتغير او يدولك موديل احدث خلينا نشوف وطمنا عملت ايه وان شاء الله خير |
رد: مشكلة مع سينسور باركينج SPY من سبيركار
اقتباس:
|
رد: مشكلة مع سينسور باركينج SPY من سبيركار
شكراً ليك على عرض تجربتك وبعتذر عن التاخر فى الرد لظروف رمضان وظروف صحية خاصة بيا شخصياً
وانا بصفتى مسئول عن الدعم الفنى لاعضاء مصر موتورز اتصلت بسبير كار لاستيضاح المشكلة وفهمت منهم الاتى : اولاً .. سياسة استبدال المنتج فى حالة ظهور اى عيب فيه تسمح باستبدال فى بحر 14 يوم ( اسبوعين ) من تاريخ الشراء بعد تلك المدة يتم استقبالة من طرف مركز صيانة الوكيل الخاص بماركة SPY لفحص الجهاز وبيان طبيعة العيب وبالتالى امكانية اصلاحة او استبدالة ثانيا .. نقلاً عن سبير كار فان منتجات ماركة SPY محل ثقة الشركة وعملائها ولا توجد عيوب متكررة من هذا الموديل او اى من الموديلات الخاصة بها المتوفرة بفروعها وفى حالة وجود اى مشكلة ترحب الشركة بالاستجابة لشكاوى العملاء عن طريق منتديات مصر موتورز وموقع سبير كار Spare Car ووسائل الاتصال الهاتفية او بزيارة فروعها مباشرة انتهى .. ومن ناحية مصر موتورز .. حضرتك ممكن تشرفنى بارسال بيانات الاتصال بحضرتك لمتابعة المشكلة لحين حلها ان شاء الله |
| الساعة الآن 03:37 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017