عاوز اعرف اتعمل عليا شغل ولا لا ؟؟؟
 

معايا اسبرانزا 516 موديل 2008 ماشية 42000 كيلو كان فيها عيب كلنا عارفينه موضوع القطمة بتاعة الدريكسيون .... المهم روحت لأحمد مهران وجرب العربية قالى فعلا القطمة عاوزة تتعمل المهم رفع العربية على الكوريك فى الورشة بتاعته ولقى جلب المقصات مشققين وقاعدة الماتور الأمامية مقطوع جزء بسيط من القعدة ...... المهم لما سالته عن قطع الغيار والمصنعية قالى :

1- هنغير جلب المقصات باللانسر ب 150 جنيه ثمن الجلبتين .
2- عمل قطمة الدريكسيون + مصنعية الخراط + تركيب الجلب 120 جنيه للخراط بس
3- تغيير قاعدة الموتور الأمامية ب 120 جنيه تمن القاعدة
4- مصنعية احمد مهران 150 جنيه

كله يبقى 540 جنيه ... ايه رأيكم كتير ولا لا ؟؟؟ انا عملت الموضوع ده من شهر ودلوقتى حاسس ان القطمة زى ما هى وبترجرج فى المطبات كانى معملتش حاجة ... انا نسيت اقولكم بعتنى لواحد بتاع زوايا ورا سينما فاتن حمامة ضبط الزوايا عنده ب 70 جنيه ........:shwt:

رد: عاوز اعرف اتعمل عليا شغل ولا لا ؟؟؟
 

متابع مع حضرتك بأهتمام لتعم الفائدة

رد: عاوز اعرف اتعمل عليا شغل ولا لا ؟؟؟
 

السلام عليكم
عقولك اللي عملته الاسبوع اللي فات
1 - جلب مقصات اسبرانزا 50 للجلبه
2 - كوبلن شمال 140
3 - 3 كوتشات كوبلن 25 للواحده
4 - 25 كبس الجلب ( كان ممكن افاصل معاه )
5 - 100 مصنعيه
ارجو اكون افدتك و شكرا

رد: عاوز اعرف اتعمل عليا شغل ولا لا ؟؟؟
 

شكرا للافادة :018A1D~146:

رد: عاوز اعرف اتعمل عليا شغل ولا لا ؟؟؟
 

طيب حضرتك الشغل ده عملته فين واشتريت الجلب والكوبلن والكوتشات وكبس الجلب كان فين ومين الصنيعى الشتغل وعنوانه او رقم تليفونه وكل سنة وحضرتك طيب ورمضان مبارك عليك وكل الناس SLAMSLAM:10CC26~164::10CC 26~164:

رد: عاوز اعرف اتعمل عليا شغل ولا لا ؟؟؟
 

وحضرتك بالصحه و السلامه
الشغل و قطع الغيار من حلوان
لو حابب ابعتلك تليفن الصنايعي

رد: عاوز اعرف اتعمل عليا شغل ولا لا ؟؟؟
 

متشكر على الردود ... بس انا حاسس ان اتعمل عليا شغل .... مش حاسس بفرق كبير فى العربية بعد الشغل ده