|
تحذير ( من زيوت زادو Xado ) لوجه الله
تحذير .. نصيحه .. بخصوص مشكلتي بتاعت لمبه الزيت .. اكتشفت ان الزيت اللي انا غيرته مضروب 100% وطبعا نوع الزيت Xado زادو ومانصحش حد خالص يتهاون في الموضوع دا او يشتري زيت من علي الانترنت .. الحمدلله تم تغيير الزيت والعربيه بقت زي الفل من غير ما المسها بلاش حوار الزيت اللي بيتشحن وكدا اشتري من حد يكون قدامك علي الاقل لو كان مضروب تعرف تاخد حقك وانا اتكلفت في الموضوع دا 550 ج ربنا يعلم لولا غلطتي مكنتش هتكلف ربع جنيه وبنصحكم للمره الاخيره محدش يشتري زيت زادو Xado نهائيا والرجاء النشر والمشاركه في كل الجروبات والمنتديات لتعم الفائده ..وشكرا لكل اللي وقفوا معايا وساعدوني .. وفقنا الله وياكم
https://www.facebook.com/photo.php?f...count=2http:// https://scontent-bru2-1.xx.fbcdn.net...5F55DE3http:// |
رد: تحذير ( من زيوت زادو Xado ) لوجه الله
مش فاهم يعنى انت رايك المشكلة فى النت والشحن ولا فى نوع الزيت نفسه ؟
لو فى النت والشحن والتعامل المباشر زى ما بتقول فا الكلام ده المفروض يسرى على كل الانواع اشمعنى زادو تحديدا ؟ ولو فيه مشكلة فى زيت زادو تحديدا يبقى ايا كان المكان او طريقة الشراء فيه مشكلة |
رد: تحذير ( من زيوت زادو Xado ) لوجه الله
يا استاذ ابو نورا انا بحبك في الله وبتابع ردودك بأستمرار
المشكله واضحه انى قبل ما احط الزيت كانت كل حاجه زى الفل وبعد ما حطيت الزيت ومشيت 10 دقايق لمبة الزيت نورت وكشفت عند متخصصين كتير وكلهم اجمعوا ان الزيت مضروب واول ما غيرت الزيت علطول وحطيت شيل اللمبه منورتش تانى وطبعا التكلفة الاجماليه 550 ج خسرتهم ع الفاضى @AbOnOrA |
رد: تحذير ( من زيوت زادو Xado ) لوجه الله
شكرا على نقل تجربتك المفيدة وربنا يعوض عليك
واضح ان الهدف من نقل التجربة هو الافادة لان ممكن اى عضو يقع فى نفس المشكلة ويقتنع بالدعاية لمنتجات مغشوشة بغض النظر عن المنتج او طريقة الشراء يجب الشراء من مصدر معروف ومنتج مجرب بدلا من خوض مغامرة غير محسوبة العواقب كم حدث مع العضو |
رد: تحذير ( من زيوت زادو Xado ) لوجه الله
طيب أنا بأحاول قدر الإمكان أتابع موضوع الزيوت المغشوشة و إزاى نبعد عنها
فعلاً فيه زيوت كتير مغشوشة, شحنات زيوت متهربه من يناير 2011 و حتى الآن و بتتضرب بأسماء غريبة و يقولك توكيل و شركة عملاقه و زيوت ألمانى و تشيكى و خليجى و كلام فارغ أنا لو عاوز أنزل أشترى زيت و أكون متأكد إنه مضمون, يبقى أجيبه من مصدرة, طيب فين مصدرة؟ النت !!!! مفيش و لا بنزينه واحده لزادو و لا ولف و لا وولفر و لا .... مين الوكيل فى مصر ككيان موجود له عنوان و ممكن مقاضاته لو قصر..... مفيش. هيقولك مكتب الوكيل فى القاهرة و التانى فى الإسكندريه, و يطلع شقه مفروشة بالإيجار. مش شركه يعنى. و موقع عالنت, ممكن أعملك مليون موقع .... كلام غير مقنع كله. شل بتتضرب, موبيل بتتضرب, كالتكس بتتضرب..... كله مغشوش, بس ده ميمنعش إنك لما تجيب جركن زيت من بنزينه شل يكون مش مضروب (بأقول بنزينه شل مش واحد فاتح بنزينه عليها توكيل شل) دى الحاجه الوحيده المضمونه. و تعرف عناوين بنزينات شل مثلاً من موقع وزارة البترول أى حاجه غير كده ..... حمادة بالجنزبيل و حظك مع ضمير التاجر. مش بأتكلم عن زادو أو موبيل أو ولف أو شل أو حتى زيت التموين.... أنا بأتكلم إزاى تحاول تتحرى إن الزيت- أى زيت- ميكونش مضروب قدر الإمكان. دى قناعتى الشخصية التى لا تقبل النقاش, و دون المساس بحقوق الغير من إثبات أو عدم إثبات صدقه. |
رد: تحذير ( من زيوت زادو Xado ) لوجه الله
اقتباس:
يعنى انا مش عاوز تعويض ولا عايز اى حاجه ، انا بدل ما احصل على اعتذار لاء بيهاجموا وكمان بيجرحو وبيقولو انى تبع ال شركه تانى وكلام غبى ، حسبي الله ونعم الوكيل وشكرا لك على دعمك |
رد: تحذير ( من زيوت زادو Xado ) لوجه الله
اقتباس:
يعنى مبقاش نصب وغش تجاري وبس لاء وهجوم وكلام سخيف ( فلتر ومش فلتر ) ده اول ما غيرت الزيت علطول علطول بدون مبالغه وحطيت شيل 1000 لتنظيف الماتور لمبة الزيت طفت خالص ومنورتش تانى يبقي كدا العيب فيا وفي العربيه مش في الزيت اللى كان مبعوت ليا بتاريخ 2012 ومبعوت لصديق انتاج 2010 من 3 ايام وصل صديقي انتاج 2010 كل الناس نصحته بعدم وضعه وانا اولهم ، وخسر فلوسة ومعرفش يرجع اى حاجه منها لانه اشتري عن طريق النت شكرا جدا لدعمك وفعلا عندك حق بس انا فهمت متأخر |
| الساعة الآن 05:56 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017