|
استفسار عن تجهيز السيارة للسفر
السلام عليكم ورحمة الله وبركاته
بالنسبة لاستهلاك البنزين في السيارة فيه ناس بتقول ان الطرق السريعة متستهلكش بنزين كتير والطرق الجانبية والمشي البطئ يستهلك بنزين اكتر ثانيا : ايه الاشياء المهمة اللي اتمم عليها قبل السفر ! وامتي اظبط العربية قبل السفر بيوم ولا اسبوع ؟ ثالثا : عندي البطارية مجرد اني لو نسيت الكاسيت دقيقة والعربية مقفولة اجي ادور متدورش الا لما تتزق وارمي واجيب غيار تاني ؟! ده عيب بطارية ولا طبيعي ؟ هي عربية 128 ! وهل ينفع اني اشغل كاسيت والعربية مفصولة والبطارية سليمة ولا ايه ؟ رابعا : لو قمت بتدوير العربية وسيبتها دايرة تستهلك بنزين ؟ وشكرا :fun_36_3_16[1]: :waving: |
رد: استفسار عن تجهيز السيارة للسفر
الاخ الكريم
احب ااقولك راي الذي يحتمل الخطأ 1- في السريع يقل الاستهلاك لان وزن العربيه بقي ااقل و محتاجه عزم و دفع اقل فا دا بيريح الموتور و بيقلل العزم و الحمل من عليه بالاضافه الي ان السرعه الاقل من 100 اكيد الاستهلاك اقل من بعد الـ 100 لان الكرباتير بيفتح لان الموتور كده بيحتاج ان يدور اسرع و بالتالي عايز بنزين اكتر. 2- الاشياء المهمه : مقاس الزيت و ياريت يتغير اذا قارب عمره الافتراضي علي الانتهاء - اي تسريب زيت او ماء - شحن البطارية كويس و الدينامو تمام - تخلي معاك شويه فيوزات - الاستبن طبعا - زجاجتين ميه - الانوار تمام - و قبل كل دا اقرا دعاء السفر 3- البطاريه كده لازم تعمل عليها تشيك لان المفروض الكاسيت يشتغل بالساعات بدون دوران السياره. 4- اكيد تستهلك بنزين بس ببطأ و اديك مثل بسيط للتعرف علي مدي استهلاكها لما حد يعمل عمرة موتور بيحطولوا صفيحتين بنزين يعني 40 لتر و يسيبوها دايره تقريبا علي ما اعتقد من 6 لحد 8 ساعات و الله اعلي و اعلم |
رد: استفسار عن تجهيز السيارة للسفر
بجد الف شكر علي معلوماتك ياغالي :) وانا كنت شاكك في موضوع البطارية بس كان ناس بتقولي انه طبيعي مع ال128 ومهما تجيب بطارية جديدة هيبقي نفس النظام
بس بجد شكرا ليك علي الافادة :) ومنتظر اذا احد عنده معلومات زيادة |
رد: استفسار عن تجهيز السيارة للسفر
بالإضافه للكشف على الإستبن يجب مراعاة ضغط باقى فرد الكاوتش والتأكد من صلاحيتها للسير وأيضاً التأكد من وجود ماء بالكميه اللازمه فى الردياتير وأيضاً فى قربة مساحات الزجاج وكذا صلاحية مساحات الزجاج نفسها |
رد: استفسار عن تجهيز السيارة للسفر
الف شكر علي الاهتمام
طب بالنسبة للريداتير باضيف المياه فيه والعربية دايرة صح ؟! |
رد: استفسار عن تجهيز السيارة للسفر
لو العربية باردة مادارتش خالص - يعني قبل ماتدور الصبح و انت بتكشف علي الميه و الزيت و لاقيت الميه ناقصه بتزودها عادي من غير ادارة العربيه من القربة - لو معندكش قربه يبقي تفتح غطا الرادياتير و تزود
لو اكتشفت نقص ميه و العربيه سخنه - يعني دارت و مشيت مسافه كويسه - يبقي تزود و هي دايرة و نصيحه مهمه جدا ليك و لكل الاخوة الكرام خلي بالك دايما من امبير الحرارة فهي العدو الاول للاحياء و الجماد ( اعاذنا الله و اياكم من حر جهنم ) و ربنا يحفظك |
رد: استفسار عن تجهيز السيارة للسفر
شكرا ياغالي منور
|
| الساعة الآن 09:11 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017