مشكلة في فرامل لانسر بومة 2009
السلام عليكم
دلوقتي يا جماعة انا عندي مشكلة في الفرامل ... اول ما غيرت التيل اشتريت تيل ياباني وخرطت الطنابير و فضلت كويسة معايا حوالي 5 او 6 شهور وبعد كده بدأ يبقى فيه رجة في الفرامل ... روحت اشتريت تيل أصلي و غيرت الفرامل و برضو بعد 4 او 5 شهور عملتها معايا تاني مع ان المفروض الاصلي يقعد حوالي سنة ونص او سنتين و اللي حصل عبارة صوت حكة في الفرامل لو العربية ماشية بالراحة و لو حبيت تهدي وانت ماشي اكتر من 80 يجيلك صوت رجة مع الفرامل ... روحت لميكانيكي قالي غيرها ياباني تاني عادي بس اخرط الطنابير لتاني مرة وخرطتها مرة كمان بس المرة دي بعدها باسبوعين رجعت تعمل صوت الحكة والرجة دي ...مع العلم اني فحصت قوة الفرملة على الجهاز طلعت كويسة جدا...ايه الحل فيها دلوقتي من خبراتكم نوع السيارة لانسر بومة 2009 وشكرا جزيلا |
رد: مشكلة في فرامل لانسر بومة 2009
تغير الطنابير
============ |
رد: مشكلة في فرامل لانسر بومة 2009
غير الطنابير يا بشمهندس
|
رد: مشكلة في فرامل لانسر بومة 2009
غير الطنابير ..هتغير التيل عشرات المرات والمشكلة هترجع تاني..الطنابير وحشه وبتاكلك التيل وعشان كده بتعمل معاك الرجه دي ..وإبقى غير تيل بقى بالمره عشان تلاقي الطنبوره بوظطهولك
|
رد: مشكلة في فرامل لانسر بومة 2009
ألف شكر يا جماعة ... هروح اغيرها واشوف ايه النظام ربنا يكرم وتظبط بعد كده
|
رد: مشكلة في فرامل لانسر بومة 2009
قبل ما تغير الطنابير اعرف السبب الاول
بص علي التيل واتاكد ان التاكل متساوي لقطعتين التيل للعجلة يعني ميكونش متاكل من جوه ومن بره عليه لحم واتاكد ان الطنابير مفيهاش اخاديد معلمة علي التيل والمفروض قبل ما تخرط الطنابير تتاكد ان ممكن تتخرص بيبقي مكتوب هليها اقل سمك ممكن اتاكد ان المسامير اللي علبها كاوتش جلد عامل زي السوستة مرنة وتنضغط وترجع تاني بسلاسة http://images.tapatalk-cdn.com/15/05...84502bf0d3.jpg اتاكد ان بستم الفرامل نفسه مفيهوش تسريب وحر الحركة |
الساعة الآن 01:00 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017