سعر أفضل عربية بومة مانيوال فل أوبشن
 

السلام عليكم
ياريت يا جماعة تساعدوني
أنا عايز أشتري بومة زيرو أجيبها منين وبكام مع العلم إني عايزها فل أوبشنز ولكن مانيوال و1600
معلش أنا عارف إن الإجابات متوفرة في مواضيع في المنتدى لكن الصراحة أنا توهت بين الأنواع والفئات والمواضيع وعايز حد يقولي دور على كذا وما تدفعش أكتر من كذا

1-فيا ترى هلاقيها زيرو؟ وبكام ؟ وفين؟

2-طيب لو مفيش منها زيرو لو لقيتها مستعملة المفروض سعرها ما يزيدش عن كام؟

3- ولو يأست إني ألاقي منها حاجة نضيفة الشارك أحسن منها (كتحمل) ولا أبعد عنها وبردو سعرها كام؟


4-ملحوظة كان معايا شارك في الخليج لفترة لكن كانت 2400 cc معرفش هنا في مصروضعها إيه؟
وزيها ولا مختلفة؟

5- سألت معرض في مدينة نصر ثالي البومة 1600 بسعر148000 إيرباج واحد موديل 2014 مفيش لا Abs ولا حاجة وبعدين شايف ناس بتقول أبعد عن 1600cc اللي بعد 2009 لإنها مختلفة وعفشتها عفشة 1300cc

الحقيقة أنا توهت خالص ياريت تساعدوني

رد: سعر أفضل عربية بومة مانيوال فل أوبشن
 

مفيش أي رد

رد: سعر أفضل عربية بومة مانيوال فل أوبشن
 

رد: سعر أفضل عربية بومة مانيوال فل أوبشن
 

فعلا لقيت واحدة مستعملة إستعمال نضيف 2007 خليجي بس محتاج أعرف
أتأكد إزاي إنها فعلا جاية من الخليج؟
أعرف إزاي إنها فيها إيرباج وabs صاحبها نفسه ما يعرفش؟

رد: سعر أفضل عربية بومة مانيوال فل أوبشن
 

العربية الخليجى فيها شوية مواصفات تختلف عن الوكيل ... زى مثلا .. الاريال بيكون فى اخر العربية .... الوكيل بيكون فى القايم الشمال الامامى
اى ميكانيكى ممكن يعرف اذا كان فيها ايه بى اس و لا لأ .... و ممكن حضرتك تعرف فيها ايرباج من علامة الايرباج فى التابلوه
لو حضرتك بصيت فى المرايات الجانبية حتجد مكتوب عليها باللغة العربية .. الابعاد فى المراة غير حقيقية
لو العربية من الوكيل المصرى ستجد الكتابة دى باللغة الانجليزية ... و كذلك بعض الكتابات فى حوض الموتور
متابع معاك رأى الاخوة الاعضاء الاكثر علما و اطلاعا

رد: سعر أفضل عربية بومة مانيوال فل أوبشن
 

ألف شكر يا باشمهندس أحمد على المعلومات القيمة
وآسف لو هتقل عليك العربية فابريكة وحالتها ممتازة جدا وعاملة 100 ألف كيلو 1600cc موديل 2007
فسعر 80 ألف مناسب ليها ولا غالية لإن في ناس قالولس السعر ده لو كانت أوتوماتيك إنما دي مانيوال؟؟!!

رد: سعر أفضل عربية بومة مانيوال فل أوبشن
 

العفو يا فندم
و اعذرنى .... انا خايب جدا فى البيع و الشراء ... و معرفش فى الاسعار كويس

على العموم .. العربيات المستعملة على حسب حالتها .. و تقييم المبلغ المطلوب حيكون من نصيب حضرتك ... مش حد تانى
استخير ربنا و توكل عليه

ربنا يوفقك للى فيه الخير