مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   مازدا MAZDA (https://www.masrmotors.com/vb/forumdisplay.php?f=34)
-   -   شكرا ياجماعة على مباركتكم رجوع السيارة (https://www.masrmotors.com/vb/showthread.php?t=13808)

mazda323 05-10-2009 02:51 PM
شكرا ياجماعة على مباركتكم رجوع السيارة
 
أولاً أحب أشكر كل اللى دخل وقالى مبروك رجوع السيارة وثانياً بدعي من الله إن محدش يتحط في الموقف ده أبداً وأشكركم مرة تانية ياجماعة وفعلاً السيارة عزيزة جداً علينا لإنها تعتبر جديدة ماشية 130 ألف كيلو وبأكياسها الداخلية بحكم عدم استخدامنا ليها وسفرنا خارج مصر والحمدلله على كل شيء وتقبلوا مروري تامر عاشق المازدا

m_o_sakr 11-10-2009 06:42 PM
رد: شكرا ياجماعة على مباركتكم رجوع السيارة
 
alf mbrok rgo3 el 3rbia lek blslama ya 3ashe2 el mazda

koky_90 11-10-2009 09:57 PM
رد: شكرا ياجماعة على مباركتكم رجوع السيارة
 
مبروووك
والله فرحت من قبلى
الف مبروك :260309~146:
ياريت تقولنا تفصيل رجوع السياره حتى يستفاد الجميع

وربنا يعفينا جميعا

m_o_sakr 13-10-2009 03:38 PM
رد: شكرا ياجماعة على مباركتكم رجوع السيارة
 
alf 7mdl 3la slamet el 3rbia mra tnia, w mstnien t2lna 3mlt eh fl 3rbia ya basha

hazem_khidr 13-10-2009 04:44 PM
رد: شكرا ياجماعة على مباركتكم رجوع السيارة
 
الف مبروك يا تامر رجوع العربيه
خد دي نصيحه مني و ان شاء الله عمر ما العربيه حتتسرق نهائي
روح لكهربائي خليه يعمل لك زرار يفصل موبينه العربيه
و يحطه في مكان مخي تحت التابلوه او في درج التابلوه جوه
المهم يكون مكان مخفي و خلاص
و مهما الحرامي حاول يدور في العربيه او يعمل ليها توصيلات
عمر ما العربيه حتتسرق بأذن الله نهائي
الا لو وصل للمفتاح و دي صعبه اني يوصل للمفتاح لانه بيبقي عاوز ينتهي بسرعه مش حيقعد يجرب
مجرد لما يلاقي العربيه مش بتشتغل حيطلع يجري قبل ما حد يصحي

abdoon16 13-10-2009 04:50 PM
رد: شكرا ياجماعة على مباركتكم رجوع السيارة
 
الله عليك يا حازم باشا علي نصايحك تسلم ايدك,

mazda323 17-10-2009 02:29 PM
رد: شكرا ياجماعة على مباركتكم رجوع السيارة
 
إلى الإخوان الأعزاء أحب أشكركم جدا وتحية لحاتم خضر على تصايحك الغالية فعلا إنشاءالله ده اللى هيحصل لما انزل مصر إنشاءالله بس طول عمرنا ما تخيلنا إن العربية ممكن تتسرق من تحت بيتنا بس قدر الله وماشاء فعل الحكاية ببساطة إن أنا كنت في الرياض ووالدى ووالدتى نزلوا أجازة وكان فرح أخويا تانى يوم العيد وخلصوا الفرح الساعة 2 صباحاً والعربية واقفة وتشوفها من الشباك وكانوا شايفينها بعد مارجعوا يمكن لحوالى الساعة 3 وبعد كدا بصوا من الشباك لقوا أوبتر حمرا واقفة مكان عربيتنا وبدأت المأساة وعرفوا إنها اتسرقت وعملوا محضر وكلموا ناس في الشرطة بس الحق يقال في عميد شخصياً أكد رجوعها وقال إنشاءالله هى مسألة وقت وفعلاً مر أسبوع واحد بالظبط وفعلاً العميد بنفسه إتصل على أخويا وقاله إنتوا مبلغين على عربية ماركتها مازدا ولونها ولوحتها كذا العربية لقيناها في منشية ناصر روح بسرعة هتلاقى أمين شرطة قاعد مستنيك وفعلاً راحوا لقوا الأمين جنب العربية ومنتظر أخويا وسلموه العربية بس طبعاً الله لا يباركله مشى على العربية مدة بدون بنزين لغاية ماقطعت منه لإن أخويا ملقاش فيها ولا نقطة وسرق وش الكاسيت (بايونير تمنه 1200 جنيه) المشكلة إنه سرق وش الكاسيت بس مش الكاسيت كله وأخد السماعات (بايونير300وات) والستارة الخلفية وأخد العدة اللى في الشنطة طقم ياباني أصلي نازل مع العربية والكوريك وعدة الرفع بس أرجع وأقول الحمدلله إنها رجعت واللى راح في داهية وأمرنا إلى الله هنجيب غيرهم بس لازم العربية تتأمن كويس ومينفعش إنها تتساب في الشارع بس عايز أفهم حاجة خد عربية بالحجم ده كله إزاى العربية 929 طويلة وعريضة فتحها وأخدها إزاي الله ينتقم منه وتقبلوا مرورى تامر عاشق المازدا وبشكر كل الشباب اللى باركولي ويارب محدش يتحط في الموقف ده أبداً يارب.


الساعة الآن 01:47 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017