أفضل نوع كاوتش ميكونش غالى
 

السلام عليكم ورحمة الله وبركاتة
انا عايز اغير كاوتش العربية علشان ناشف وبتاع الكاوتش قال لى فى انوع اسمة نن كونج تايوانى قالى دة طرى والنقشة بتعتة حلوة ياريت لو حد يعرفة يقولى او لو يعرف نوع كويس ومش غالى يقولى :260309~146:

رد: أفضل نوع كاوتش ميكونش غالى
 

انا سألت النهاردة على البريدجستون فى الوكيل بتاعة شركة النيل قالى ان مقاس الكاوتش 175/13 اندونيسى وب 280 ج ومفيش منة يابانى روحت سألت محل بيبيع كاوتتش معروف اسمة البطل الرومانى قالى انة عندة بريدجستون 175/13 يابانى و370 جنية اصدق مين وهل فى يابانى من المقاس دة ولاء بيشتغلنى وهيدينى اى حاجة معلش انا طولت عليكو بس انتو عارفين انه الناس كلها بتغش ومفيش حد صادق ياريت حد يرد عاليا

رد: أفضل نوع كاوتش ميكونش غالى
 

يا تري عربيتك نوعها ايه و استخدامك للعربيه عامل ازاي؟؟
بالنسبه للروماني انا اعرف انه غالي و مش بثق في كلامه اوي
و طالما توكيل بردجستون قالك مافيش المقاس دا ياباني يبقي تصدق كلامه
غير كده اندونيسي مش وحش و للعلم اندونسيا اكبر دول في العالم في صناعه الكاوتشوك
وكمان مصنع بريدجستون كمان يبقي ما تقلقش من الكاوتش دا خالص
حتي لو فيه ياباني انا رأيي توفر المبلغ الفرق

رد: أفضل نوع كاوتش ميكونش غالى
 

ياباشا انا متشكر على رأيك ده بس انا قرأت ان البريدجستون مطبة ناشف هل الكلام دة صح ولا غلط وانا يعنى بعمل فى البوم حوالى 50 كم دة ممكن كمان اسافر مرة فى الشهر اسكندرية يعنى استهلاكى فى الشهر من 1000 الى 1200 كم والعربية لادا سمار الجديدة

رد: أفضل نوع كاوتش ميكونش غالى
 

لا تثق فى محلات البطل الرومانى وعن تجربة وعلى فكرة الكاوتش الاندونيسى ممتاز وبردة عن تجربة

رد: أفضل نوع كاوتش ميكونش غالى
 

الكاوتش الكورى احسن نوع و ارخصهم

رد: أفضل نوع كاوتش ميكونش غالى
 

إحنا محتاجين من الكاوتش إية؟؟؟؟؟؟؟؟

من وجهة نظرى محتاجين منه الحاجات دى
1 ينقل القوة الفرملية
2 ينقل قوة الجر
3 يقلل قوة التدحرج Rolling resistance
4 نقشة ناعمة ماتعملش وش و دوشة و خشانة و إحنا ماشيين
5 أكيد الكاوتش له علاقة وثيقة بالزوايا

عن تجربة الكاوتش بيكون جديد و بسببه بيخلى العربية بتحدف بدليل شكوى العميل من حدفة شمال و عند تبديل الكاوتش تصبح الحدفة يمين مع غن قراءة الزوايا سليمة

عشان كدة مفيش حاجة مطلقة و أكيد لو حضرتك عايز كاوتش رخيص او بمعنى ادق سعره حنين يبقى حضرتك هتستغنى عن ميزة او اوأكثر من اللى ذكرتهم

و بصفة عامة انا افضل الكورى عن الأندونيسى